ישראל באנען

פֿון װיקיפּעדיע
ישראל באנען
www.rail.co.il
באמבארדיר צוויישטאקיקע באן אין תל אביב צענטראלע באן סטאנציע אויף דער תל אביב - בית שמש רוטע.

ישראל באנען (העברעיִש: רכבת ישראל) איז דער נאמען פון דער געזעלשאפט וואס געהערט דער רעגירונג פון ישראל פאראנטווארטלעך פאר אלע באנען פארקער, סיי פּאַסאַזשירן סיי פֿראַכט, אין דעם לאנד. די רעלסן זענען אויפן סטאנדארטן אפשטאנד (1,435 מ"מ ברייט). דער באן נעצווערק איז באזירט אינעם פלוין נעבן ים, וווּ די ליניעס שטראלן אויס פון תל אביב. די באנען פארן אויף די לינקע רעלסן (נישט אזוי ווי דער פארקער אויף די גאסן).

דער אלגעמיינער פארוואלטער איז יצחק הראל.

היסטאריע[רעדאַקטירן | רעדאַקטירן קוואַלטעקסט]

די ערשטע באן איז געווען פון יפו קיין ירושלים וואס מ'האט געעפֿנט אין 1892 אונטער דער הערשאפֿט פון דער אטאמאנישער אימפעריע.

ישראל באנען לאגא

אין די יארן פון 1948 ביז 2003 זענען די באנען געווען אן אפטיילונג פון דער טראנספארט ביורא פון דער רעגירונג. אין 2003 איז ישראל באנען (העברעיִש: רכבת ישראל) אויפֿגעשטעלט געווארן אלס א פריוואטע פֿירמע.

די באן וואס פלעגט פארן פון חיפה דורך עפולה, אריבער צו יארדאניע, איז געווען זייער א באוואוסטע באן. די ליניע האט געהאט אכט סטאנציעס, ביז זי איז אריבער די גרעניץ, און האט פונקציאנירט ביז 1946, דער נאמען פון דער ליניע איז געווען "די טאל באן", די בריק וואס איז אריבער דעם ירדן טייך, צו דער אנדערער זייט גרעניץ, איז אויפגעריסן געווארן דורכן פלמ"ח, אויף דער באוואוסטער בריקן נאכט, וואס האט איזאלירט דאס לאנד, פון די ארומיקע אראבישע לענדער.

כ"ה תמוז תשע"ב האט מען געעפנט די פארטאפלטע באן ליניע פון תל אביב קיין באר שבע; מיט דעם איז פארקירצט געווארן די פאר צייט פון תל אביב קיין קרית גת און באר שבע.‏[1]

היינט[רעדאַקטירן | רעדאַקטירן קוואַלטעקסט]

ריכטיג פארן סוף פון 2012, פירט ישראל באנען טאג טעגלעך עטלעכע 400 באנען פֿאר פּאַסאַזשירן, מיט 57 טויזנט זיצפלעצער.[2]

40 מיליאן פּאַסאַזשירן פארן מיט ישראל באנען צווישן 53 באן־סטאנציעס.

ליניעס[רעדאַקטירן | רעדאַקטירן קוואַלטעקסט]

די פּאַסאַזשיר באנען זענען איינגעארדנט אויף ניין רוטעס.

סוף סטאנציע (צפון) צווישנסטאנציעס סוף סטאנציע (דרום) עיקר פֿאָרצילן
כרמיאל אחיהוד - קרית מוצקין - לב המפרץ - חיפה צענטראל - חיפה בת גלים - חיפה חוף הכרמל - חדרה מערב - תל אביב אוניווערסיטעט - תל אביב צענטראל - תל אביב השלום - תל אביב ההגנה - לוד - קרית גת - באר שבע צפון באר שבע צענטראל כרמיאל - קרית מוצקין - חיפה - תל אביב / רמת גן - לוד - קרית גת - באר שבע
נהריה עכו - קרית מוצקין - קרית חיים - לב המפרץ - חיפה צענטראל - חיפה בת גלים - חיפה חוף הכרמל - תל אביב אוניווערסיטעט - תל אביב צענטראל - תל אביב השלום - תל אביב ההגנה - לוד - רמלה - קרית גת - להבים-רהט - באר שבע צפון באר שבע צענטראל נהריה - עכו - קריות - חיפה - תל אביב / רמת גן - לוד - רמלה - קרית גת - להבים / רהט - באר שבע
נהריה עכו - קרית מוצקין - קרית חיים - חוצות המפרץ - לב המפרץ - חיפה צענטראל - חיפה בת גלים - חיפה חוף הכרמל - עתלית - בנימינה - תל אביב אוניווערסיטעט - תל אביב צענטראל - תל אביב ההגנה - בן-גוריון פליפעלד - פאתי מודיעין מודיעין צענטראל נהריה - עכו - הקריות - חיפה - עתלית - בנימינה-גבעת עדה / אור עקיבא - תל אביב - מודיעין-מכבים-רעות
חיפה
חוף הכרמל
חיפה בת גלים - חיפה צענטראל - לב המפרץ - חוצות המפרץ - קרית חיים - קרית מוצקין עכו חיפה - הקריות - עכו
חיפה
חוף הכרמל
חיפה בת גלים - חיפה צענטראל - לב המפרץ - חוצות המפרץ - קרית חיים - קרית מוצקין - אחיהוד כרמיאל חיפה - הקריות - כרמיאל
בנימינה קיסריה-פרדס חנה - חדרה מערב - נתניה - נתניה ספיר - בית יהושע - הרצליה - תל אביב אוניווערסיטעט - תל אביב צענטראל - תל אביב השלום - תל אביב ההגנה - כפר חב"ד - לוד גני אביב - לוד - באר יעקב - רחובות - יבנה מזרח - אשדוד אשקלון בנימינה / אור עקיבא - קיסריה אינדוסטריעלע זאנע/ פרדס חנה-כרכור - חדרה - בית יהושע / אבן יהודה - הרצליה - תל אביב / רמת גן - כפר חב"ד - לוד גני אביב - לוד - באר יעקב - רחובות / נס ציונה - יבנה - אשדוד - אשקלון / כפר זילבער
הוד השרון כפר סבא - ראש העין צפון - פתח תקוה סגולה - קרית אריה - בני ברק - תל אביב אוניווערסיטעט - תל אביב צענטראל - תל אביב השלום - תל אביב ההגנה - חולון קנופ - חולון-וואלפסאן - בת ים-יוספטַל - בת ים-קוממיות - ראשון לציון משה דיין - יבנה מערב - אשדוד - אשקלון - נתיבות - אופקים - באר שבע צפון באר שבע צענטראל כפר סבא / הוד השרון - ראש העין / נווה ירק - פתח תקוה - בני ברק / רמת גן - תל אביב - חולון - בת ים - ראשון לציון - יבנה
הרצליה תל אביב אוניווערסיטעט - תל אביב צענטראל - תל אביב השלום - תל אביב ההגנה - לוד - רמלה בית שמש הרצליה - תל אביב / רמת גן - לוד - רמלה - בית שמש
בית שמש תנ"כישער זאא ירושלים מלחה בית שמש - ירושלים
נתניה בית יהושע - הרצליה - תל אביב אוניווערסיטעט - תל אביב ההגנה - תל אביב השלום - לוד גני אביב - לוד ראשון לציון
הראשונים
נתניה - תל אביב - לוד - ראשון לציון / נס ציונה
עתלית חיפה חוף הכרמל - חיפה בת גלים - חיפה צענטראל - יקנעם-כפר יהושע - מגדל העמק-כפר ברוך - עפולה בית שאן עתלית - חיפה - מגדל העמק - עפולה - בית שאן
באר שבע צפון דימונה באר שבע - דימונה
בריק 6 פון דעם מודיעין-ירושלים באן

אייזנבאנען[רעדאַקטירן | רעדאַקטירן קוואַלטעקסט]

פון תל-אביב, איין באן ליניע באציט זיך צו צפון לעבן דעם ים, ביז חיפה, די קריות און נהריה, מיט א צווייג קיין כרמיאל. צו דרום איז דא א באן ליניע ביז באר שבע, מיט א נייע זייטן-ליניע פון באר שבע צפון באן סטאנציע קיין דימונה, געעפנט אין דעצעמבער 2005. מען פלאנירט פארלענגערן די ליניע פון דימונה ביז אילת.

אין 2016 האט מען געעפנט א נייע אייזנבאן פון תל אביב אדורך בת ים אויפן אילון שאסיי דרום קיין אשדוד און אשקלון, דערנאך נתיבות, שדרות און אופקים קיין באר שבע.

אין 2017 האט מען געעפנט די באנייטע יזרעאל טאל באן ביז עפולה, און בית שאן.

פלענער צו פארברייטערן[רעדאַקטירן | רעדאַקטירן קוואַלטעקסט]

עס זענען פארהאן אסאך פלענער, פון פארברייטערן די נעצווערק. איינער איז בויען א געהעריקע גליל באן ליניע, וואס וועט פארן אינעם חולה טאל ביז קיין קרית שמונה. טייל פון דער ליניע, פון די קריות ביז כרמיאל, האט זיך געעפנט אין סעפטעמבער 2017.

די ירושלים תל אביב שנעלצוג, וואס די רייזע וועט דויערן ווייניגער פון א האלבער שעה, איז איינע פון די פראיעקטן וואס די ישראל באנען, איז געבליבן שטעקן אינדערמיט, און עס איז נישט געמאכט געווארן צופיל פארשריט, אין די לעצטע פאר יאר, יעצט לויטן פלאן וועט עס פארענדיקט ווערן ביזן יאר 2019. יעצט איז די ליניע טיילווייז אפן און לויפט צווישן בן גוריון פליפעלד קיין ירושלים, ווען דורכאויס 2019 וועט די ליניע ווערן פולקאם עלעקטעריזירט ביז קיין תל אביב און מעגליך ביז הרצליה. ווי אויך איז פלאנירט די פארבינדונג צווישן ירושלים און מודיעין אויפן עלעקטעריזטן באן ליניע, קאנסטרוקציע פארן פארבינדונג און דער קנופ ווערן אצינד געמאכט, און וועט פארענדיגט ווערן אין 2020. לויט ישראל באנען אפשאצונג וועט די רייזע דויערן זיבעצן מינוט.

אויפשטעלן א רינג אין צפון גוש דן, וואס וועט פארבונדן רעננה מיט הרצליה, דורכאויס יאר 2019

איבערפרישן און פארברייטערן די מזרח ליניע, וואס לויפט פון לוד, ביזן אלטן מזרח חדרה באן סטאנציע, און אזוי ארום לינדערן די באן פארקער אויפן בארטן ליניע. סטאנציעס וואס וועלן ווידעראמאל אנהייבן צו ווערן באנוצט, איז תעופה, אלעד, ראש העין דרום, ווי אויך דער עקזיסטירענדע צפון, נייע סטאנציעס וועלן געבויט ווערן נעבן די צוויי אראבישע שטעט טייבע און טירא, ווי אויך אחיטוב ביז קיין חדרה מזרח, וואו א קנופ וועט פארבינדן די ליניע צו דער בארטן ליניע צווישן חדרה און חיפה.

פון דער מזרח ליניע וועט צוגעבויט ווערן רעלסן דורך חריש ביז קיין עפולה באן סטאנציע, מיינונגס פארשידענהייטן איבער דער רוטע עקזיסטירן צוליב א בערגיגע און געדיכט באוווינטער אראבישער שטאט אום על פאכעם וועלכע געפונט זיך דירעקט אינמיטן וועג צווישן עפולה און חדרה. דעריבער ווערן געפלאנט אנדערע רוטעס און אומוועגן, אויסצומיידן דאס גראבן טיפע טונעלן ווען די אלטערנאטיוון זענען פיל מער צוגענגליך.

פון עפולה באן סטאנציע איז פלאנירט א פארבינדונג צו טבריה, וואס וועט האבן א סטאנציע אינעם שטעטל כפר תבור, צוליב דעם וואס א רעגלמעסיגע באן איז שווערער אין באוועגונג, ווערט אויך באטראכט די מעגליכקייט צו בויען א לייכטע באן אנשטאט, וועלכע קען אריינפארן אין מערערע דערפער און שטעטלעך אויפן וועג. די סטאנציע אין טבריה איז פלאנירט צו זיין נאנט צום פוריה שפיטאל אויפן בארג, וויבאלד א רעגלמעסיגע באן קען נישט אראפפארן דעם טאל ביי אזא דראסטישע שיפקייט, אוואו דער שטאט צענטער געפונט זיך.

גלייכצייטיג ווערן פלאנירט פרישע רעלסן אין נגב, די דימונה באן סטאנציע וועט זיך רוקן מיט א צוויי קילאמעטער אריין אין שטאט און די רעלסן וועלן אויסגעברייטערט ווערן ביז קיין ירוחם. ווי אויך איז פלאנירט צו בויען א ליניע וועלכע וועט פארבינדן די שטאט ערד קיין באר שבע, מיט א סטאנציע אין נבטים (א מעגליכע צוקונפטיגער אינטערנאציאנאלער פליפעלד און אצינד א מיליטערישע באזע און פליפעלד פאר די לופט קרעפטן) און די בעדואינער שטאט קסייפע.

זעט אויך[רעדאַקטירן | רעדאַקטירן קוואַלטעקסט]

דרויסנדיגע פֿארבינדונגען[רעדאַקטירן | רעדאַקטירן קוואַלטעקסט]

וויקימעדיע קאמאנס האט מעדיע שייך צו: ישראל באנען

רעפערענצן[רעדאַקטירן | רעדאַקטירן קוואַלטעקסט]

  1. עקספרעס באן פון תל אביב קיין באר שבע אין 55 מינוט ביי לדעת.נט (אויף העברעאיש)
  2. על-פי "[1]", אין ישראל באנען וועבזייטל; פארעפנטלעכט דעם 11טן פעברואר 2013