ארעגאן
| |
| אריגינעלער נאמען | Oregon |
|---|---|
| אפיציעלער נאמען | State of Oregon |
| צונאמען | Beaver State |
| קאנטינענט | צפון אמעריקע |
| ראיאן | פאציפישער צפון מערב |
| לאנד | פאראייניגטע שטאטן |
| הויפטשטאט | סעילעם |
| גרעסטע שטאט | פארטלאנד |
| גרעסטע מעטראפאליטאנער געגנט | פארטלאנד מעטראפאליטאנער געגנט |
| שטח | 254,799 ק״מ² |
| פלאץ צווישן די שטאטן | 9טער לויט שטח |
| באפעלקערונג | בערך 4.3 מיליאן |
| העכסטער פונקט | מאונט הוד
3,429 מעטער |
| נידעריגסטער פונקט | פאציפישער אקעאן
0 מעטער |
| הויפט טייכן | קאלומביע טייך
ווילאמעט טייך |
| צייט זאנע | פאציפישע צייט |
| אריינגענומען אין פאראייניגטע שטאטן | 14טן פעברואר 1859 |
| סדר | 33סטער שטאט |
| קאונטיס | 36 |
| פאסט קאד | OR |
| ISO קאד | US-OR |
| וועבזייטל | oregon.gov |
ארעגאן (ענגליש: Oregon) איז א שטאט אין דעם פאציפישער צפון מערב פון די פאראייניגטע שטאטן. זי גרעניצט זיך מיט וואשינגטאן אין צפון, איידאהא אין מזרח, נעוואדא און קאליפארניע אין דרום, און דעם פאציפישער אקעאן אין מערב.
די הויפטשטאט איז סעילעם, און די גרעסטע שטאט איז פארטלאנד. אנדערע גרויסע שטעט זענען יודזשין, סעילעם, גרעשאם און הילסבארא.
היסטאריע
[רעדאַקטירן | רעדאַקטירן קוואַלטעקסט]דער שטח פון היינטיגן ארעגאן איז לאנג געווען באוואוינט דורך פילע אינדיאנער פעלקער.
אין דעם 18טן און 19טן יארהונדערט האבן בריטישע, אמעריקאנער און אנדערע אייראפעאישע פארשער און פעלץ האנדלער אנגעקומען אין דעם ראיאן.
דער ארעגאן לאנד איז געווען א גרויסער געגנט אין צפון מערב צפון אמעריקע וועלכער איז א צייטלאנג געווען אונטער א געמיינזאמער בריטישער און אמעריקאנער קאנטראל.
אין 1846 האט דער ארעגאן אפמאך באשטימט דעם גרעסטן טייל פון דער גרענעץ צווישן די פאראייניגטע שטאטן און בריטיש קאנאדע אויפ'ן 49סטן ברייטגראד.
די ארעגאן טרעיל איז געווארן איינער פון די באקאנטסטע וועגען פון מערב וואנדערונג. טויזנטער קאלאָניסטן זענען געפארן פון מזרח צו מערב איבער דעם וועג אין די 1840ער און 1850ער יארן.
אין 1848 איז געגרינדעט געווארן די ארעגאן טעריטאריע.
אום 14טן פעברואר 1859 איז ארעגאן געווארן דער 33סטער שטאט אין די פאראייניגטע שטאטן.
געאגראפיע
[רעדאַקטירן | רעדאַקטירן קוואַלטעקסט]ארעגאן האט איינע פון די מערסט פארשידנארטיגע לאנדשאפטן צווישן די אמעריקאנער שטאטן.
דער מערב טייל האט א לאנגן בארטן אויפ'ן פאציפישער אקעאן. דער בארטן האט פעלדזן, זאמדיגע ברעגן און וואלדער.
די קאסקעיד בערג לויפן פון צפון צו דרום דורך דעם צענטראלן טייל פון דער שטאט. דארט געפינט זיך מאונט הוד, דער העכסטער בארג אין ארעגאן.
די בערג צעטיילן דעם שטאט צווישן דעם מער רעגנדיקן מערב און דעם פיל טרוקענערן מזרח.
דער ווילאמעט טאל אין מערב ארעגאן איז איינער פון די וויכטיגסטע באפעלקערונג און לאנדווירטשאפט געגנטן.
דער קאלומביע טייך פארמאגט א גרויסן טייל פון דער צפון גרענעץ מיט וואשינגטאן.
אין דרום צענטראל ארעגאן געפינט זיך קרעיטער לייק, די טיפסטע אזערע אין די פאראייניגטע שטאטן.
עקאנאמיע
[רעדאַקטירן | רעדאַקטירן קוואַלטעקסט]האלץ פראדוקציע איז היסטאריש געווען א וויכטיגע טייל פון ארעגאן'ס עקאנאמיע.
אגריקאלטור איז אויך וויכטיג, בפרט אין דעם ווילאמעט טאל.
היינט זענען טעכנאלאגיע, פראדוקציע, געזונטהייט, טוריזם און האנדל וויכטיגע טיילן פון דער עקאנאמיע.
דער פארטלאנד געגנט איז דער גרעסטער עקאנאמישער צענטער פון דער שטאט.
באפעלקערונג
[רעדאַקטירן | רעדאַקטירן קוואַלטעקסט]לויט דעם 2020 צענזוס האט ארעגאן געהאט 4,237,256 איינוואוינער.
דער גרעסטער באפעלקערונג צענטער איז פארטלאנד. אנדערע גרויסע שטעט זענען יודזשין, סעילעם און גרעשאם.
רעפערענצן
די פאראייניגטע שטאטן פון אמעריקע  | |
|---|---|
| אהאיא • אייאווע • איידעהא • אילינוי • אינדיאנע • אלאבאמא • אלאסקע • אקלעהאמע • אריזאנע • ארעגאן • ארקענסא • דזשארדזשיע • דעלעווער • דרום דעקאטע • דרום קאראליינע • האוואי • וואשינגטאן • וויאמינג • ווירדזשיניע • וועסט ווירדזשיניע • וויסקאנסין • ווערמאנט • טענעסי • טעקסאס • יוטא • לואיזיאנא • מאנטענע • מאסאטשוסעטס • מישיגן • מינעסאטע • מיסיסיפי • מיזורי • מעין • מערילאנד • ניו העמפשער • ניו זשערסי • ניו יארק • ניו מעקסיקא • נעבראסקא • נעוואדא • פלארידע • פענסילוועניע • צפון דעקאטע • צפון קאראליינע • קאלאראדא • קאליפארניע • קאנעטיקעט • קענזעס • קענטאקי • ראוד איילענד | |
 | דער ארטיקל בנוגע א געאגראפיש ארט איז א שטומף. דאס הייסט עס פעלן אין אים גרונטלעכע אינפארמאציע איבערן פארשטאנד פון דער טעמע. ביטע העלפֿט דאס פֿארברייטערן. |