שיכון סקווירא

פֿון װיקיפּעדיע
שפּרינג צו: נאַוויגאַציע, זוכן
שילד פון ניי סקווער

שיכון סקווירא, אדער ניו סקווער, (ענגליש: New Square) איז באקאנט אלס דאס ערשטע חסידישע שטעטל אין אמעריקע. עס איז געגרינדעט געווארן אין ווינטער תשי"ז, דורך רבי יעקב יוסף טווערסקי פון סקווער זצ"ל. דאס שטעטל באשטייט פון סקווערער חסידים, און געפינט זיך אין דער שטאט ראמאפא, ראקלענד קאונטי, ניו יארק. היינט צו טאגס ווערט דאס געפירט דורך זיין זון, אדמו"ר רבי דוד מסקווירא שליט"א און איז באקאנט הויפטזעכליך מיט איר אטמאספערע פון עהרליכקייט און חסידישן חן.

ניו סקווער איז א ניו יארק דארף פלאצירט צפון פון הילקרעסט, מזרח פון וויאלע, דרום פון ניי העמפסטעד און מערב פון ניישטאט. ביים 2010 צענזוס האט ניו סקווער געהאט א באפעלקערונג פון 6,944.[1]

די גאסן פונעם שטעטל[באַאַרבעטן | רעדאקטירן מקור]

די נעמען פון די ערשטע גאסן, זענען גערופן געווארן אויף די נעמען פון אמעריקאנע פרעזידענטן, לשלומה של מלכות. דער הויפט גאס פונעם שטעטל איז וואשינגטאן עווניו, און פון דעם קען מען זיך דרייען צו דזשעקסאן עוועניו, וואס פון דארט קומט מען אן קיין טאפט לעין, און ווייטער ווידער קיין וואשינגטאן, ווי מ'קען פארן קיין אייזנהאוער, אדער טרומאן און דזשעפערסאן עווניו, וואס איז די צענטער פונעם סקווערן הויף, שול, און חצר פונעם רבי'ן, און אנדערע ציבורישע בנינים, און ביים ענדע גאס געפונט זיך די שאפינג צענטער. פון וואשינגטאן ווייטער קען מען אריינגיין צו לינקאלן עווניו, וואס פירט אויך קיין רוזאוועלט [וואס ביים ענדע גאס איז די בית החיים] און פון דארט קיין אדאמס לעין, אדער דורך לינקאלן קיין מאנראו לעין. - דאס זענען די גאנץ עלצטע גאסן, ביים גרינדונג פונעם שטעטל.

שפעטער, אין די תש"מ יארן, איז צוגעבויעט געווארן נייע גאסן, ווי ווילסאן אונטער אייזנהאוער, קליוולאנד און העריסאן און ביוקענען, דורך דזשעקסאן עווניו, וואס זענען שטאטיש-געבויעטע קליינע פאמיליע הייזער. מיט צען יאר דערויף, אין די תש"נ יארן, האט די ווילעדש אליינס געבויעט א גאנץ נייע געגענד פון גאסן, ארום די אלטע גאסן, און אונטער וואשינגטאן און לינקאלן - אדאמס, איז אויפגעבויעט געווארן, בוש, קלינטאן, רעגן, און סוף די גאסן טרומאן און אייזנהאוער, איז געבויעט געווארן גארפילד עווניו. צען יארן דערויף, אין די תש"ס יארן, האט מען אנגעהויבן פריש בויען א רייהע מיט גאנץ נייע גאסן נעבן די פריערדיגע נייע גאסן, אבער זיי זענען שוין מיט יודיש-הייליגע נעמען. צווישן אדאמס און רעגן, איז אליק, וואס דארט איז אויך די מיידל שולע, און חתונה זאל. נעבן קלינטאן און בוש, איז קאריץ און שטערן, ווי דארט געפונט זיך די קאמפלעקס פון די יונגל חדר. און ווידער צווישן רוזאוועלט און גארפילד, האט מען צוגעבויעט אוסטראה, זיטאמיר, בארדיטשוב, אויסטילא.

אין די תש"ע יארן, האט מען צוגעלייגט נאך פיר נייע גאסן, וואס הייסן, אניפאלי, מעזריטש, פולנאה, טיטיוב.


דער דומ"ץ פון שטעטל איז רבי יוסף ישראל אייזנבערגער שליט"א. און די חברי בד"ץ - הגאון ר' שלום פאללאק שליט"א, הגאון ר' זאב נחום גאלדמינצער שליט"א. אונטער זיי זענען דא נאך מורי צדק אין כשרות און ממונות אפטיילונג א.ד.ג.

דער היינטיגער מעיאר פון ניו סקווער, איז ישראל משה שפיטצער.

א צוויי דריטל פון תושבי שיכון סקווירא, זענען בני תורה, א שיינעם חלק האבן 'הוראה', און פון די איבער צען כוללים פון סקווערער שטעטל, זענען שוין ארויסגעוואקסן גאר חשובע תלמידים, וואס זענען היינט פון די גדולי עולם.

וועלטלעכע געשטאלטן[באַאַרבעטן | רעדאקטירן מקור]

די סקווערער מוסדות החינוך, ישיבה און וועלט בארימטע צען כוללים, האבן אין איר היסטאריע גאר חשובע תלמידים, וואס זענען היינט פון די גאר חשובע פערזענליכקייטן אינעם היינטיגן דור.

  • דער היינטיגער מאכניווקער רבי - ר' יושע'לע רוקח איז א תלמיד פון דער סקווערער ישיבה.
  • דער סקאליער רבי - ר' רפאל גאלדשטיין, איז א תלמיד ישיבה פון סקווירא.
  • ר' מענדל האגער - וויזניצער רבי פון 'מרכז וויזניץ' אין ב"ב, איז א תלמיד פון סקווערער ישיבה.
  • ר' דוד קוויאט - בעל 'ברכת דוד', פון די ערשטע תושבים אין שטעטל.
  • ר' הערשל דיאמאנט זצ"ל - ראש מתיבתא דלאנדאן, איז פאר'רעכענט פון די חשובסטע סקווערע חסידים.
  • ר' יעקב יצחק גארדאן, מחבר ספרי פרדס יצחק, מהר"ם שיף המבואר, איז א תלמיד פון דער סקווערער ישיבה און כולל.
  • רבי געציל פריעד, משפיע און מנהל פון טעלזער ישיבה אין 'אהאיא קליוולאנד' איז א תלמיד פון דער סקווערער כולל.
  • הגאון ר' מנחם און זיין ברודער ר' אברהם סעקולע, 'סאדאוונע' רבנים אין בארא פארק.
  • ר' יודל ניישלאס - מו"ץ בעדה החרדית ירושלים, מיט זיין ברודער ר' ירמי', סערדאהעלי רב אין ב"ב.
  • ר' יושע לייפער - הרב מטעמשוואר, און נשיא מכון 'עוז והדר' העולמי.

געוועזענע כלי קודש[באַאַרבעטן | רעדאקטירן מקור]

דער ערשטער רב אין שיכון סקווירא, איז געווען הגה"צ ר' משה ניישלאס זצ"ל - סערדאהעלער רב. נאך אים, הגה"צ ר' שמואל זלמן אפרים אונגאר זצ"ל - בן הגה"ק מקאפאוואר הי"ד.

די געוועזענע ראשי ישיבה פון דער סקווערער ישיבה ומתיבתא זענען: ר' משה גרין שליט"א, ר' אברהם חיים ברים זצ"ל, ר' דוב מאיר קרויזער זצ"ל.

דער היינטיגער חרדישער לאנדאנער רב, הרב אפרים פאדווא שליט"א, איז געווען דער דיין און ראש הכולל פונעם סקוורער שטיבל אין אייראפע, און פון די נאנטע חסידים.

באַקאַנטע פיגורן[באַאַרבעטן | רעדאקטירן מקור]

באַקאַנטע פיגורן, ארױס צוקוּמען פֿון דעם שטעטל זענען:

וועלטליכע אנשטאלטן[באַאַרבעטן | רעדאקטירן מקור]

זעט אויך[באַאַרבעטן | רעדאקטירן מקור]

רעפערענצן[באַאַרבעטן | רעדאקטירן מקור]

  1. Profile of General Population and Housing Characteristics: 2010 Demographic Profile Data (DP-1): New Square village, New York. U.S. Census Bureau, American Factfinder. דערגרייכט דעם 3טן פעברואר 2012.


וועבלינק[באַאַרבעטן | רעדאקטירן מקור]

קאארדינאטן: 41°8′23″N 74°1′42″W / 41.13972, -74.02833

אלע פרומע אידישע געגנטן וואו עס זענען צעשפרייט די היינטיגע אידישע באפעלקערונג איבער דער גארער וועלט 

Gottlieb-Jews Praying in the Synagogue on Yom Kippur.jpg

אלעד • אנטווערפן • אפער וועסט סייד • אשדוד • באלטימאר • באקא ראטאן • באסטאן • בארא פארק • בודאפעסט • בית ישראל • בית שמש • ביתר עילית • בלומענבורג  * בני ברק • בעיסוואטער • גאלדערס גרין • גיבערס  * גייטסהעד • גרעיט נעק • דיל • דעטרויט • וואודמיר • ווארשע • וויליאמסבורג • וויען • זשיטאמיר • חברון • חיפה • טאהש • טאראנטא • טבריה • טינעק • יאהאניסבורג • ירושלים • לאוער איסט סייד • לוגאנא • לעיקוואד • לאס אנזשעלעס • מאדריד • מאנטרעאל • מאנטשעסטער • מאנסי • מאסקווע • מאונט קיסקא •מארסיי • מודיעין עילית • מיאמי • מילאן • מעלבארן • נווה יעקב • ניי סקווער • סארסעל • סטאמפארד היל • סידני • סידערהערסט • סיאטל • סי געיט • סקאוקי • עדזשווער • פאסעיק • פאר ראקעוועי • פארעסט הילס • פאריז • פלעטבוש • פייוו טאונס • פראג • פוירט • ציריך • צפת • קאשוי • קווינס • קיעוו • קליוולאנד • קרוין הייטס • קרית יואל • רוים • ריווערדייל • שטראסבורג • שיקאגא