שלום אליעזר האלבערשטאם

פֿון װיקיפּעדיע
קפיצה לניווט קפיצה לחיפוש

רבי שלום אליעזר האלבערשטאם הי"ד (ה'תרכ"בט"ז סיון ה'תש"ד), דער ראצפערטער רב, דער זעקסטער זון פון דברי חיים.

אפשטאם[רעדאַקטירן | רעדאקטירן קוואַלטעקסט]

רבי שלום אליעזר איז געבוירן חול המועד פסח אין יאר ה'תרכ"ב (אומגעפער), צו זיין פאטער הרב חיים האלבערשטאם, דער דברי חיים. און צו זיין מוטער מרת רעכיל דבורה, א טאכטער פון הרב יחיאל צבי הירש אונגאר פון טארנא, א זון פון הרב מרדכי דוד אונגאר דער דאמבראווער רב. דער פאטער האט אים א נאמען געגעבן נאך צוויי גיטע פריינד, דער שר שלום פון בעלזא און רבי אליעזר'ל דזשיקאווער.

רבנות[רעדאַקטירן | רעדאקטירן קוואַלטעקסט]

רבי שלום אליעזר האט געגעסן קעסט ביי זיין שווער צען יאר. ווען די רוסישע רעגירונג האט פארלאנגט ער זאל צוריק פארן קיין גאליציע, האט ער זיך באזעצט אין שינאווא לעבן זיין ברודער. שפעטער האט ער געוואוינט א צייט אין טארנע. אין יאר ה'תר"ס איז רבי שלום אליעזר אריבער קיין אונגארן, ערשטנס האט ער פארברענגט אין טעגלאש א האלב יאר, שפעטער האט ער זיך באזעצט אין ראצפערטווי ער איז געווען די זקן צדיקי הדור וואס יעדער האט זיך געפארכטן מיט וואס ער האט געזאגט אין ער איז אויך געווען א גרויסע בעל מופת

הסתלקות[רעדאַקטירן | רעדאקטירן קוואַלטעקסט]

רבי שלום אליעזר איז אומגעקומען אין אושוויץ אויף קידוש השם ט"ז סיון ה'תש"ד, הי"ד.

פאמיליע[רעדאַקטירן | רעדאקטירן קוואַלטעקסט]

רבי שלום אליעזר האט געהייראט אין עלטער פון פערצן יאר, אין חודש אלול ה'תרל"ו, מרת מרים שרה א טאכטער פון זיין שוואגער הרב מרדכי דוב טווערסקי, דער הארנאסטייפלער רב. זייערע קינדער:

  • מרת חנה, זי האט געהייראט בזיווג ראשון, אן אייניקל פון טוריסקער מגיד. בזיווג שני די ווייב פון הרב מנחם מענדל ראזנפעלד, ביסטריצער רבי, א זון פון הרב שלום ראזענפעלד (דער צווייטער), רב אין קאמינקא.
  • מרת אדל, בזיווג ראשון די ווייב פון הרב חיים מאשקאוויטש, א זון פון הרב בצלאל יהושע מאשקאוויטש, פון גלינא. בזיווג שני די ווייב פון הרב ישראל צבי ראטנבערג, קאסאנער רבי, דער אור מלא.

זעט אויך[רעדאַקטירן | רעדאקטירן קוואַלטעקסט]

ראצפערט (הויף)

רעפערענצן[רעדאַקטירן | רעדאקטירן קוואַלטעקסט]

  • רבינו הקדוש מראצפערט- זיינע לעבען דערציילונגען אין לשון קודש, פון הרב צבי בריננער, דורך מכון "זכרון משה" בני ברק תשס"ז.
  • י"ג אורות - סיפורים דערציילט דורך רבי יענקלי לייזער דער פשעווארסקער רבי - ארויס געגעבן דורך זיין אייניקל הרב יוסף נפתלי וואגשאהל, ה'תשנ"ד
  • אנציקלופדיה לחכמי גליציה, מאיר וונדר