בעלזא
בעלזא איז א חסידות געגרינדעט דורך הרב שלום רוקח אין דער שטאט בעלזא אין מזרח גאליציע, אמאל פוילן, היינט אוקראינע. דער הויף ציילט צענדליגער בתי מדרש און חינוך אין אסאך יידישע קהילות אויף דער וועלט.
געשיכטע
[רעדאַקטירן | רעדאַקטירן קוואַלטעקסט]הרב שלום
[רעדאַקטירן | רעדאַקטירן קוואַלטעקסט]
זעט דעם הויפּט אַרטיקל – שלום רוקח
הרב שלום, וואס ווערט גערופן דער ערשטער בעלזער רב איז געווען באקאנט אלס וועלט'ס בארימטער בעל מופת צו וועמען צענדליגער טויזנטער אידן און נישט אידן האבן געשטראמט אויף ישועות און רפואות. צו ווערן אויסגעהאלפן און אויסגעהיילט. ביי א סאך תלמידים פון דעם חוזה פון לובלין, רבי יעקב יצחק הורוויץ, איז ער געווען אנגענומען אלס דער ממשיך דרכו. ער האט אויפגעבויעט אין זיינער צייט די שענסטע שול אין גאליציע. ער איז נפטר געווארן כ"ז אלול ה'תרט"ו, און ליגט אין שטאט בעלזא.
הרב יהושע
[רעדאַקטירן | רעדאַקטירן קוואַלטעקסט]- זעט דעם הויפּט אַרטיקל – יהושע רוקח
הרב יהושע, דער מיטעלער בעלזער רב, נאך אים האט איבער גענומען דאס רבנות פון דעם שטעטל בעלזא זיין יונגסטער זון הרב יהושע רוקח, באקאנט אלס דער גרויסער לוחם קעגן דער רעפארם באוועגונג און משכילים. ער האט געגרינדעט אן ארטאדאקסישע באוועגונג אין גאליציע באקאנט אלס 'מחזיקי הדת'. אויך האט ער געגרינדעט דעם ערשטן ארטאדאקסישן צייטשריפט אונטערן נאמען 'קול מחזיקי הדת'. ער איז נפטר געווארן כ"ג שבט תרנ"ד אין וויען, עסטרייך נאך א געפאהרפולער אפאראציע וואס ער איז אריבער, און ליגט אין בעלזא.
הרב ישכר דוב
[רעדאַקטירן | רעדאַקטירן קוואַלטעקסט]- זעט דעם הויפּט אַרטיקל – ישכר דוב רוקח (א)
נאך הרב יהושע איז דאס רבנות פון בעלזא אריבער צו זיין צווייטן זון הרב ישכר דוב רוקח, אנגערופן דער פריערדיגער בעלזער רב. באקאנט אלס חכם הרזים און א געוואלדיגער קלוגער מענטש. אויך זיין גאונות און גדלות בתורה האט באקומען א נאמען און צעשפרייט געווארן איבער גאנץ אייראפע ווי אויך ארץ ישראל און אמעריקע. ביי דער ערשטער וועלט'ס קריג האט ער אויסגעוואנדערט אויף אונגארן ווי ער האט זיך אויפגעהאלטן און מונקאטש און אין ראצפערט. זייענדיג און מונקאטש האט אויסגעבראכן די באקאנטע מחלוקה צווישן מונקאטש און בעלזא, הויפטזעכטליך צוליב דער קפידא פון דעם ארטיגן שטאט'ס רב רבי חיים אלעזר שפירא באקאנט אלס מחבר פון ספר ׳מנחת אלעזר׳. ער איז נפטר געווארן כ"ב מרחשוון תרפ"ז, און ליגט אין בעלזא.
הרב אהרן
[רעדאַקטירן | רעדאַקטירן קוואַלטעקסט]- זעט דעם הויפּט אַרטיקל – אהרן רוקח
נאך הרב ישכר דוב איז געקרוינט געווארן זיין עלטסטער זון רבי אהרן רוקח אלס רב פון דער שטאט בעלזא. באקאנט אלס זעלטענער פרוש און קדוש וטהור, עס איז געפאלען א שרעקליכע פחד דקדושה אויף יעדער וואס האט נאר געקוקט אויף זיין הייליגער געזיכט, אלע צדיקים פון זיין דור האבן זיך מכניע געווען פאר אים, ער איז אנגענומען אלס דער ריכטיגער 'צדיק הדור' פון זיינער צייט ביי אלע חסידישע און אפילו טייל ליטווישע קרייזן אן אויסנאם.
נאך דער חורבן אייראפע האט רבי אהרן רוקח זצ"ל, וועלכער איז געווען באקאנט אלס א מלאך אלוקים מיט זיין הייליגער פירונג, צוריק אויפגעבויט די קהילה אין ארץ-ישראל און אין חוץ-לארץ. ער איז נפטר געווארן פלוצלינג מוצאי שבת עקב כ"א אב תשי"ז אין ירושלים עיר הקודש, זיין פטירה האט אויפגעשוידערט דעם גאנצן ארטדאקסישן יודענטום איבער דער גארער וועלט. ער ליגט אין הר המנוחות אין גבעת שאול, ירושלים.
הרב ישכר דוב (היינטיקער רבי)
[רעדאַקטירן | רעדאַקטירן קוואַלטעקסט]- זעט דעם הויפּט אַרטיקל – ישכר דוב רוקח (ב)
ניין יאר נאך זיין פטירה האט מען אויפגענומען זיין פלומעניק הרב ישכר דוב רוקח, די הכתרה איז פארגעקומען נאך דעם וואס ער האט חתונה געהאט מיט דער טאכטער פון דעם וויזשניצער רבי'ן משה יהושע האגער אין אדר ה'תשכ"ו, נאך איידער ער איז געווארן אכצן יאר אלט.
אונטער זיין הנהגה האט דאס חסידות געבליעט. די הויפטקווארטיר געפינט זיך אין קרית בעלזא, ירושלים, וואו מ'האט געבויעט דעם בעלזער בית מדרש אין א ריזיגער געביידע, אויפן סטיל פונעם בית מדרש אין דער שטאט בעלז. לעבן דעם בית מדרש געפינט זיך דעם רבי'נס הויז, און אין דער ארומיגן געגנט וואוינען בערך טויזנט בעלזער חסידים.
דער רבי לייגט אריין א ספעציעלע ארבעט אין חינוך, וואו ער מאכט חידושים אין נייע איינפירונגען, ווי צום ביישפיל דעם באניץ פון פסיכאלאגן און סאציאלע באדינונגען אין זיינע מוסדות, און אויך אין קירוב רחוקים. ער האט אויפגעשטעלט די ארגאניזאציעס "תורה ואמונה" "צהר" אין "הידברות", וועלכע זענען באקאנט און דעם עולם התשובה אין ארץ ישראל. אויך האט דער רבי סטימולירט ר' מיילעך פירער אויפצושטעלן די עזרה למרפא ארגאניזאציע.
אין ארץ ישראל האט בעלזא שטיבלעך אין ירושלים, בני ברק, אשדוד, בית שמש, תל אביב, קרית גת, נוף הגליל און חיפה; אין חו"ל אין בארא פארק, מאנסי, וויליאמסבורג, סטעטן איילענד, לעיקוואד, מאנטרעאל,אנטווערפן, לאנדאן, מאנטשעסטער און, ציריך.
א קליינט צאל פון די חסידים האבן זיך נישט געוואלט אונטערווארפן אונטערן נייעם רבי'ן און האלטן זיך נאך בעלזער חסידים פון רבי אהרן רוקח זצ"ל. זיי האבן אנגענומען אלס רבי יהושע רוקח, אדמו"ר פון מאכניווקא.
בעלזער ישיבות
[רעדאַקטירן | רעדאַקטירן קוואַלטעקסט]דאס בעלזער חסידות האט אכט ישיבות גדולות אין ארץ ישראל:
- די אלטע ישיבה אין אגריפס גאס אין ירושלים, געגרינדעט אין תש"י. היינט איז דער ראש ישיבה הרב אהרן רובינפעלד.
- די בעלזא ישיבה אין בני ברק, דער ראש ישיבה איז הרב חיים צבי שפירא.
- די בעלזא ישיבה אין חיפה דער ראש ישיבה איז הרב בערל רעכניצער.
- די בעלזא ישיבה אין אשדוד דער ראש ישיבה איז הרב מאיר ראזענגארטען.
- די בעלזא ישיבה "ישמח לב" אין אשדוד דער ראש ישיבה איז הרב שלמה לווינגער.
- די בעלזא ישיבה אין בית שמש.
- די בעלזא ישיבה אין קרית הרצוג.
- די בעלזא ישיבה אין ביתר.
אין יאר תשס"ו האט מען אויפגעשטעלט א ישיבה פאר עלטערע בחורים וואס האבן שוין געלערנט דריי יאר אין ישיבה גדולה. די ישיבה איז געווען אין ירושלים אין דעם בנין פון קאלעוו אין שיכון חב"ד, ווי אויך אין הר חוצבים און אין גבעת שאול, ירושלים, אינעווייניג פון דער באקאנטער דיסקין געביידע, היינט געפינט זיך די ישיבה ווידער אין רמות
אין אלול פון יאר תשע"ג האט מען אויפגעשטעלט די ישיבה קדושת אהרן וואס געפינט זוך אינעם גרויסן בעלזער בית המדרש אין ירושלים.
בעלז האט ישיבה קטנות אין ירושלים 2, בית חלקיה, טעלז סטאן, קוממיות, בני ברק, אשדוד 2, בית שמש, חיפה, לאנדאן, מאנטשעסטער, אנטווערפן, מאנטרעאל, בארא פארק 3 און מאנסי.
אנזיכטיקע חסידים
[רעדאַקטירן | רעדאַקטירן קוואַלטעקסט]פריערדיקע:
- הרב דוד מנחם מאניש באב"ד - טארנאפאלער רב, מחבר פון שו"ת "חבצלת השרון".
- הרב יהושע מענדל עהרנבערג - אב"ד אין תל אביב, באוואוסטער פוסק.
- רבי יוסף גרינוואלד - רב פון פאפא און מנהיג פון פאפער חסידות אין ברוקלין.
- הרב יעקב יצחק ניימאן - רב אין פאפא; נאכן חורבן אייראפע רב פון דער בעלזער קהילה אין מאנטרעאל
- רבי חיים מאיר יחיאל שפירא - נאראלער רב; נאכן חורבן אייראפע נאראלער רבי אין בני ברק
היינטיקע:
- הרב פנחס פרידמאן - ראש הכוללים דחסידי בעלזא אין ארץ ישראל
- הרב יעקב גרינוואלד - חבר הבית דין פון קהל מחזיקי הדת בארץ ישראל
- הרב מאיר דוב רעכניצער מחותן פון די בעלזער רבי, אין ראש ישבה פון בעלזער ישבה אין חיפה
- הרב שמאי קהת הכהן גראס, בארימטער פוסק, מחבר ספר "שבט הקהתי"
- הרב אברהם דירנפעלד - חבר הבית דין פון קהל מחזיקי הדת, רב פון בעלזא קהילה אין תל אביב אין בית שמש, ראש רשת כוללי עיון דחסידי בעלזא
- אלימלך פירער, מעדיצינישער עסקן אין ישראל
- ישראל אייכלער דעפוטאט אין כנסת
וועבלינק
[רעדאַקטירן | רעדאַקטירן קוואַלטעקסט]
- א ווידעא קליפ פון דער בעלזער שול (ארכיווירט 21.04.2006 ביי דער Wayback Machine)
| חסידישע הויפן | ||
|---|---|---|
| אוקראינע: | ||
| פוילן: | ||
| מזרח-גאליציע: | ||
| מערב-גאליציע: | ||
| וואלין: | ||
| ליטע/רייסן: | ||
| רומעניע: | ||
| אונגארן: | ||
| אמעריקע: | ||
| ירושלים: | ||
| אנדערע: | ||