דאמיניקא

פֿון װיקיפּעדיע
קאמאנוועלט פון דאמיניקא
Commonwealth of Dominica
פאן
פאן
סימבאָל
פֿאָן הערב
נאַציאָנאַלע זינגליד:
אָרט פֿון
אָרט פֿון
קאָנטינענט צפון אמעריקע
אָפֿיציעלע שפּראַך ענגליש
הויפּטשטאָט ראזוי
רעגירונג פאלאמענטארע רעפובליק
פּרעזידענט
פּרעמיער מיניסטער
טשארלס סאווארין
רוזעוועלט סקעריט
אומאפהעניגייט
- פון פאראייניגטן קעניגרייך

3טן נאוועמבער 1978
פלאַך מאָס
וועלט גראַדונג פלאַך
פּראָצענט וואַסער
790 קוואַדראַט ק"מ
184
1.6%
באַפֿעלקערונג
- צאָל
- וועלט גראַדונג
- ענגקײט

71,293
105
25.21 מענטשן פאַר אַ ק"מ
פּראָדוקט ווערדע $977 מיליאן (204ט)
וואַלוטע מזרח קאראאיבישער דאלאר (XCD)
צײַט זאָנע UTC - 4
אינטערנעט דאָמען cu.
טעלעפֿאָן קאָד 1-767+
dm

דאמיניקא (ענגליש: Dominica), אפיציעל די קאמאנוועלט פון דאמיניקא, איז אַן אינזל לאַנד אין די קאראאיבן. די הױפּשטאָט איז ראזוי, די איינציגסטע שטאט אין לאנד אויסער נאך א קליינע שטאט. דער אינזל איז נאנט צו גוואדעלוופ צו צפון־מערב און מארטיניק צו דרום־מזרח.קלענערע אנטילן, אין די מערב אינדישע אינזלען. עס וואוינען דארט 73 טויזנט מענטשן. פון ניו יארק אהין מיט א פליגער איז דריי א האלב שעה.

קאלאמבוס האט זי געפונען ביי איינע פון זיינע רייזעס, אבער זי איז נישט אריבער געגאנגען פאר שפאניע. שפעטער האט זי פראנקרייך געהאט א קורצע צייט, און דערנאך איז זי אריבער אונטער דער בריטישער אימפעריע וואו עס איז געווען אסאך יארן. ערשט אין יאר תשל"ב האט זי באקומען זעלבשטענדיגקייט, און זינט דאן איז זי אריבער אסאך שווערע צייטן פון ארימקייט און פאליטישע אומקלארקייט אבער נישט קיין אומריען און בלוט פארגיסונגען ווי פיל אנדערע. די אפיציעלע שפראך דארט איז ענגליש.

זייער עקאנאמיע איז כמעט גענצליך אנגעוואנדן אין אגריקולטור, בפרט באנאנעס און ענליכס, דאס ברענגט צומאל שווערע צייטן, ווען עס קומען נאטורליכע חורבנות אויפן לאנד וואס לייגן צוגרונד די געוויקסן און דאן איז די גאנצע עקאנאמיע אין די ערד. זיי פרובירן אביסל צו אויפבויען די טוריזעם אבער עס גייט זיי נישט צופיל, און דאס איז צוליב א אינטערעסאנטע פאקט אז דער אינזל האט כמעט נישט קיין פלאכע זאמדיגע ים ברעגעס, וואס דאס איז א הויפט פריאריטעט פאר טוריסטן וואס קומען צו די טראפישע אינזלען, דעריבער איז כמעט נישט דא דארט קיין האטעלן פאר טוריסטן, א חידוש אין די קאראיבישע אינזלען.

געאגראפיע[רעדאַקטירן | רעדאַקטירן קוואַלטעקסט]

דאס לאנד איז א צאמשטעל פון אפאר בערגיגע אינזלען איינס נישט ווייט פון צווייטן, אבער אויך נישט אזוי נאנט. די העכסטע שפיץ איז בערך פיר טויזעט פיס. עס האט מערערע נאטורליכע הייסע וואסער פארזאמלונגען, איינס דערפון די צווייט גרעסטע אין די וועלט, און איז אנערקענט דורך די אונעסקא. עס איז פון די מערסט פאררעגנטע ערטער אין דער וועלט. דעריבער האט עס גאר אסאך הערליכע אריגינעלע אומבארירטע טראפישע רעגן וועלדער מיט פרעכטיגע שטורמישע וואסערפאלן באהאלטן דערין, שטעלטס ענק פאר - טיף אין די געדעכטע טראפישע רעגן וואלד ארומגענומען מיט ברייטע נאסע בלעטער און קאלירפולע פויגלען ציפקען העכער ענקער קאפ, און א שטראם פון וואסער פאלט אראפ פון דער הייעך גלייך אריין אין א קריסטעל קלארע קליינע וואסער פארזאמלונג ווען עס מאכט א אנגענעמע וואסער גערויש, און אזוי ווייטער כל אחד כפי דמיונו המבורך, והמברך תתברך בברכות עד בלי די...

וויבאלד עס קומען נישט אהין צופיל טוריסטן, בלייבט עס אזויווי עס איז אן קיין מענטשליכע אריינמישונג און טוישונגען, און דאס איז א זעלטענהייט צווישן די אנדערע ארומיגע אינזלען, און די ארטיגע איינוואוינער זאגן אז דאס איז די איינציגסטע אינזל וואס קאלאמבוס וואלט נאך דערקענט...פון דער אנדערער זייט קומען אהין דוקא אזעלכע טוריסטן וואס גלייכן די אריגענעלקייט וואס עס איז דא דארט און ווילן דוקא עס זאל בלייבן פרימיטיוו און אומבארירט.

אסאך הוראגאנען שטאטן דארט אפ ווילדע באזוכן, איבערלאזנדיג שווערע חורבנות אינטער זיך און דאן ווערן זיי פארשוואונדן נישט צום געפינען, און יעצט גיי פראווע דיך מיט עס...