שמואל וואזנער
 | |
| הר"ר שמואל וואזנער פון בני ברק | |
| געבורט |
4 סעפטעמבער 1913 ב' אלול ה'תרע"ג וויען, עסטרייך אונגארישע אימפעריע  |
|---|---|
| טויט |
3 אפריל 2015 (אלט 101) ט"ו ניסן ה'תשע"ה בני ברק, ישראל |
| מדינה |
עסטרייך, ישראל |
| לערנארט |
ישיבת חכמי לובלין |
| צאצאים |
חיים וואזנער |
| חתימה |
 |
  | |
הרב שמואל הלוי וואזנער ( ב' אלול ה'תרע"ג[1] 1913, וויען - ט"ו ניסן תשע"ה, בני ברק) איז געווען דער גרעסטער און פראמעניטטער חרדישער רב און פוסק וואס האט געוואוינט און געשאפט אין בני ברק, ארץ ישראל.
ביאגראפיע
[רעדאַקטירן | רעדאַקטירן קוואַלטעקסט]הרב שמואל וואזנער איז געבוירן געווארן אין ווין צו זיין פאטער ר' יוסף צבי און זיין מוטער רחל (שיף). ער איז געווארן א תלמיד פון ישיבת חכמי לובלין געפירט דורך הרב מאיר שפירא, וואו ער איז געווען א תלמיד פון רבי שמעון זשעלעכאווער וואס האט געדינט אלס דער משפיע רוחני און משגיח אין ישיבת חכמי לובלין.
ביי די 22 יאר האט ער חתונה געהאט מיט רבקה געלבער, א טאכטער פונעם ראש הקהל פון פרעשבורג. ער איז ארויפגעקומען קיין ארץ ישראל נאך פאר'ן חורבן אייראפע אין תרצ"ט. די בריטישע האבן נישט געלאזט די שיף אנקומען קיין חיפה, און הרב שמואל מיט זיין ווייב זענען געשווימען אין ים ביזן ברעג.
אין חודש אדר ראשון ת"ש האט מען אים אויפגענומען אינעם אהל תורה כולל וואס הרב יצחק אייזיק הלוי הערצאג האט געפירט. ער האט געלערענט דאן אין דער דושינסקי ישיבה אין ירושלים, דאן איז ער געווען טראץ זיינע אינגע יארן א חבר אין עדה החרדית. ער האט שימוש אין פסקענען ביים טעפליקער רב, הרב שמשון פאלאנסקי, און מען האט אים באשטימט רב פון גבעת שאול (הײַנט א טייל פון ירושלים).
אין יאר תש"ז האט רבי יעקב האלפערין, דער גרינדער פונעם זכרון מאיר געגנט פון בני ברק, פארבעטן הרב וואזנער, א תלמיד פון הרב מאיר שפיראאויף וועמענס נאמען דער געגנט איז גערופן, ווידער אויפשטעלן די "ישיבת חכמי לובלין" אויף א שטח וואס ער ר' יעקב האט פארמאגט אין זכרון מאיר. אויף דער ביטע פונעם חזון איש, און דעם טשעבינער רב און רבי איסר זלמן מעלצער מיט הרב יצחק הלוי הערצאג, האט מען באשטימט הרב וואזנער רב אין זכרון מאיר.
צוזאמען מיט רבי יעקב האלפרין האט הרב וואזנער געקעמפט פאר דער קדושה פון שבת אין בני ברק.
ווען מען האט פלאנירט די מעייני הישועה שפיטאל אין בני ברק איז ער געווען טעטיג און ער איז געבליבן א מיטגליד אין פרעזידיום פונעם שפיטאל.
אין תשנ"ו איז ער געווארן אן אלמן ווען זיין ווייב רבקה איז נפטר געווארן. ער האט געהייראט בזיווג שני חנה יוטא קאהן (תרפ״א – כ"ה אלול ה'תשע"ז), די אלמנה פון הרב יעקב שמריה דייטש, רב פון קהילת חוג חתם סופר פתח תקווה און די שוועסטער פון דעם תולדות אהרן רבי, רבי אברהם יצחק קאהן.
ליל הסדר תשע"ה איז ער נפטר געווארן.
זיין שטאנדפונקט
[רעדאַקטירן | רעדאַקטירן קוואַלטעקסט]ער איז דער מחבר פון פארשידענע ספרים און שו"ת, ווי שבט הלוי עלף בענדער און נאך.
ער ווערט באטראכט אלס דער חסידישער פוסק הדור, ווי הרב אלישיב ביי די ליטווישע.
ער איז געווען זייער א נייטראלער מענטש וואס לעבט זיך גוט פון די גרעסטע קנאים ביז די רבנים הראשיים.
ער איז דער אב בית דין פון זכרון מאיר.
נאך דער פטירה פון, הרב יעקב לאנדא, רב פון בני ברק, איז ארויפגעקומען א פארשלאג פון הרב שך אז רב וואזנער זאל איבערנעמען דאס רבנות ווי א קאנדידאט אנגענומען פון אלע קרייזן סיי חסידים סיי ליטוואקעס, אבער ער האט געשטיצט די קאנדידאטור פון הרב משה יהודא לייב לאנדא, זון פונעם אלטן רב, טראץ דעם וואס הרב שך איז געווען קעגן אז ער זאל איבערנעמען דאס רבנות.
משפחה
[רעדאַקטירן | רעדאַקטירן קוואַלטעקסט]- זיין זון הרב חיים וואזנער, ביז תמוז תשס"ט איז געווען רב פון די סאטמארער חסידים אין לאנדאן. ער לעבט זיך גוט סיי מיט די זאליס און סיי מיט די ארונים.
- ר' אברהם הערש וואזנער אב"ד קהל יטב לב סאטמאר מאנסי (ארונים)
- ר' יוסף בנימן וואזנער ראש ישיבה עלטסטער אייניקל און רב אין אלעד.
- הרב מרדכי אלימלך וואזנער, רב פון קהל שבט הלוי אין בארא פארק
- ר' יוסף צבי וואזנער
- זיין זון ר' בנציון יעקב וואזנער איז א רב אין מאנסי און דער מחבר פון שו"ת בני יעקב אויף הלכות עירובין (ארכיווירט 08.05.2015 ביי דער Wayback Machine).
- זיין איידעם הרב ישראל אונגאר (נפ' תשס"ט) פון שיכון סקווירא, פאראייניגטע שטאטן
- זיין איידעם הרב בן ציון וואזנער, רב פון קהל שבט הלוי אין בית שמש
- זיין איידעם הרב אברהם יעקב איצקאוויטש
- הרב אהרן צבי, זון פון הרב אברהם יעקב, איידעם בייט ר' אהרן אליהו פעלדמאן, זון פון ר' חיים משה פעלדמאן פון לאנדאן
זיינע תלמידים
[רעדאַקטירן | רעדאַקטירן קוואַלטעקסט]- הרב משה האלבערשטאם
- זיין זון הרב חיים מאיר וואזנער
- אברהם יחיאל אייזנצוויג
- הרב שמואל אליעזר שטערן
- הרב מרדכי גראס, אב"ד חניכי הישיבות
- הרב משה שאול קליין (וויזשניץ)
- הרב יעקב מאיר שטערן
- הרב יצחק מרדכי הכהן רובין, רב אין הר נוף, ירושלים
רעפערענצן
[רעדאַקטירן | רעדאַקטירן קוואַלטעקסט]- ↑ מרן פוסק הדור נכנס לשנת ה-100, אויף JDN וועבזייטל (אויף העברעיש)