צפון אמעריקע

צפון אמעריקע איז דער צפונדיקער קאנטינענט פון די אמעריקעס, פלאצירט אין דער ערד'ס צפון האלבקוגל און כמעט אינגאנצן אינעם מערב האלבקוגל. איר צפון גרענעץ איז ביים ארקטישן אקעאן, צו מזרח איז דער צפון אטלאנטישער אקעאן, צו דרום־מזרח דער קאראאיבעישער ים, און צו מערב דער צפון פאציפישער אקעאן. דרום אמעריקע געפינט זיך צו דרום־מזרח. צפון אמעריקע באדעקט א שטח פון אומגעפֿער 24,709,000 קוואדראט ק"מ, בערך 4.8% פון דעם פלאנעט'ס אום יולי 2008 האט מען אפגעשאצט איר באפעלקערונג קרוב צו 529 מיליאן מענטשן. זי איז די דריטער גרעסטער קאנטינענט אין שטח, נאך אזיע און אפריקע, און דער פערטער אין באפעלקערונג נאך אזיע, אפריקע, און אייראפע.

צפון אמעריקע איז רייך אין נאטירלעכע אוצרות, צווישן זיי נאפט, קויל, אייזן, קופער, צינק, בליי, גאלד, זילבער און אוראניום.

היסטאריע

עס ווערט גערעכנט אז די ערשטע איינוואוינער פון דעם קאנטינענט, די עסקימאסן און די אינדיאנער, זענען געקומען פון אזיע אריבער דעם בערינג דורכגאס. די אינדיאנער האבן געוואנדערט ביז מעקסיקא און צענטראלער אמעריקע וואו זיי האבן געשאפן א הערליכן קולטור לאנג פאר די אייראפעישע זענען דארט אהינגעקומען.

לענדער און טעריטאריעס

• קאנאדע
• פאראייניקטע שטאטן פון אמעריקע
• מעקסיקא
• די זיבן לענדער פון צענטראלער אמעריקע

זעט אויך

• דרום אמעריקע