ווייאמינג

**וויאמינג**

אריגינעלער נאמען	Wyoming
אפיציעלער נאמען	State of Wyoming
צונאמען	Equality State
קאנטינענט	צפון אמעריקע
ראיאן	מערב פאראייניגטע שטאטן
לאנד	פאראייניגטע שטאטן
הויפטשטאט	שייען
גרעסטע שטאט	שייען
שטח	253,335 ק״מ²
פלאץ צווישן די שטאטן	10טער לויט שטח
העכסטער פונקט	גאנעט פיק 4,209 מעטער
נידעריגסטער פונקט	בעל פארש טייך 945 מעטער
הויפט טייכן	יעללאָוסטאון טייך גרין טייך סנעיק טייך
צייט זאנע	בארג צייט
אריינגענומען אין פאראייניגטע שטאטן	10טן יולי 1890
סדר	44סטער שטאט
קאונטיס	23
פאסט קאד	WY
ISO קאד	US-WY
שטאט בלום	אינדיאנישער ברוש
שטאט בוים	קאטןוואוד
שטאט פויגל	מערב מעדאולארק
וועבזייטל	wyoming.gov (ארכיווירט 09.02.2014 ביי דער Wayback Machine)

וויאמינג (ענגליש: Wyoming) איז א שטאט אין דעם מערב טייל פון די פאראייניגטע שטאטן. זי איז א חלק פון די ראקי בערג, זי גרעניצט זיך מיט מאנטענע אין צפון, דרום דעקאטע און נעבראסקא אין מזרח, קאלאראדא אין דרום און יוטא און איידאהא אין מערב.

די הויפטשטאט און גרעסטע שטאט איז שייען. אנדערע גרויסע שטעט זענען קאספער, לאראמיע און גילעט.

וויאמינג איז די ווייניגסט באפעלקערטע שטאט אין די פאראייניגטע שטאטן.

היסטאריע

דער שטח פון היינטיגן וויאמינג איז געווען באוואוינט דורך פארשידענע אינדיאנער פעלקער פאר פילע יארהונדערטער.

אין דעם 19טן יארהונדערט זענען אמעריקאנער פארשער, פעלץ האנדלער און קאלאָניסטן אנגעקומען אין דעם געגנט.

די ארעגאן טרייל און אנדערע גרויסע וועגען צו מערב האבן דורכגעגאנגען דורך טיילן פון וויאמינג.

אין 1868 האט די אמעריקאנער רעגירונג געגרינדעט די וויאמינג טעריטאריע.

וויאמינג איז געווארן באקאנט פאר איר ראלע אין דער היסטאריע פון פרויען'ס שטימרעכט.

אין 1869 האט די וויאמינג טעריטאריע געגעבן פרויען דאס רעכט צו שטימען, און זי איז געווען די ערשטע טעריטאריע אין די פאראייניגטע שטאטן וואס האט דאס געטאן.

דערפאר ווערט וויאמינג אפט גערופן די "Equality State".

אום 10טן יולי 1890 איז וויאמינג געווארן דער 44סטער שטאט אין די פאראייניגטע שטאטן.

געאגראפיע

וויאמינג איז איינע פון די גרעסטע שטאטן לויט שטח, אבער האט א קליינע באפעלקערונג.

די ראקי בערג נעמען אריין א גרויסן טייל פון דער שטאט.

גאנעט פיק איז דער העכסטער פונקט אין וויאמינג, מיט א הייך פון בערך 4,209 מעטער.

אין וויאמינג געפינט זיך דער גרעסטער פארק פון די פאראייניגטע שטאטן, דער יעלאסטאן נאציאנאלער פארק פארק. עס איז באקאנט די אקסן וואס דרייען זיך ארום אין איהר פראנק און פריי אין די טויזנטער.

אויך זעט מען אסאך אין דעם פארק די אלד פעטפואל, דאס זענען הייסע פארע און וואסער שטראמונגען וואס שפראצן ארויס פון די ערד טיפענישן, עס איז זייער אינטערעסאנט דאס צוזעהן, עס גייט צו אז פונקטליך יעדע זעכציג מינוט שפריצט ארויס א מעכיטיגע שפריץ פון דער ערד, עס דערהויבט צו איבער פינף מעטער, עס שפריצט אזוי פינף מינוט אין א צו.

יעלאסטאן איז געווען דער ערשטער נאציאנאלער פארק אין די פאראייניגטע שטאטן און איז באקאנט פאר גייזערס, הייסע קוואלן און ווילדע חיות.

א טייל פון גרענד טעטאן נאציאנאלער פארק געפינט זיך אויך אין וויאמינג.

די שטאט האט גרויסע פלאכע און בארגיגע געגנטן.

עקאנאמיע

לאנדווירטשאפט איז שטענדיק געווען א וויכטיקער טייל פון דער עקאנאמיע פון וויאמינג. די עיקר זאכן וואס וואקסן אין וויאמינג זענען פלייש, היי, צוקער, תבואה (ווייץ און גערשט) און וואל.

מינעראלן און ענערגיע זענען היסטאריש געווען זייער וויכטיג פאר דער עקאנאמיע פון וויאמינג.

קוילן, נאטירליכע גאז און אנדערע מינעראלן ווערן פראדוצירט אין דער שטאט.

טוריזם איז אויך א גאר וויכטיגער טייל פון דער עקאנאמיע.

מיליאנען מענטשן באזוכן יעללאָוסטאון און אנדערע נאטירליכע פארקן יעדעס יאר.

לאנדווירטשאפט, בפרט בהמות און שעפ, האט אויך א לאנגע היסטאריע אין וויאמינג.