דוד טווערסקי

פֿון װיקיפּעדיע
(אַריבערגעפֿירט פון סקווירא רבי)
שפּרינג צו: נאַוויגאַציע, זוך
דוד טווערסקי
סקווערער רבי
רבי דוד טווערסקי טאנצט מיט א ספר תורה
רבי דוד טווערסקי טאנצט מיט א ספר תורה
געבורט כ"ו תשרי ה'תש"א
יאס, רומעניע
חסידות סקווירא
פירערשאפט ה'תשכ"ח-
הויף ארט שיכון סקווירא, ראקלענד קאונטי, ניו יארק
נומער אין דינאסטיע 4
פאריגער רבי יעקב יוסף טווערסקי
פאטער רבי יעקב יוסף טווערסקי
מוטער מרת טראני טווערסקי
ווייב חנה חיה האגער
קינדער אהרן מנחם מענדל טווערסקי, יצחק טווערסקי, הינדא טווערסקי, ציפורה גאלדמאן,

סימא מירל האגער, יעקב יוסף טווערסקי, חיים מאיר טווערסקי

רבי דוד טווערסקי (געב' כ"ו תשרי ה'תש"א) איז דער מנהיג פון די סקווערער חסידים און פון סקווערער שטעטל אין ניו יארק.

לעבנסגעשיכטע, פירערשאפט און אייגנשאפטן פונעם רבי'ן[רעדאַקטירן | רעדאקטירן קוואַלטעקסט]

רבי דוד איז געבוירן אין יאר ה'תש"א, אין דער שטאט יאס, רומעניע, אלס א בן יחיד צו זיין פאטער הרה"ק רבי יעקב יוסף טווערסקי, דער פריערדיגער סקווערער רבי און גרינדער פון שיכון סקווירא אין וועלכער געפינט זיך אין הינטערלאנד ניו יארק, און צו זיין מוטער מרת טראני טווערסקי, א טאכטער פון רבי פינחס טווערסקי פון אוסטילע), און אן אייניקל פון הרה"ק מהרי"ד מבעלזא. אין יאר ה'תש"ה האט די משפחה זיך אריבערגעצויגן קיין בוקארעשט, און ער איז געקומען קיין אמעריקע אין יאר ה'תש"ח, צוזאמען אינאיינעם מיט די עלטערן און די איבעריגע משפחה. ער האָט חתונה געהאַט אין ט"ו באב ה'תשי"ט אין קרית וויזשניץ בני ברק, מיט הרבנית חנה חיה האגער, די עלטסטע טאכטער פון הרה"ק רבי משה יהושע האגער, דער פריערדיגער וויזשניצער רבי פון בני ברק, און פון מרת לאה אסתר. זייענדיג 28 יאר אלט אין יאר ה'תשכ"ח, נאך דער פטירה פון זיין פאטער, האט ער איבערגענומען די רביסטעווע.

זיינע חסידים זענען פארגלייבט פאר יעדעס ווארט וואס ער זאגט נאר און האלטן פון אים גאר שטאר. דער סקווערער רבי איז באקאנט אלס א וואונדערליכער פועל ישועות וואו פילצאליגע אידן ווערן ערמוטיגט, אויפגעראכטן, און געהאלפן פון זיינע ברכות.

ספעציעל איז ער באקאנט אלס א גרויסער מומחה אויף דאקטוירים און רפואה, און צוליב זיין באהאוונטקייט און וויסנשאפט אינעם מעדיצינישער געביט קומען צו אים מענטשן אפילו פון זייער ווייטע פלעצער אום דורכרעדן מיט אים וועגן עניינים פון רפואה, און באקומען בעראטונג. דער רבי איז באוואוסט מיט זיין אהבת ישראל. טאג טעגליך שטראמען צו אים זיך פראווען, מענער און פרויען אפילו פון די שוואכסטע שטאפל, פון אלע קרייזן און סארטן, רייכע מיט ארימע, פרומע און פרייע, און אזוי ווייטער, וועלכע נעמט ער אייביג אויף מיט א ברייטן שמייכל. און ער הייסט היינט איינער פון די גרעסטע פראווערערס, זייענדיג אפען פארן ציבור יעדן טאג אכט שעה.

טראץ זיין צימליך הויכן עלטער, פארפאסט ער נישט פון צו פירן דריי טישן יעדן שבת, אן קיין תירוצים.

דער סקווערער רבי איז באוואוסט אויף דעם וואס ער רירט זיך נישט אוועק פון דאס וואס "דער טאטע" האט געטון. און האלט אן טראץ זיין שוואכקייט און הויכן עלטער קע"ה, אלע מנהגים, תעניתים, וסגופים פון דער סקווערער רבי ז"ל.

דער רבי איז אויך באוואוסט אלס איינער וואס דערווייטערט זיך פון יעדער מחלוקת אזוי ווי פון א פייער, און ער איז קיינמאל נישט געווען פארוויקלט אין סיי וועלכער שטרייט, און אזוי האט ער אויך אויפגעצויגן זיינע קינדער וועלכע האלטן זיך אייביג באחדות און שטיצן איינער דעם צווייטן מיט ליבשאפט און הויכער שאצונג, אהן זיך אריינמישן אין קיים שום מחלוקת. צווישן די אנדערע, צוליב דעם פאקט איז ער אנגענומען כמעט ביי אלע קרייזן און שיכטן פונעם חרדי'שן אידנטום.

משפחה[רעדאַקטירן | רעדאקטירן קוואַלטעקסט]

ער איז דער נענטסטע אייניקל צום הייליגן בעל שם טוב, זייענדיג דער זיבעטער דור. דער ייחוס איז: רבי ישראל בעש"ט

  1. רבי צבי הערש, זון פונעם בעל שם טוב
  2. רבי אהרן טיטיעווער, זון פון רבי צבי הערש
  3. רבי ר' נפתלי צבי פון סקווירא (ר' הערשעלע סקווערער)
  4. רבי יצחק טווערסקי פון סקווירא (איידעם פון רבי הערשל)
  5. רבי דוד פון סקווירא
  6. רבי יעקב יוסף
  7. רבי דוד טווערסקי

דער סקווערער רבי און זיין רעביצין מרת חנה חיה האבן פיר זין און דריי טעכטער. זיי זענען:[1]

  • דער בכור רבי אהרן מנחם מענדל, האט געהייראט מרת חוה רייזל, די טאכטער פון וויזשניצער רבי פון מאנסי
    • ר' יעקב יוסף, איידעם ביי זיין פעטער הרב יצחק טווערסקי, זון פון סקווערער רבי'ן, און איידעם פון האדמו"ר מוויזשניץ בני ברק.
    • זיין איידעם ר' ארי' לייבוש טייטלבוים, זון פון הרב חנני' יו"ט ליפא פון וויליאמסבורג, איידעם פון האדמו"ר מקיוויאשד זצ"ל.
    • ר' חיים מאיר, איידעם פון הרב ארי' לייבוש רובין אבד"ק גלאגאוו בארא פארק
    • ר' יצחק, איידעם ביי זיין פעטער האדמו"ר מביקסאד וויליאמסבורג, איידעם פון האדמו"ר מוויזשניץ מאנסי
    • ר' ישראל, איידעם פון ר' יצחק אייזיק שנעעבאלג רב פון מאכניווקע אין וויליאמסבורג (זון פון ר' מענדל פון מאנטשעסטער און איידעם פון ר' נפתלי אריה פון קאלוב)
    • ר' יוחנן פינחס, איידעם פון ר' חיים מאיר ערנסטער, וויזשניצער רב אין מאנטשעסטר, זון פון ר' [[מנחם ערנסטער|מנחם] ר"י וויזשניץ
    • זיין איידעם ר' יוחנן זון פון ר' אברהם יושע העשיל זון פון רחמיסטריווקא רבי איידעם פון סקווירא רבי.
  • רבי יצחק, האט געהייראט מרת מלכה העניא, די טאכטער פון הרב ישראל האגער, וויזשניצער רבי פון בני ברק.
    • איידעם ר' יעקב יוסף טווערסקי זון פון זיין ברודער ר' אהרן מענדיל
    • איידעם ר' יעקב יוסף טווערסקי זון פון זיין שוואגער ר' אברהם יושע העשיל טווערסקי
    • איידעם ר' איתמר כ"ץ זון פון ר' יושע כ"ץ מאגרובע רב
    • ר' יעקב יוסף אן איידעם פון קיוויאשדער רביס זון, רבי צבי אלימלך האלברשטאם, בארנובער רב, וואס ער איז א איידעם ביים רחמיסטריווקער רבי פון בארא פארק.
    • משולם זוסיא (איידעם פון ר' משה מייזליש אב"ד ווארדאן לאנדאן)
    • ר' מרדכי פינחס איידעם פון ר' ברוך בנציון טווערסקי אבד"ק בית אהרן פארשעי
    • איידעם ר' יחזקאל שרגא זון פון זיין שוואגער ר' אליעזר גאלדמאן, זווהעילער רבי פון אמעריקע.
  • מרת הינדא, ווייב פון רבי אברהם יהושע העשיל טווערסקי, זון פון רחמיסטריווקער רבי אין אמעריקע
    • ר' יעקב יוסף, איידעם פון זיין פעטער ר' יצחק טווערסקי
    • ר' מרדכי,
  • מרת צפורה, ווייב פון רבי אליעזר גאלדמאן, זוועהילער רבי אין אמעריקע
    • ר' יעקב לייב איידעם פון הרב גראס האלמינע רב אין ביתר
    • ר' פינחס אהרן איידעם פון ר' משה וואלף מייזליש אוהעלע רב אין מאנסי
    • ר' מרדכי איידעם פון ר' אברהם יעקב פלינטשטיין זון פון קאפיטשניצער רבי און איידעם פון דער אלכסאנדער רבי
    • ר' שלום איידעם פון די קוזמירער רבי
    • ר' שלמה איידעם פון ר' יוסף פאנעט זון פון דעעשער רבי פון בני ברק
    • ר' יחזקאל שרגא, איידעם פון זיין פעטער ר' יצחק טווערסקי
  • רבי יעקב יוסף, האט געהייראט מרת חנה יענטא, טאכטער פון רבי ישעיה טווערסקי, טשערנאבלער רבי אין אמעריקע
    • משולם זוסיא
  • מרת סימא מירל, ווייב פון רבי יעקב יוסף האגער, אן אייניקל פונעם וויזשניצער רבי פון מאנסי, א זון צו זיין זון הרב ישראל האגער אב"ד שיכון וויזשניץ מאנסי
  • רבי חיים מאיר, האט געהייראט מרת רחל דינה, די טאכטער פון קיוויאשדער רביס זון, רבי צבי אלימלך האלברשטאם, וואס ער איז א איידעם ביים רחמיסטריווקער רבי פון בארא פארק.

משמשים בקודש[רעדאַקטירן | רעדאקטירן קוואַלטעקסט]

דער ערשטער און העכסטער גבאי: הרה"ח ר' ישעי' יואל אונגאר ע"ה, א זון פונעם קאפאווארער רב הי"ד, און ברודער פונעם סקווערער דיין - הגאון ר' זלמן אונגאר זצ"ל.

הרה"ח ר' יושע פרידמאן ע"ה, מזקני חסידי מהר"א מבעלזא, וואס האט אים געשיקט אלס באהעלפער און הויז גבאי צום אלטן סקווערער רבין זצוק"ל.

הרה"ח ר' דוד בערגער, א זון פונעם לעגאנדארן עסקן און פייערדיגע חסיד - ר' חיים בערגער ע"ה, און איידים פונעם גבאי ר' יושע פרידמאן ע"ה.

הרה"ח ר' אהרן פרידמאן, דעם רבינס הויז גבאי היינט צוטאגס, אויף ארט פון זיין פאטער, דער אלטער גבאי ר' יושע ע"ה.

הרה"ח ר' אברהם ביינוש אייזנבערג, א זון פונעם באקאנטן מחנך ר' ברוך אייזנבערג ע"ה, און איידעם פון ר' שלום בער פישל - דער העכסטער הויפ'ס מיניסטער.

תקנות ומנהגים[רעדאַקטירן | רעדאקטירן קוואַלטעקסט]

אין זיינע צייטן, ארבעט ער צו אוועקגעשטעלן פארשידענע מנהגים און תקנות פונעם שטעטל.

  • א פרוי אין שטעטל פירט נישט קיין אויטא. [אויסער דעם וואס עס איז בדיעבד אז א פרוי זאל זיצן אינעם פאדערשטן זיץ אין יעדע אויטא]
  • אלע פרויען וואס האבן חתונה געהאט אומגעפער זינט דאס יאר תשנ"ה, זענען נישט ערלויבט צוגיין אויפגעדעקטע שייטל, נאר עס מוז זיין פארדעקט כאטש רוב קאפ, מיט כאטשיג וואס.
  • אלע חסידים זאלן געהערן צו א 'חבורה', ווי מ'קומט זיך צוזאמען פון צייט צייט אויף התחזקות אין תורה וחסידות. [די חבורות זענען אומגעפער צווישן צען ביז דרייסיג חברים, צומאל ווערט עס געפירט דורך א ראש החבורה, צומאל בלויז דורך א גבאי החבורה, און עס ציילט זיך היינט שוין אן א צאל חבורות אינעם שטעטל און אין די סקווערע שטיבלעך איבער די וועלט]
  • מען זאל לערנען יעדן טאג כאטש א שעה ברבים, אין ביהמ"ד, און אויב עס איז אומעגליך, דאן כאטש א האלבע שעה. און יעדע שטיק צייט מאכט די "וועד חברי תורה ותפלה" א קונטרס מיט די אלע נעמען פון די וואס לערנען יעדן טאג, און זיי טראגן עס אריין צום רבי'ן, וואס דריקט זיך אייביג אויס, איבער זיין גרויסע הנאה דערפון, און וואונטש אן.
  • ספרי חסידות יומי איז א לימוד וואס אלע סקווירא חסידים לערנען חסידישע ספרים טעגליך, פאר בערך צען מינוט.

די ספרים וואס מ'האט שוין געלערנט אין די מסגרת פון ספרי חסידות יומי

בת עין
מגן דוד
רב ייבי
אורח לחיים
מבשר צדק
תורי זהב
מאור עינים

וועבלינקען[רעדאַקטירן | רעדאקטירן קוואַלטעקסט]

רעפערענצן[רעדאַקטירן | רעדאקטירן קוואַלטעקסט]

  1. משפחה 823 (תשס"ח) עמ' 34


פֿריערדיגער:
רבי יעקב יוסף טווערסקי
דער סקווערער רבי
תשכ"ח -
נאָכפֿאלגער:
היינטיקער