אברהם יעקב פרידמאן (עקבי אבירים)

פֿון װיקיפּעדיע
אברהם יעקב פרידמאן
געבורט 21 אויגוסט 1928
וויען רעדאקטירן דעם פֿאקט ביי וויקידאטן
טויט 1 יאנואר 2013 (אלט 84)
בני ברק, ישראל רעדאקטירן דעם פֿאקט ביי וויקידאטן
קבורה ארט נחלת יצחק רעדאקטירן דעם פֿאקט ביי וויקידאטן
מדינה ישראל רעדאקטירן דעם פֿאקט ביי וויקידאטן
צאצאים ישראל משה פרידמאן רעדאקטירן דעם פֿאקט ביי וויקידאטן
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער
דער סאדיגורער רבי פירט טיש צו דער רוזשינער יארצייט אין דעם סאדיגורער בית המדרש, בני ברק, ג' חשוון תשע"א

רבי אברהם יעקב פרידמאן (ה' אלול ה'תרפ"ח - י"ט טבת ה'תשע"ג) איז געווען דער סאדיגורער רבי פון תשל"ט. ער האט געפירט זיין בית מדרש אין תל אביב און דערנאך אין בני ברק.

אפשטאם[רעדאַקטירן | רעדאַקטירן קוואַלטעקסט]

רבי אברהם יעקב איז געבוירן געווארן ה' אלול תרפ"ח, צו זיין פאטער פון רבי מרדכי שלום יוסף, סאדיגורער רבי אין פשעמישל, דער "כנסת מרדכי", זון פון רבי אהרן, און זיין מוטער, מרת מירל, א טאכטער פון רבי ישראל שלום יוסף העשל פון מעזשביזש.

ביאגראפיע[רעדאַקטירן | רעדאַקטירן קוואַלטעקסט]

אין תרצ"ט איז ער צוזאמען מיט זיין פאטער ארויף אין ארץ ישראל. שפעטער האט ער אימיגרירט אין אמעריקע מיט זיין פאטער, און זיי האבן געוואוינט אין קרוין הייטס, ברוקלין. ווען זיין פאטער איז צוריק אין ארץ ישראל איז ער געבליבן אין ניו יארק, ביז די תש"ך יארן.

ווען זיין פאטער האט נאך געלעבט האט ער אויפגעשטעלט די רוזשינער ישיבה אין בני ברק, וואו ער איז געווען ראש ישיבה.

נאך זיין פאטער פטירה אין תשל"ט האט ער אנגעהויבן פירן די סאדיגורער רביסטעווע אין זיין פאטערס בית מדרש אין פנקס גאס, תל אביב, בערך דרייסיק יאר. די לעצטע יארן האט ער געוואוינט ער אין בני ברק, וואו ער האט אויפגעשטעלט א נייעם בית מדרש.

רבי אברהם יעקב איז געווען א מיטגליד אין דעם מועצת גדולי התורה פון אגודת ישראל.

זיינע דברי תורה זענען געדרוקט אין דעם ספר "עקבי אבירים".

ער איז נפטר געווארן י"ט בטבת תשע"ג (יאנואר 2013) נאך ווען ער האט געכאפט א לונגען אנטצינדונג. מען האט אים באערדיגט אין דעם 'נחלת יצחק' בית עולם אין גבעתיים.

משפחה[רעדאַקטירן | רעדאַקטירן קוואַלטעקסט]

רבי אברהם יעקב האט חתונה געהאט מיט מרת ציפורה (נפטר געווארן י"א תמוז תשס"ו) , טאכטער פון ר' יוסף אריה פעלדמאן,‏[1] אן ארץ־ישראלדיקער עושר. זייערע קינדער זענען:

  • הרב ישראל משה פרידמאן, ממלא מקום אלס רבי, אן איידעם ביי ר' חיים משה פעלדמאן פון לאנדאן, ענגלאנד. ביז זיין פאטערס פטירה איז ער געווען דער רב פונעם סאדיגורער קלויז "אור ישראל" אין גאלדערס גרין, לאנדאן, און רב פון דעם סאדיגורער חסידות.
  • מרת חיה יוטא, די ווייב פון ר' שמואל זיינוויל שארף, א באבאווער חסיד אין ניו יארק.
  • מרת אלישבע, די ווייב פון הרב פנחס שפירא (דער זון פונעם אגודת ישראל כנסת דעפוטאט אברהם יוסף שפירא), רב פונעם סאדיגורער בית מדרש "כנסת מרדכי" אין תל אביב.

רעפערענצן[רעדאַקטירן | רעדאַקטירן קוואַלטעקסט]

  1. יצחק אלפסי, החסידות מדור לדור,עמ' 69, ירושלים תשנ"ה, שרייבט ר' יוסף פעלדמאן