חיים צבי טייטלבוים

פֿון װיקיפּעדיע
שפּרינג צו: נאַוויגאַציע, זוך
אדמו"ר חיים צבי טייטלבוים פון סיגעט, מחבר פון עצי חיים

רבי חיים צבי טייטלבוים זצ"ל, (ה'תר"ם- ו' שבט ה'תרפ"ו), באקאנט אלס דער עצי חיים, איז געווען דער דריטער סיגעטער רב פון דער טייטלבוים פאמיליע.

אפשטאם[רעדאַקטירן | רעדאקטירן קוואַלטעקסט]

רבי חיים צבי איז געבוירן אין טעטש, אונגארן, אין יאר ה'תר"ם, צו זיין פאטער הרב חנניה יו"ט ליפא טייטלבוים, רב אין סיגעט, א זון פון הרב יקותיאל יהודה טייטלבוים, דער "ייטב לב", א זון פון הרב אלעזר ניסן טייטלבוים, רב אין דראהאביטש, א זון פון הרב משה טייטלבוים דער "ישמח משה". און צו זיין מוטער חנה א טאכטער פון הרב יואל אשכנזי רב אין זלאטשעוו, א זון פון הרב משה דוד אשכנזי, רב אין טאלטשאווא.

אלס בחור איז ער געפארן צום "בית יצחק" צו באקומען ביי אים היתר הוראה. ווען דער בית יצחק האט אים געפרעגט זיין נאמען, האט ער געענפערט "חיים הירש טייטלבוים" אן צו זאגן אז ער איז א זון פונעם סיגעטער רב. דער בית יצחק האט אים פארהערט און געשריבן פאר אים א היתר הוראה. ארויסגייענדיג פון שטוב, האט דער בית יצחק אים באגלייט צו דער טיר, וואו ער האט געזען א ייד שטיין. האט ער אים געפרעגט וואס ער וויל, האט יענער געענטפערט "כ'בין דער גבאי פון חיים צבי", האט דער בית יצחק צוריקגעפרעגט, "און ווער איז חיים צבי?", ענטפערט אים דער גבאי "דאס איז דעם סיגעטער רבי'נס זון". הערנדיג דאס האט דער בית יצחק גערופן חיים צבי ער זאל אים צוריקגעבן די היתר הוראה, ווייל ער וויל שרייבן פאסנדיג פארן סיגעטער רבי'נס זון. אבער חיים צבי האט אנגרופן אז ער איז געקומען נעמען היתר הוראה פאר זיך, און נישט פאר זיין פאטער.[1]

רבנות[רעדאַקטירן | רעדאקטירן קוואַלטעקסט]

נאך דער פטירה פון זיין פאטער אין יאר ה'תרס"ד , איז רבי חיים צבי געווארן אויפגענומען רב און אב"ד אין סיגעט, אויף זיין פאטער'ס ארט.

הסתלקות[רעדאַקטירן | רעדאקטירן קוואַלטעקסט]

רבי חיים צבי איז פלוצלינג נפטר געווארן פון א מח בלוטשטורץ אין קליינווארדיין ו' שבט ה'תרפ"ו. מען האט אים געפירט צו קבורה צומארגן אין סיגעט.

פאמיליע[רעדאַקטירן | רעדאקטירן קוואַלטעקסט]

רבי חיים צבי האט געהייראט מרת סימא ברכה, א טאכטער פון הרב שלום אליעזר האלבערשטאם רב אין ראצפערט, א זון פון הרב חיים האלבערשטאם דער צאנזער רב. פון זייערע קינדער:

זיי האבן געהאט 14 קינדער נאר 2 קינדער און 2 אייניקלעך האבן איבערגעלעבט די חורבן אייראפע:

  • מרת חנה, די ווייב פון הרב יחיאל יהודה אייזיקסאן פון אחוזה, חיפה
  • מרת יוכבד, די ווייס פון רבי יוחנן טווערסקי, זון פון רבי פיניעלע אוסטילער
  • חנניה יו"ט ליפא, נפטר אלס קינד
  • גיטל יהודית, נפטר יונגערהייט
  • הב' יחיאל מיכל הי"ד
  • הב' משולם זוסיא הי"ד

זיינע ספרים[רעדאַקטירן | רעדאקטירן קוואַלטעקסט]

  • עצי חיים על התורה
  • עצי חיים, הלכות מקוואות
  • שו"ת עצי חיים
  • עצי חיים, מועדים
  • עצי חיים אויף מסכת גיטין

וועבלינקען[רעדאַקטירן | רעדאקטירן קוואַלטעקסט]

רעפערענצן[רעדאַקטירן | רעדאקטירן קוואַלטעקסט]

  1. באשרייבונג אין אהלי צדיקים
  • מצבת קודש, רבי יקותיאל יהודה גרינוואלד
  • זכרונם לברכה, רבי אהרן פערלאוו