יקותיאל יהודה טייטלבוים

פֿון װיקיפּעדיע
קפיצה לניווט קפיצה לחיפוש
דער ארטיקל דיסקוטירט דעם סיגעטער רבי, בעל ייטב לב. טאמער זוכט איר אן אנדער באדייטונג, זעט יקותיאל יהודה טייטלבוים (באדייטן).
יקותיאל יהודה טייטלבוים
די מצבה פון רבי יקותיאל יהודה טייטלבוים
די מצבה פון רבי יקותיאל יהודה טייטלבוים
עיקר חיבור ייטב לב
געבורט ה'תקס"ח
דראהביטש
פטירה ו' אלול ה'תרמ"ג
חסידות סיגעט
פירערשאפט תרי״ח - תרמ״ג
הויף ארט סיגעט
נומער אין דינאסטיע 1
נאכפאלגער רבי חנניה יום טוב ליפא טייטלבוים
זיינע רביס רבי משה טייטלבוים
ספרים ייטב לב, ייטב פנים, אבני צדק, רב טוב
פאטער אלעזר ניסן טייטלבוים
מוטער רויזא בלומא
ווייב רחל אשכנזי
קינדער אברהם אהרן טייטלבוים
חנניה יום טוב ליפא טייטלבוים
משה יוסף טייטלבוים
אליהו בצלאל טייטלבוים
הענדל טייטלבוים
פעסיל הלברשטאם
אלטע הורוויץ
דער סאטמארער רבי ביים ציון פון זיין זיידען דער ייטב לב

רבי יקותיאל יהודה טייטלבוים (ה'תקס"ח - ו' אלול ה'תרמ"ג) רב אין סיגעט, באקאנט אלס דער ייטב לב.

אפשטאם[רעדאַקטירן | רעדאקטירן קוואַלטעקסט]

רבי יקותיאל יהודה איז געבוירן און יאר ה'תקס"ח, צו זיין פאטער הרב אלעזר ניסן טייטלבוים, רב אין דראהאביטש, א זון פון הרב משה טייטלבוים דער ישמח משה. און צו זיין מוטער מרת רויזא בלימא א טאכטער פון הרב אהרן, רב אין חאדאראוו.

רבנות[רעדאַקטירן | רעדאקטירן קוואַלטעקסט]

אין יאר ה'תקצ"ג האט מען אויפגענומען רבי יקותיאל יהודה רב אין סטראפקאוו. נאך זיין זיידן'ס פטירה אין יאר ה'תר"א האט מען אים אויפגענומען אלס רב אין איהעל. אין אוהעל האט מען זיך אויסגענומען מיט רבי יקותיאל יהודה פארשידענע באדינגונגען איבער חסידישע אויפפירונגען און אז ער זאל נישט זאגן לאנגע מוסר דרשות, ווען פארשידענע לייט האבן קעגן אים באקלאגט ביי די באהערדע, האט מען אים פאריאגט פון דארט ערב ראש השנה ה'תר"ז, אין איז אויפגענומען געווארן רב אין גארליץ.

אין יאר ה'תרט"ז איז רבי יקותיאל יהודה געווארן רב אין דראהאביטש, ער דארט מיטגעמאכט שווערע רדיפות, אויף די עלטער האט ער זיך אויסגעדרוקט, דאס איז געווען מיינע ביטערסטע יארן.

י"ח תמוז ה'תרי"ח איז ער אויפגענומען געווארן רב אין סיגעט.

אין זיינע יארן האט זיך אויסגעשפרייט אין סיגעט א שווערע מחלוקת אין די ענינים פון דער אויפפירונג פון דער שטאט. רבי יקותיאל יהודה האט זיך צוריק געהאלטן פון זיך אריינמישן אין דער קריגעריי און צו זיינע מקורבים האט ער דערציילט און ער האט אזוי געזאגט: עץ זאלט וויסן אז מיין זיידע דער ישמח משה זיע"א האט מיר דערציילט אז ער געדענקט זיין פריערדיגן גלגול און אז ער איז געווען פון דער מחלוקת פון קרח און ווען איך האב איהם געפרעגט צו וועלעכער זייט איז ער געווען האט ער מיר צוריק געענטפערט אז אין דער מחלוקת פון קרח איז געווען דריי גרופעס: איין גרופע איז געווען מיט משה און ס'איז געווען צו זיי מסירות נפש וועגן איהם, די צוויטע גרופע האבן זיך געטעהנ׳עט מיט קרח און געוואלט איבערצייגן מיט זייערע טענות אז משה איז גערעכט, די דריטע גרופע זענען געשטאנען פון דערווייטנס און זיך זיך נישט אריינגעמישט בכלל אין דער מחלוקת און ער איז געווען פון דער דריטער גרופע און וועגן דעם וויל ער זיך נישט אריין מישן אין דער מחלוקת אזוי ווי מיין זיידע איז געשטאנען אין דער זייט און זיך נישט אריינגעמישט.

דער ייטב לב איז געווען באקאנט אלס גאון בנגלה ובנסתר, ער האט געהאט א שטארקן כח מגידות, שלש עשרה מדות פאר שמע קולנו פלעגט ער האלטן דרשות קרוב צו דריי שעה. דער ייטב לב איז געווען דער ערשטער חסידישער רבי וואס האט געפירט א ישיבה.

הסתלקות[רעדאַקטירן | רעדאקטירן קוואַלטעקסט]

רבי יקותיאל יהודה איז נפטר געווארן ו' אלול ה'תרמ"ג.

פאמיליע[רעדאַקטירן | רעדאקטירן קוואַלטעקסט]

רבי יקותיאל יהודה האט געהייראט מרת רחל א טאכטער פון הרב משה דוד אשכנזי רב אין טאלטשאווא. זייערע קינדער:

רעפערענצן[רעדאַקטירן | רעדאקטירן קוואַלטעקסט]

  • אנציקלופדיה לחכמי גליציה, מאיר וונדר