ליזשענסקער דינאסטיע

פֿון װיקיפּעדיע

די ליזשענסקער דינאסטיע איז א רבישע דינאסטיע וואס שטאמט פון רבי אלימלך פון ליזשענסק (ה'תע"ז - כ"א אדר ה'תקמ"ז), דער גרעסטער פון די רבי'ס אין פוילן פונעם דריטן דור פון חסידות.

רבי אלימלך האט געהייראט אין שינאווא שפרינצא די טאכטער פון הרב אהרן רוקח (א ברודער פון הרב אלעזר רוקח) און פון איר זענען געבוירן זיינע קינדער.

די קינדער פון רבי אלימלך און די רעביצין שפרינצא זענען געווען:

  • הרב אליעזר ליפא (ליפמאן) ווייסבלום פון כמעלניק.
  • מרת מירל (מיריש), די ווייב פון הרב אליהו פון שדה לבן.
  • מרת עטיל, די ווייב פון רבי ישראל עלבוים פון ליזשענסק.

רבי אלעזר[רעדאַקטירן | רעדאַקטירן קוואַלטעקסט]

רבי אלעזר איז געווען דער עלצטער זון פון רבי אלימלך. מען האט אים א נאמען געגעבן נאך זיין עלטער־פעטער רבי אלעזר רוקח. ער האט זיך אפגעזאגט פון ווערן זיין פאטער'ס ממלא מקום. א טייל פון זיינע בריוו זענען געדרוקט אינעם ספר "נועם אלימלך".  רבי אלעזר האט חתונה געהאט בזיווג ראשון מיט דער טאכטער פון רבי צבי הירש פון גראדזשיסק און בזיווג שני מיט דער טאכטער פון ר' שמואל מלמד פון שינאווא. די קינדער פון רבי אלעזר זענען:

  • מרת חיה שרה, די זיווג שני פון רבי משה קאזשניצער 
  • מרת פייגא, די ווייב פון רבי חיים מאיר יחיאל פון מאגלניצא.
  • די ווייב פון רבי שמואל זאנוויל בינדיגער פון בארדיאוו
  • די ווייב פון רבי אלימלך רימאנאווער, זון פון רבי אליעזר ליפא, זון פונעם רבי'ן ר' מיילעך
  • די ווייב פון איר שוועסטער־קינד רבי אלימלך, זון פון מרת עטיל, טאכטער פונעם רבי'ן ר' מיילעך
  • רבי נפתלי (נפטר כ"ה חשוון תר"ט), וואס האט נישט געוואט פירן א הויף און האט אוועקגעשיקט זיינע חסידים.
    • זיין איידעם איז געווען רבי משה מנחם דעברעצין.
    • רבי משולם זושא פון נאדווארנע, אן איידעם ביי רבי דוד אריה זון פון רבי צבי הירש פון נאדווארנע. ער איז ארויף קיין צפת, און איז נפטר געווארן כ"ה כסלו תר"נ. זיינע איידעמעס זענען געווען רבי אברהם זון פון רבי אהרן פון פעלשטין פון דער סטרעטינער גזע און רבי יעקב קאפיל פון טארנאפאל.
      • די ווייב פון רבי אלימלך וואלקנפעלד ( ר׳ אלימלך דובטשע׳ס) פון ליזשענסק.
      • רבי דוד אלימלך
    • הרב יעקב יצחק פון זידיטשויוו, איידעם ביי רבי נפתלי הירץ לאַבין (איידעם פון רבי צבי הירש זידיטשויווער). צווישן זיינע אייניקלעך זענען די ווייסבלום משפחה פון חיפה פון וועמען זענען באקאנט הרב יעקב יצחק און זיינע זין די רבנים חיים נפתלי, רב פון שכונת נוה שאנן חיפה, אורי משגיח אין ישיבת נחלת הלויים אין חיפה.
    • הרב אלעזר. איינער פון זיינע איידעמעס איז געווען רבי אלימלך פון יאוואראוו.
    • רבי אלימלך ווייסבלום וואס האט געהאט א קליינע עדה פון חסידים אין ליזשענסק.
      • זיין איידעם הרב ישראל חיים אב"ד טארג-ניאמאץ מחבר פון שו"ת "מי השילוח" און "מנוחת שלום".
      • זיין איידעם און ממלא מקום רבי ברוך הורוויץ (בערך תר"ס - כ"ד כסלו תשט"ו) פון דער מעליצער דינאסטיע. ער איז געשיקט געווארן אין גלות אין סיביר און אזוי איז ער געראטעוועט געווארן פונעם חורבן. ער האט אימגרירט אין די פאראייניגט שטאטן וואו ער האט געדינט ווי ליזשענסקער רבי. זיין זון רבי אברהם אביש איז דער היינטיקער אדמו"ר פון מעליץ-ליזשענסק אין וויליאמסבורג.
    • זיין איידעם הרב חיים שיף.
      • רבי שמעון שיף. האט געדינט אין קלויזנבורג. ער איז געווארן דערמארדעט אין דער מלחמה. זיין איידעם איז רבי יצחק מאיר אייכינשטיין פון זידיטשוב פתח תקווה.
        • רבי בן ציון שיף. האט געדינט אין אנטווערפן. ער איז געווארן דערמארדעט אין דער מלחמה.
        • רבי אלימלך. האט געדינט ווי ליזשענסקער רבי אין מיהאליפאלווא ;
    • זיין יונגערער זון הרב יוסף חיים ווייסבלום ליגט באגראבן לעבן רבי אלימלך. פאר דער צווייטער וועלט מלחמה איז זיין מצבה נאך געשטאנען.

רבי אליעזר ליפא[רעדאַקטירן | רעדאַקטירן קוואַלטעקסט]

רבי אליעזר ליפא (נפטר כ"ו אדר תקע"ג) האט געפירט אין כמעלניק, פוילן. מחבר פון ספר "אורח לצדיק". זיינע קינדער:

  • רבי אריה לייב פון כמעלניק. איידעם ביי הרב פישל פון ציצלניק. רבי אריה לייב האט געהאט אן איידעם רבי שמואל אבא פון סאלוויטא.
  • די ווייב פון רבי יחיאל אבנר זילבערשטיין

רבי יעקב מאגלניצער[רעדאַקטירן | רעדאַקטירן קוואַלטעקסט]

ווייניג פרטים ווייסט מען וועגן רבי יעקב מאגלניצער. זיינע קינדער זענען געווען:

זיין איידעם רבי ישראל[רעדאַקטירן | רעדאַקטירן קוואַלטעקסט]

די קינדער פון רבי ישראל זענען געווען :

ביבליאגראפיע[רעדאַקטירן | רעדאַקטירן קוואַלטעקסט]