ווירדזשיניע

ווירדזשיניע,

ווירדזשיניע

**ווירדזשיניע**

אריגינעלער נאמען	Virginia
אפיציעלער נאמען	Commonwealth of Virginia
צונאמען	Old Dominion
קאנטינענט	צפון אמעריקע
ראיאן	דרום מזרח פאראייניגטע שטאטן
לאנד	פאראייניגטע שטאטן
הויפטשטאט	ריטשמאנד
גרעסטע שטאט	ווירדזשיניע ביטש
גרעסטע מעטראפאליטאנער געגנט	נארדערן ווירדזשיניע
שטח	110,787 ק״מ²
פלאץ צווישן די שטאטן	35סטער לויט שטח
העכסטער פונקט	מאונט ראדזשערס 1,746 מעטער
נידעריגסטער פונקט	אטלאנטישער אקעאן 0 מעטער
הויפט טייכן	דזשיימס טייך פאטאמאק טייך ראפאהאנאק טייך
בארטן	אטלאנטישער אקעאן
צייט זאנע	מזרח צייט
אריינגענומען אין פאראייניגטע שטאטן	25סטן יוני 1788
סדר	10טער שטאט
קאונטיס	95 קאונטיס און 38 אומאפהענגיקע שטעט
פאסט קאד	VA
ISO קאד	US-VA
וועבזייטל	virginia.gov

ווירדזשיניע (ענגליש: Virginia) איז א שטאט אין דעם דרום מזרח פאראייניגטע שטאטן. זי גרעניצט זיך מיט מערילענד, וועסט ווירדזשיניע, קענטאקי, טענעסי און צפון קאראליינע. אין מזרח האט זי א בארטן אויפ'ן אטלאנטישער אקעאן.

די הויפטשטאט איז ריטשמאנד, און די גרעסטע שטאט איז ווירדזשיניע ביטש. אנדערע גרויסע שטעט זענען טשעסאפיק, נארפאלק, ארלינגטאן קאונטי און אלעקסאנדריע.

די סי איי עי איז הויפטקווארטירט אין לענגלי,

נאמען

ווירדזשיניע ווערט גערופן אויפן נאמען פון דער מלכה עליזאבעט די ערשטע, וועמען מ׳האט גערופן די "בתולה קעניגין" (The Virgin Queen),

היסטאריע

אין 1607 האבן ענגלישע קאלאָניסטן געגרינדעט דזשעימסטאון, וואס ווערט באטראכט אלס דער ערשטער שטענדיקער ענגלישער יישוב אין צפון אמעריקע.

די קאלאָניע איז שפעטער געווארן איינע פון די גרעסטע און וויכטיגסטע בריטישע קאלאָניעס.

ווירדזשיניע איז געווען איינע פון די 13 זידלונגען וואס האבן רעוואלטירט קעגן בריטאניע אין 1776.

ווירדזשיניע האט געגעבן די פאראייניגטע שטאטן א סך פון אירע ערשטע חשובע פירער ווי דזשארזש וואשינגטאן און טאמעס זשעפערסאן, ווי אויך נאך זעקס פרעזידענטן פון די פאראייניגטע שטאטן וואס זענען געבוירן געווארן אין דעם שטאַט (זשיימס מעדיסאן, זשיימס מאנרא, וויליאם הענרי העריסאן, זשאן טיילער, זאקארי טיילאר און וואודרא ווילסאן); צוליב דעם רופט מען ווירדזשיניע די „מאמע פון די פרעזידענטן". אויך האט ווירדזשיניע פיל ערטער פארבונדן מיט דער היסטאריע פון די פאראייניגטע שטאטן.

אום 25סטן יוני 1788 האט ווירדזשיניע באשטעטיגט די קאנסטיטוציע פון די פאראייניגטע שטאטן און איז געווארן דער 10טער שטאט.

בעת דער אמעריקאנער בירגערקריג האט ווירדזשיניע געהערט צום דרום וואו מען האט צוגעלאזט שקלאפעריי. פילע פון די וויכטיגסטע קאמפן זענען פארגעקומען אויף איר שטח.

ריטשמאנד איז געווען די הויפטשטאט פון די קאנפעדערירטע שטאטן פון אמעריקע.

נאך דער מלחמה איז ווירדזשיניע צוריק אריינגענומען געווארן אין די פאראייניגטע שטאטן אין 1870.