טאגא

טאגאלעזישע רעפובליק République Togolaise
פאן טאגא פֿאָן הערב
נאַציאָנאַלע זינגליד: Salut à toi, pays de nos aïeux פראנצויזיש "א גרוס דיר, לאנד פון אונזערע אבות"
אָרט פֿון טאגא
קאָנטינענט	אפריקע
אָפֿיציעלע שפּראַך	פראנצויזיש
הויפּטשטאָט	לאמע 6°7′N 1°13′E
רעגירונג	רעפובליק
פּרעזידענט פּרעמיער מיניסטער	פֿארע גנאסינגבע גילבערט הונגבא
גרינדונג דאַטום	27סטן אפריל 1960 (פון פראנקרייך)
פלאַך מאָס וועלט גראַדונג פלאַך פּראָצענט וואַסער	56,785 קוואַדראַט ק"מ 125 4.2
באַפֿעלקערונג - צאָל - וועלט גראַדונג - ענגקײט	6,771,993 (2011) 100 מענטשן פאַר אַ ק"מ
פּראָדוקט ווערדע	$5.974 ביליאן(2010) (157סט)
וואַלוטע	מערב אפריקאנער פראנק
צײַט זאָנע	UTC
אינטערנעט דאָמען	tg.
טעלעפֿאָן קאָד	228+

טאגא (פראַנצויזיש: Togo), אפיציעל די טאגאלעזישע רעפובליק (פראַנצויזיש: République Togolaise), איז א לאנד אין מערב אפריקע. ער גרענעצט גהאנע אין מערב, בורקינע פאסא אין צפון, און בענין אין מזרח. אין דרום האט ער א בארטן לאנג 56 ק"מ אויפן איינגאס פון גינע, און דארט געפינט זיך די הויפטשטאט לאמע. זי באדעקט א שטח פון בערך 57,000 קוואדראט ק"מ.

בערך 6.7 מיליאן מענטשן וואוינען אין טאגא, און די אפיציעלע שפראך איז פראנצויזיש. טאגא איז א מיטגליד אין די פאראייניגטע פעלקער און אין דעם אפריקאנער פארבאנד.

נאך דער ערשטער וועלט מלחמה האט פראנקרייך געהערשט איבערן לאנד ביז 1960, ווען טאגא איז געווארן אומאפהענגיק.

היסטאריע

מען ווייסט ווייניג וועגן דער היסטאריע פון טאגא ביזן 15טן יארהונדערט, ווען פארטוגעזישע פארשער זענען אהין געקומען. נאך דעם האט אנגעהויבן דער שקלאף האנדל, און במשך 200 יאר איז דער ראיאן געווען א צענטער פאר אייראפעער וואס האבן געזוכט שקלאפן.

ראיאנען

טאגא איז צוטיילט אין פינעף ראיאנען. פון צפון צו דרום, הייסן די ראיאנען סאוואנע, קארא, סענטראלע, פלאטא און מאריטים.

עקאנאמיע

די עקאנאמיע פון טאגא איז באזירט אויף לאנדווירטשאפט, אין וואס ארבעטן 65% פון אלע ארבעטער אין לאנד. פראדוקטן שליסן איין קאווע, קאקאא, באוול, מאניאק (טאפיאקע), קוקורוזע, רייז און סארגע.

וועבלינקען

וויקימעדיע קאמאנס האט מעדיע שייך צו: טאגא