יצחק פרידמאן (רימאנאוו)

פֿון װיקיפּעדיע
קפיצה לניווט קפיצה לחיפוש

רבי יצחק פרידמאן זצ"ל (ב' חשוון ה'תרמ"ו - י"א כסלו ה'תרפ"ה), פון רימאנאוו.

אפשטאם[רעדאַקטירן | רעדאקטירן קוואַלטעקסט]

רבי יצחק איז געבוירן ב' חשוון ה'תרמ"ו, צו זיין פאטער הרב ישראל פרידמאן, פון סאדיגורא, א זון פון הרב אברהם יעקב פרידמאן פון סאדיגורא, א זון פון הרב ישראל פרידמאן פון רוזשין, א זון פון הרב שלום שכנא, פון פראהבישטש, א זון פון הרב אברהם המלאך, דער חסד לאברהם, א זון פון הרב דוב בער, דער מעזריטשער מגיד. און צו זיין מוטער מרת בת שבע א טאכטער פון הרב שלום יוסף פרידמאן, פון סאדיגורא.

רבנות[רעדאַקטירן | רעדאקטירן קוואַלטעקסט]

אין יאר ה'תרע"ג נאך דער פטירה פון זיין עלטער-שווער רבי יוסף הכהן פון רימאנאוו, האט רבי יצחק אנגענומען דעם פארשלאג פון רימאנאוו, און זיך דארטן באזעצט.

אין יאר ה'תרע"ד ביי דער ערשטער וועלט מלחמה איז רבי יצחק אנטלאפן קיין בודאפעסט און פון דארט קיין וויען. אין וויען האט ער געלעבט מיט א געוואלדיגן ענקשאפט, אבער ווען זיינע חסידים פון ניו יארק האבן אים געבעטן ער זאל אהון קומען האט ער נישט געוואלט בשום אופן, הערשט אין יאר ה'תרפ"ד האט ער זיך געלאזט איבער רעדן און געפארן באזוכן זיינע חסידים און איז אנגעקומען קיין ניו יארק א' סיון ה'תרפ"ד.

הסתלקות[רעדאַקטירן | רעדאקטירן קוואַלטעקסט]

אונמיטן קידוש פרייטיק-צונאכטס ב' כסלו ה'תרפ"ה האט רבי יצחק פלוצלינג פארלוירן דעם אטעם, די דאקטוירים האבן פעסטגעשטעלט אז ער ליידט אויף א שווערן לונגען אנצונדינג, און ער איז נפטר געווארן א וואך שפעטער י"א כסלו ה'תרפ"ה און ער ליגט אין ברוקלין.

פאמיליע[רעדאַקטירן | רעדאקטירן קוואַלטעקסט]

אין יאר ה'תרס"ג האט רבי יצחק געהייראט מרת שרה דבורה, א טאכטער פון הרב אשר ישעיה הורוויץ, פון רימאנאוו, (אן איידעם פון הרב יוסף הכהן פון רימאנאוו, א זון פון הרב צבי הירש פון רימאנאוו), א זון פון הרב מאיר הורוויץ "דער אמרי נועם". זייערע קינדער.

זעט אויך[רעדאַקטירן | רעדאקטירן קוואַלטעקסט]

רעפערענצן[רעדאַקטירן | רעדאקטירן קוואַלטעקסט]

  • אנציקלופדיה לחכמי גליציה, מאיר וונדר
  • נר ישראל ח"ו בערכו (28)