צפון אמעריקע
.svg) | |
| שטח | 24,709,000 ק"מ2 |
| באפעלקערונג | 528,720,588 |
| לענדער | 23 |
| שפראכן | ענגליש, שפאניש, פראנצויזיש און נאך |
| צייט זאנעס | UTC-10 ביז UTC |
צפון אמעריקע איז דער צפונדיקער קאנטינענט פון די אמעריקעס,[1] פלאצירט אין דער ערד'ס צפון האלבקוגל און כמעט אינגאנצן אינעם מערב האלבקוגל. איר צפון גרענעץ איז ביים ארקטישן אקעאן, צו מזרח איז דער צפון אטלאנטישער אקעאן, צו דרום־מזרח דער קאראאיבישער ים, און צו מערב דער צפון פאציפישער אקעאן. דרום אמעריקע געפינט זיך צו דרום־מזרח. צפון אמעריקע באדעקט א שטח פון אומגעפֿער 24,709,000 קוואדראט ק"מ, בערך 16.5% פונעם ערד־פלאנעט׳ס שטח און בערך 4.8% פון זיין גאנצן אייבערפלאך. צפון אמעריקע איז דער דריטער גרעסטער קאנטינענט לויט שטח, נאך אזיע און אפריקע,[2] און דער פערטער לויט באפעלקערונג, נאך אזיע, אפריקע און אייראפע.[3] אין 2013, האט מען אפגעשאצט איר באפעלקערונג קרוב צו 579 מיליאן מענטשן אין 23 אומאפהענגיקע לענדער, ד״ה אומגעפער 7.5% פון דער וועלט׳ס באפעלקערונג, אויב מען שליסט איין די נאנטע אינזלען (ספעציעל די קאראאיבן) .
צפון אמעריקע איז רייך אין נאטירלעכע אוצרות, צווישן זיי נאפט, קויל, אייזן, קופער, צינק, בליי, גאלד, זילבער און אוראניום.
רוב איינוואוינער פון צפון אמעריקע רעדן ענגליש, שפאניש אדער פראנצויזיש.
עטימאלאגיע
[רעדאַקטירן | רעדאַקטירן קוואַלטעקסט]היסטאריע
[רעדאַקטירן | רעדאַקטירן קוואַלטעקסט]עס ווערט גערעכנט אז די ערשטע איינוואוינער פון דעם קאנטינענט, די עסקימאסן און די אינדיאנער, זענען געקומען פון אזיע אריבער דעם בערינג דורכגאס. די אינדיאנער האבן געוואנדערט ביז מעקסיקא און צענטראל-אמעריקע וואו זיי האבן געשאפן א הערליכן קולטור לאנג פאר די אייראפעישע זענען דארט אהינגעקומען.
געאגראפיע
[רעדאַקטירן | רעדאַקטירן קוואַלטעקסט]צפון אמעריקע פארנעמט דעם צפון טייל פון דער יבשה אפט גערופן די נייע וועלט, דער מערב האלבקיילעך, די אמעריקעס, אדער סתם אמעריקע, or simply America (וואס אנדערע האלטן פאר איין קאנטינענט, [4][5][6] מיט צפון אמעריקע אן אונטער-קאנטינענט).[7] צפון אמעריקע׳ס איינציגע לאנד פארבינדונג צו דרום אמעריקע איז ביים איסטמוס פון פאנאמא . רוב געאגראפן צעגרענעצן דעם קאנטינענט ביים דאריען וואסערשייד לענגאויס דעם קאלאמביע-פאנאמא גרענעץ, אזוי קומט גאנץ פאנאמא אינערהאלב צפון אמעריקע.[8][9][10] טייל געאלאגן אבער האלטן אז דער צפון גרענעץ פונעם קאנטינענט דארף זיין ביים איסטמוס פון טעהואנטעפעק, מעקסיקע, און פון דארט ציט צענטראל אמעריקע דרום־מזרחדיק קיין דרום אמעריקע .[11] די קאראאיבישע אינזלען, אדער וועסט-אינדישע אינזלען, ווערן גערעכענט א טייל פון צפון אמעריקע.[12] די קאנטינענט-בארטנליניע איז לאנג און אומרעגולער. דער איינגאס פון מעקסיקע איז דער גרעסטער קערפער פון וואסער וואס ציט איין דעם קאנטינענט, און דער צווייער איז האדסאן בוכטע. אנדערע זענען דער איינגאס פון סאנט לארענץ און דער איינגאס פון קאליפארניע.
נאנט צו דעם קאנטינענט׳ס בארטנס זענען פיל אינזלען; פרינציפיעל, דער ארקטישער ארכיפעלאג, די באהאמאס, טורקס און קייקאס, די גרעסערע און קלענערע אנטילן, די אלעאושן אינזלען (טייל וואס זענען אין דעם מזרחדיקן האלבקיילעך, דער אלעקסאנדער ארכיפעלאג, די עטלעכע טויזנט אינזלען פון דעם בריטישן קאלומביע בארטן, און נייפונדלאנד, גרינלאנד (אן אויטאנאמישער דענישער אינזל, און דער גרעסטער אינזל אין דער וועלט, וואס איז געאגראפיש א טייל פון צפון אמעריקע). געאלאגיש איז בערמודע נישט קיין טייל פון די אמעריקעס, נאר אן אקעאנישער אינזל. אבער, היסטאריש, פאליטיש און קולטורעל איז בערמודע פארבונדן מיט ווירדזשיניע און אנדערע טיילן פונעם קאנטינענט.
כמעט גאנץ צפון אמעריקע ליגט אויף דער צפון אמעריקע פלאטע. טיילן פון מערב מעקסיקע, איינשליסנדיק באיא קאליפארניע, און פון קאליפארניע, כולל די שטעט סאן דיעגא, לאס אנדזשעלעס און סאנטא קרוז ליגן אויפן מערב עק פון דער פאציפישער פלאטע; די צוויי פלאטעס קומען צוזאמען לענגאויס דעם סאן אנדרעאס שפאלט. דער דרומדיקסטער טייל פונעם קאנטינענט און א גרויסער טייל פון די מערב אינדישע אינזלען ליגן אויף דער קאראאיבישער פלאטע.
מען קען צעטיילן דעם קאנטינענט אין פיר גרויסע ראיאנען (וואס יעדער איינער אנטהאלט פיל אונטער־ראיאנען): די גרויסע פלוינען וואס שטרעקן פונעם איינגאס פון מעקסיקע ביז דעם קאנאדישן ארקטיק; דער געאלאגיש יונגע בערגיקע מערב, וואס נעמט איין די ראקי בערג, דעם גרויסן באסיין, קאליפארניע און אלאסקע; דער געהעכערטער, אבער פלאכער פלאטא פון קאנאדע אין צפון־מזרח; און דער מזרחדיקער ראיאן וואס שליסט איין די אפאלאכישע בערג, דעם בארטן פלוין לענגאויס דעם אטלאנטישן בארטן, און דעם פלארידע האלבאינזל. מעקסיקע, מיט לאנגע פלאטאס און קארדילערעס, פאלט מערסטנס אין דעם מערבדיקן ראיאן, אויבוואויל דער מזרחדיקער בארטן פלוין ציט זיך דרום לענגאויס דעם איינגאס.
לענדער און טעריטאריעס
[רעדאַקטירן | רעדאַקטירן קוואַלטעקסט]קאנאדע, פאראייניקטע שטאטן פון אמעריקע, מעקסיקא, די זיבן לענדער פון צענטראל-אמעריקע און די מערב אינדישע אינזלען.
סואווערענע לענדער אין צפון אמעריקע:
איינוואוינער פון צפון אמעריקע
[רעדאַקטירן | רעדאַקטירן קוואַלטעקסט]עס ווערט אפגעשאצט אז די ערשטע איינוואוינער פון דעם קאנטינעט, די אינדיאנער און די עסקימאסן, זענען געקומען פון אזיע אריבער דעם בערינג דורכגאס צום געגנט פון אלאסקע, און פון דארטן האבן זיי אנגעהויבן צו באזעצן דעם קאנטינענט. די אינדיאנישע שבטים האבן געוואנדערט ביז זיי זענען אנגעקומען קיין מעקסיקע און צענטראל-אמעריקע, וואו זיי האבן אויפגעשטעלט וואונדערליכע קולטורן ווי די אלמעקישע, מאיא און אזטעק, א לאנגע צייט איידער די ערשטע אייראפעער זענען דארט אנגעקומען. די ערשטע אייראפעאישע באוואוינער אין צפון אמעריקע זענען געווען נארדישע קאלאניסטן פון איסלאנד, וואס אין דעם 11טן יארהונדערט האבן זיי אויפגעשטעלט די ווינלאנד זידלונג (וואס האט זיך נישט לאנג געהאלטן) אין דרום-מזרח פון היינטיקער קאנאדע. פינף הונדערט יאר נאכהער, אין דעם 16טן יארהונדערט, האבן שפאניער זיך באזעצט אויף די בארטנס פון דעם איינגאס פון מעקסיקע, וואס האט געברענגט צו א כוואליע פון קאלאניזאציע אין צפון אמעריקע. נאך זיי זענען געקומען די פראנצויזן, וואס האבן זיך באזעצט אויף די ברעגן פון דעם טייך מיסיסיפי און דעם טייך סאנט לארענס, און די בריטישע, וואס האבן קאלאניזירט דעם מזרח בארטן. שפעטער האט מען געברענגט שווארצע שקלאפן פון אפריקע צו ארבעטן אין די באוול־פלאנטאציעס אין דעם דרום טייל פון די פאראייניגטע שטאטן. פון דעם 18טן יארהונדערט זענען געקומען צו די פאראייניגטע שטאטן און קאנאדע א כסדרדיקן שטראם פון אימיגראנטן פון אלע טיילן פון אייראפע. אינעם 19טן יארהונדערט זענען געקומען א סך אימיגראנטן אויך פון דעם מזרח, פון כינע און יאפאן.
די מערסט־פארשפרייטע שפראך אין צפון אמעריקע איז ענגליש, אויסער געוויסע טיילן פון קאנאדע, און האיטי, וואו מען רעדט פראנצויזיש, און מעקסיקע, וואו מען רעדט שפאניש.
דעמאגראפיק
[רעדאַקטירן | רעדאַקטירן קוואַלטעקסט]
עקאנאמיש זענען קאנאדע און די פאראייניגטע שטאטן די רייכסטע און מערסט אנטוויקלטע לענדער אין דעם קאנטינענט, דערנאך קומט מעקסיקע, א ניי־אינדוסטריאליזירט לאנד.[13] די לענדער פון צענטראל־אמעריקע און די קאראאיבן האלטן ביי פארשיידענע ניוואען פון עקאנאמישער און מענטשלעכער אנטוויקלונג. צום ביישפיל, קליינע קאראאיבישע אינזל־לענדער, ווי בארבאדאס, טרינידאד און טאבאגא, און אנטיגוע און בארבודע, האבן א העכערע ברוטא אינלענדישן פראדוקט ווי מעקסיקע צוליב זייערע קלענערע באפעלקערונגען. פאנאמא און קאסטא ריקא האבן א גאנץ העכער מענטשלעכן אנטוויקלונג־אינדעקס ווי די אנדערע לענדער פון צענטראל־אמעריקע.[14] ווי אויך, כאטש האט גרינלאנד ריזיקע רעסורסן אין נאפט און מינעראלן, מערסטנס זענען נאך נישט אויסגעניצט, און דאס אינזל איז עקאנאמיש אפהענגיק אויף פישעריי, טוריזם, און סובווענצן פון דענמארק. דאך איז דער אינזל גוט אנטוויקלט.[15]
זעט אויך
[רעדאַקטירן | רעדאַקטירן קוואַלטעקסט]רעפערענצן
[רעדאַקטירן | רעדאַקטירן קוואַלטעקסט]- ↑ פאראייניגטע פעלקער סטאטיסטיק אפטייל Division- Standard Country and Area Codes Classifications (M49). United Nations Statistics Division.
- ↑ North America Land Forms and Statistics. World Atlas.com. דערגרייכט דעם 16טן יוני 2013.
- ↑ North America Fast Facts. World Atlas.com. דערגרייכט דעם 16טן יוני 2013.
- ↑ The Olympic symbols (PDF). International Olympic Committee (2002). ארכיווט פון דעם אריגינאל דעם 7טן מערץ 2008. The five rings of the Olympic flag represent the five inhabited, participating continents (Africa, America, Asia, Europe, and Oceania (ארכיווירט 23.02.2002 ביי דער Wayback Machine)).
- ↑ "Continente", Océano Uno, Diccionario Enciclopédico y Atlas Mundial, 392, 1730. ISBN 84-494-0188-7. מוסטער:Author missing
- ↑ (1997) Los Cinco Continentes (The Five Continents). Planeta-De Agostini Editions. ISBN 84-395-6054-0. מוסטער:Page needed
- ↑ Encarta, "Norteamérica" (Spanish). ארכיווט פון דעם אריגינאל דעם 31סטן אקטאבער 2009.
- ↑ Americas. Standard Country and Area Codes Classifications (M49). United Nations Statistics Division. דערגרייכט דעם 3טן פעברואר 2014.
- ↑ North America. Atlas of Canada. ארכיווט פון דעם אריגינאל דעם 21סטן אקטאבער 2006.
- ↑ North America Atlas. National Geographic.
- ↑ Central America. Encyclopædia Britannica. דערגרייכט דעם 28סטן יוני 2011.
- ↑ North America. Encyclopædia Britannica. דערגרייכט דעם 3טן פעברואר 2014.
- ↑ David Waugh (2000). "Manufacturing industries (chapter 19), World development (chapter 22)", Geography, An Integrated Approach, 3rd, Nelson Thornes Ltd., 563, 576–579, 633, and 640. ISBN 0-17-444706-X.
- ↑ 2010 Human development Report (PDF) 148–151. פאראייניגטע פעלקער אנטוויקלונג פראגראם. ארכיווט פון דעם אריגינאל דעם 8טן נאוועמבער 2010. דערגרייכט דעם 6טן מיי 2011.
- ↑ Independence on ice. The Economist (21סטן יאנואר 2015). (אויף ענגליש)
| קאנטינענטן פון דער וועלט | ||||||
|---|---|---|---|---|---|---|
.svg) אזיע |
.svg) אפריקע |
.svg) אייראפע |
 צפון אמעריקע |
.svg) דרום אמעריקע |
.svg) אויסטראליע |
.svg) אנטארקטיקע |