איזשביצע-ראדזין (הויף)

פֿון װיקיפּעדיע
דער בית המדרש אין איזשביצע

איזשביצע-ראדזין איז א חסידישער הויף וואס רבי מרדכי יוסף ליינער, א תלמיד פונעם רבי ר' בונם און דעם קאצקער רבי'ן, האט געגרינדעט אין איזשביצע ווען ער האט פארלאזט קאצק אין ה'ת"ר (1839).

זיין זון און נאכפאלגער, רבי יעקב ליינער, האט זיך געצויגן אין דעם שטעטל ראדזין אויף וועלכן נאמען דאס חסידות איז באקאנט. דער דריטער רבי איז געווען רבי גרשון העניך ליינער, וואס האט באנייט דאס ענין פון תכלת אין ציצית.

די באקאנטע ספרים פונעם חסידות זענען מי השילות (פון רבי מרדכי יוסף) און בית יעקב פון רבי יעקב.

היינט ווערט דאס חסידות געפירט אין בני ברק דורך רבי שלמה יוסף ענגלארד אין ירושלים דורך רבי נתן נחום ענגלארד. אן אנדער צווייג ווערט געפירט אין ירושלים דורך רבי משה ליינער.

איזשביצע־ראדזינער רביס[רעדאַקטירן | רעדאַקטירן קוואַלטעקסט]

  • רבי מרדכי יוסף ליינער פון איזשביצע (נפ' ז' טבת תרי"ד), דער "מי השילוח"
    • רבי יעקב ליינער פון איזשביצע, זון פון רבי מרדכי יוסף (כז חשון תקע"ה - ט"ו אב תרל"ח), דער "בית יעקב"
      • רבי גרשון העניך ליינער פון ראדזין (נפ' ד' טבת תרנ"א)
        • רבי מרדכי יוסף אלעזר ליינער פון ראדזין (תרל"ג - כ"ו שבט תרפ"ט), דער "תפארת יוסף"
          • רבי שמואל שלמה ליינער פון ראדזין (י"ח שבט ה'תרס"ט - כ"ט אייר תש"ב)
          • רבי אברהם ישכר ענגלארד פון ראדזין (בני ברק), איידעם פונעם תפארת יוסף
            • רבי שלמה יוסף ענגלארד פון ראדזין (בני ברק), זון פון רבי אברהם ישכר
              • רבי נתן נחום (ב"ר ישעיה) ענגלארד פון ראדזין-ירושלים, אַן אייניקל פון רבי אברהם ישכר
    • רבי אברהם יהושע העשיל ליינער פון כעלם
      • רבי גדליה ליינער פון כעלם
      • רבי עובדיה ליינער פון כעלם
      • רבי רבי ירוחם ליינער פון ראדזין (לאנדאן-בארא פארק), דער "תפארת ירוחם"
        • רבי מרדכי יוסף ליינער פון ראדזין (בארא פארק)
          • רבי יעקב ליינער פון ראדזין (בארא פארק)
          • רבי משה ליינער פון ראדזין-ירושלים (בית וגן)

וועבלינקען[רעדאַקטירן | רעדאַקטירן קוואַלטעקסט]