פרשיסחא (הויף)

פרשיסחא איז א באקאנטע שטאט אין די חסידישע קרייזן, וואס דארטן האט געוואוינט רבי יעקב יצחק, באקאנט אלס דער ייד הקדוש, דער גרינדער פון דעם פרשיסחא שטייגער אין חסידות, וואס פון אים האט זיך געצויגן א פארצווייגטער חסידישע דינאסטיע. די ביאלער רבי'ס זענען ממשיך די פרשיסחא דינאסטיע.

א גרויסער טייל פון די חסידישע הויפן אין קאנגרעס פוילן זענען געווען נאכפאלגער פון פרשיסחא. נאך דער פטירה פונעם ייד הקדוש, איז זיין תלמיד רבי שמחה בונם געווארן דער הויפט ממלא מקום אין פרשיסחא, וואס האט געפירט קנאפע פערצן יאר ביז זיין פטירה סוף תקפ"ז. נאכדעם האט זיך דאס חסידות צעשפאלטן; מערסטנס חסידים זענען געבליבן אין פרשיסחא אונטערן זון פונעם רבי'ן ר' בונם, רבי אברהם משה; ער איז נפטר געווארן צוויי יאר שפעטער און זיין ארט איז אנגעפילט געווארן דורך רבי יצחק פון ווארקא. נאך א גרויסער טייל האבן נאכגעפאלגט רבי מנחם מענדל פון קאצק, וואס האט געפירט אויף א שארפן אופן, און איז געוועהן געאייגנט נאר פאר דערהויבענע בני עליה. אויך די קינדער פונעם ייד הקדוש האבן געפירט הויפן. דער עלטסטער זון, רבי ירחמיאל האט געפירט אין פשיסחא, און דער צווייטער זון, רבי יהושע אשר, האט געפירט אין זשעליכאוו און פאריסאוו. דער יונגסטער זון רבי נחמיה האט געפירט אין ביכאוו.

פון ווארקא האבן זיך אנטוויקלט די חסידותן פון אלעקסאנדער, אמשינאוו, ראדזימין, סטריקאוו און סקערנעוויץ. פון קאצק האבן זיך אויך אנטוויקלט די חסידותן פון גער, טשעכאנאוו, סאכאטשאוו, גאסטינין און פילץ. רבי מרדכי יוסף ליינער האט זיך געשיידט פון קאצק און אויפגעשטעלט א הויף אין איזשביצע, פון וואנעט שטאמט דאס ראדזינער חסידות, און זיין הויפט חסיד, רבי יהודה לייב אייגער האט געפירט זיין הויף אין לובלין.

פרשיסחער בוים

רבי יעקב יצחק ראבינאוויטש (ה'תקכ"ז - י"ט תשרי ה'תקע"ד).

• רבי ירחמיאל ראבינאוויטש (ה'תקמ"ד - ח' אייר ה'תקצ"ד), פון פרשיסחא.
• רבי יהושע אשר ראבינאוויטש (ה'תקס"ד - כ"ה אייר ה'תרכ"ב), פון פאריסאוו
• רבי נחמיה ראבינאוויטש פון בעכעווע
• מרת רבקה רחל, די ווייב פון רבי משה בידערמאן פון לעלאוו.

רבי ירחמיאל

• רבי ירחמיאל ראבינאוויטש (ה'תקמ"ד - ח' אייר ה'תקצ"ד), פון פרשיסחא.

• • רבי נתן דוד ראבינאוויטש (ה'תקע"ד - ז' חשוון ה'תרכ"ו), פון שידלאווצע.
    • רבי צמח ברוך ראבינאוויטש, פון שידלאווצע.
    • רבי פסח ראבינאוויטש, פון קינצק.
    • רבי שרגא יאיר ראבינאוויטש, פון ביאלאבזשעג.
    • רבי יצחק יעקב ראבינאוויטש (ה'תר"ז - כ"ג אדר ה'תרס"ה), פון ביאלא.
      • רבי נתן דוד ראבינאוויטש (ה'תרכ"ו - ז' שבט ה'תר"ץ), פון פארצעווע. האט געהייראט מרת לאה רייזל, די טאכטער פון רבי יחיאל יעקב האפשטיין פון קאזשניץ:
        • רבי משה יחיאל אלימלך ראבינאוויטש הי"ד פון לעבערטאוו.
        • מרת אסתר גאלדא, די ווייב פון רבי אברהם יעקב שפירא (ה'תרמ"ד - כ"ד אדר ב' ה'תשכ"ד) פון ירושלים.
        • מרת פייגא די ווייב פון רבי אהרן פערלאוו פון סטאלין.
          בזיווג שני האט ער געהייראט מרת יוטא, די טאכטער פון רבי משה יהודה ליב שפירא פון סטריזשעוו:
        • רבי ברוך ראבינאוויטש (תרע"ג - ), אדמו"ר פון מונקאטש
        • מרת חוה, די ווייב פון רבי ישראל דאנציגער, זון פון אלעקסאנדער רבין
      • רבי מאיר שלמה יהודה ראבינאוויטש (ה'תרכ"ח - י"ז אדר ה'תש"ב), פון מעזריטש.
      • רבי אברהם יהושע העשיל ראבינאוויטש (ה'תרל"ה - ח' תשרי ה'תרצ"ג), פון לובלין.
      • רבי ירחמיאל צבי ראבינאוויטש (ה'תר"ם - ז' חשוון ה'תרס"ו), פון שעדליץ.
      • מרת מייטעלי, די ווייב פון רבי מנחם מענדל פון ראדזימין.
      • מרת חנה, די ווייב פון רבי יוסף צבי פון סקערנעוויץ
      • מרת רחל גיטל

• • רבי יעקב יצחק אלחנן ראבינאוויטש.

זעט אויך

• פאריסאוו (הויף)

רעפערענצן

• הרב הקדוש מביאלא