דוד האגער (לאנדאן)

פֿון װיקיפּעדיע
קפיצה לניווט קפיצה לחיפוש
דוד האגער (לאנדאן)
וויזשניצער רבי
געבורט
ניו יארק
חסידות וויזשניץ מאנסי
פירערשאפט פון תשע"ח
הויף ארט לאנדאן, ענגלאנד
נומער אין דינאסטיע 2
פאריגער רבי מרדכי האגער
פאטער רבי מרדכי האגער
מוטער סימא מירל טווערסקי
ווייב חנה מרים טויב
קינדער מנחם שלמה האגער
שיינא רחל האגער
לוי יצחק האגער
יעקב יוסף האגער
חיים מאיר האגער
יענטא שטערנבוך
ישראל האגער
מרגליא פיש
טראנא ערנסטער
חוה טווערסקי

רבי דוד האגער איז דער היינטיגער וויזשניצער רבי אין לאנדאן, ענגלאנד.

לעבענסגעשיכטע און טעטיגקייט[רעדאַקטירן | רעדאקטירן קוואַלטעקסט]

רבי דוד האגער איז געבוירן געווארן אין אמעריקע צו זיין פאטער רבי מרדכי האגער, וויזשניצער רבי אין מאנסי, און צו זיין מוטער מרת סימא מירל, טאכטער פון רבי יעקב יוסף טווערסקי, דער פריערדיגער סקווערער רבי, און גרינדער פונעם שטעטל שיכון סקווירא. ער האט געלערענט אין דער טשעבינער ישיבה אין ירושלים. שוין אלס בחור, איז רבי דוד געווען באקאנט אלס א תלמיד חכם, און האט זיך פארהערט אויף גאנץ ש"ס. אין יאר ה'תשל"ח, האט ער געהייראט זיין רעביצין מרת חנה מרים, טאכטער פון רבי משה טויב, קאלעווער רבי פון אמעריקע.

לויט דעם באפעל פון זיין פאטער איז ער באשטימט געווארן רב פון די מאנסי־וויזשניצער חסידים אין לאנדאן, דארט וואו ער האט זיך ערווארבן א נאמען. לאנגע יארן איז דער רבי געזעסן אין כולל, אפילו נאכדעם וואס ער האט איבערגענומען די רבנות אין לאנדאן. ער איז באקאנט אלס א באטאמטער איד און אלס א מורא'דיגער בעל חסד, וואס העלפט ארויס צעבראכענע אידן. זיין שטוב איז אלעמאל געווען אפן פאר געסט, און וויזשניצער חסידים האבן געוואוסט, אז טאמער מען פאלט אריין צופעליג אין לאנדאן קען מען אייביג איינשטיין ביים רבי'ן וואס איז א גרויסער מכניס אורחים. עס האבן זיך געדרייט ביי אים אלע יארן פארשידענע מיטגעמאכטע מענטשן, גייסטיש-קראנקע מענטשן, צעבראכענע אידן, משולחים און נאך, און דער רבי מיט זיין אויסערגעוונליכער גוטמוטיגקייט האט אלע באהאנדלט מיט כבוד און ליבשאפט. דער רבי איז אויך בארומט אלס א איד וואס מאכט נפשות. ער באשעפטיגט זיך מיט קירוב פון אידן וואס זענען ווייט פון אידישקייט, תורה ומצוות, פונקט אזוי ווי זיין שווער דער קאלעווער רבי.

כ"ט אדר ה'תשע"ח, נאך דער פטירה פון זיין פאטער, איז ער געקרוינט געווארן רבי, צוזאמען אינאיינעם מיט זיינע אנדערע ברידער און זיין נעפע רבי יעקב יוסף האגער פון בארא פארק. אין דעם שבת-הכתרה, עס האבן זיך באטייליגט הונדערטער אידן פון גאנץ אייראפע.

קינדער[רעדאַקטירן | רעדאקטירן קוואַלטעקסט]

רבי דוד און זיין רעביצין מרת חנה מרים האבן צוזאמען צען קינדער. זיי זענען ווי פאלגנד:

  • הרב מנחם שלמה, האט געהייראט מרת מאטל לאה, טאכטער פון רבי יוסף חיים מאסקאוויטש, שאצער רבי פון וויליאמסבורג.
  • מרת שיינא רחל, ווייב פון איר שוועסטער-קינד הרב נפתלי אריה משה, זון פון רבי אהרן האגער, וויזשניצער רבי פון מאנטריאל.
  • הרב לוי יצחק, האט געהייראט זיין שוועסטער-קינד מרת מרגלית, טאכטער פון זיין פעטער רבי אברהם דוב טווערסקי, רחמיסטריווקער רב אין מאנסי, און איידעם פון הרה"ק רבי מרדכי האגער, פריערדיגער וויזשניצער רבי פון מאנסי.
  • הרב יעקב יוסף, האט געהייראט מרת שבע רבקה, טאכטער פון רבי ישראל אברהם אלטר טויב פון קאלעוו בארא פארק.
  • הרב חיים מאיר, האט געהייראט מרת מלכה איידל, טאכטער פון רבי חיים יצחק אייזיק כהנא, ספינקער רבי פון לאנדאן.
  • מרת יענטא, ווייב פון הרב חיים מאיר, זון פון רבי ברוך שטערנבוך, אב"ד ד'חסידי וויזשניץ בראכפעלד (פון חסידי מהר"י) זון פונעם געוועזענעם ראב"ד אנטווערפן רבי אליהו, און איידעם פון רבי מנחם ערנסטער, דער וויזשניצער ראש ישיבה אין בני ברק.
  • הרב ישראל, האט געהייראט זיין שוועסטער-קינד מרת מרגליא, טאכטער פון זיין פעטער רבי מנחם מענדיל האגער, וויזשניצער רבי אין קייאמישע לייק.
  • מרת מרגליא, ווייב פון הרב יוחנן, זון פון הרב חיים מאיר פיש, זון פון איר פעטער רבי ישראל אליעזר, דער ביקסאדער רבי.
  • מרת טראנא, ווייב פון הרב יעקב יצחק, זון פון רבי ישראל ערנסטער, משגיח אין וויזשניצער ישיבה אין בני ברק, זון פון רבי מנחם, דער עמטליכער וויזשניצער ראש ישיבה, און איידעם פון רבי שמעון נתן נטע בידערמאן, דער פריערדיגער לעלאווער רבי פון בני ברק.
  • מרת חוה, ווייב פון הרב זאב (וועלוול), זון פון הרב יעקב יוסף טווערסקי, אייניקל פון רבי חי יצחק טווערסקי, דער רחמיסטריווקער רבי פון אמעריקע, און איידעם פון רבי אברהם דוב טווערסקי, אב"ד רחמיסטריווקא מאנסי, און איידעם פון הרה"ק רבי מרדכי האגער, דער געוועזענער וויזשניצער רבי אין מאנסי.