דרום אמעריקע

דרום אמעריקע

שטח	17,840,000 ק"מ2
באפעלקערונג	382,000,000
לענדער	12
שפראכן	פארטוגעזיש, שפאניש, האלענדיש, ענגליש
צייט זאנעס	UTC-2 ביז UTC-5

דרום אַמעריקע איז אַ קאָנטינענט אין דעם מערבֿדיקן האלבקײַלעך, דרום פון צפון אמעריקע; דער פאנאמא קאנאל צעשייד צווישן זיי. צו מזרח פון דרום אמעריקע געפינט זיך דער אטלאנטישער אקעאן און צו מערב דער פאציפישער אקעאן.

לענדער

פלאצירונג פון דרום אַמעריקע אין דער וועלט

די לענדער אין דרום אמעריקע זײנען:

• אורוגװײַ
• אַרגענטינע
• בראַזיל
• גויאַנע
• װענעזװעלע
• טשילע
• סורינאַם
• עקװאַדאָר
• פּערו
• פֿראַנצויזישע גויאַנע
• קאָלאָמביע
• פּאַראַגװײַ

קלימאט

דער קלימאט אין דרום אמעריקע איז מערסטנס טראפיש. אין דעם מדבר רעגנט עס נישט אבער אין די בערג רעגנט עס ביז 200 צ"מ. די טעמפעראטור ווענדט זיך אויך—אין די בערג 15ºC אבער 40ºC אין די טראפישע געגנטן.

נאטירלעכע רעסורסן

די ערד אין בראזיל איז גוט פאר וואקסן קאווע. ס'איז פאראן עטלעכע מינעראלן: אייזן, מאנגאן, גאלד און איידלשטיינער, און אויך אויל.

קולטור

דרום אמעריקע האט חשובע שרייבער ווי גבריאל גארסיא מארקעס און כארכע לויס בארכעס.