קרית מאטערסדארף

קרית מאטערסדארף איז א חרדישער געגנט אין ירושלים, ישראל, געגרינדעט דורך הרב שמואל עהרנפעלד, דער לעצטער רב פון מאטערסדארף, איינע פון די "זיבן קהילות" אין בורגנלאנד, עסטרייך. ער געפינט זיך ביים צפונדיגן עק פונעם בארג פלאטא וואו צענטראלער ירושלים ליגט. ער גרענעצט די געגנטן אונסדארף און רוממה. די הויפט גאס איז פנים מאירות גאס.

די תורה אור ישיבה פון הרבחיים פנחס שיינבערג איז פלאצירט אין מאטערסדארף, . ווי אויך אנדערע חרדישע אנשאלטן סיי פאר יונגלעך און בחורים סיי פאר מיידלעך. רוב פון די איינוואוינער זענען ליטווישע (נישט חסידיש). אסאך פון זיי זענען געקומען פון די פאראייניגטע שטאטן און דעם פאראייניגטן קעניגרייך.

טראנספארט

אגד אויטאבוסן 2, 3, 10, 16 און 49א פארן אדורך דער פנים מאירות גאס.

באקאנטע איינוואוינער

• שלמה לארענץ
• הרב שמחה וואסערמאן
• הרב חיים פנחס שיינבערג
• הרב משה סאקס
• אורי זוהר
• הרב זעליג פליסקין
• רבי מנחם מענדל טויב, דער קאלעווער רבי

רעפערענצן

געגנטן אין ירושלים