ישראל שלום יוסף העשל

רבי ישראל שלום יוסף העשל זצ"ל (חשוון ה'תרי"ג - כ"ט מנחם אב ה'תרע"א), רבי אין מעזשביזש.

אפשטאם

רבי ישראל שלום יוסף איז געבוירן חשוון ה'תרי"ג, צו זיין פאטער הרב אברהם יהושע העשל פון מעזשביזש, א זון פון הרב משולם זוסיא העשל פון זשינקאוו, א זון פון הרב יצחק מאיר העשל, פון זשינקאוו, א זון פון הרב אברהם יהושע העשיל, רב אין אפטא, "דער אוהב ישראל". און צו זיין מוטער מרת לאה רחל א טאכטער פון הרב שלום יוסף פרידמאן פון סאדיגורא.

רבנות

נאך זיין פאטער'ס פטירה אין יאר ה'תרמ"א איז רבי ישראל שלום יוסף געווארן דער ממלא מקום פון פאטער, און איז געווען רבי אין מעזשביזש דרייסיג יאר.

הסתלקות

רבי ישראל שלום יוסף איז נפטר געווארן כ"ט מנחם אב ה'תרע"א, אין דוויעזשניקא לעבן וויזשניץ, און ער ליגט אין אוהל פון צמח צדיק.

פאמיליע

בזיווג ראשון האט רבי ישראל שלום יוסף געהייראט אלול ה'תרכ"ו מרת שרה רבקה ( - כ"ה סיון ה'תרמ"ז), א טאכטער פון זיין פעטער הרב אברהם יעקב פרידמאן פון סאדיגורא. זי האט נישט איבערגעלאזט קיין קינדער.

בזיווג שני האט ער געהייראט מרת בת שבע טרינא הי"ד א טאכטער פון הרב יעקב שמשון חאדאראוו, רב אין באהופולי. זייערע קינדער:

• הרב אברהם יהושע העשל הי"ד (ה'תרנ"ב - ד' ניסן ה'תש"ג), פון מעזשביזש - טארניפאל. ער האט געהייראט מרת מרים א טאכטער פון זיין פעטער הרב יצחק מאיר העשל פון קאפיטשניץ.

• הרב יצחק מאיר העשל, פון מעזשביזש - חיפה.

• הרב משה העשל הי"ד ( - ד' ניסן ה'תש"ג).

• מרת חוה שרה, די ווייב פון הרב מרדכי שלמה פרידמאן (י"ג תשרי ה'תרנ"א - ה' אדר ה'תשל"א), באיאנער רבי פון ניו יארק.

• מרת מירל (ה'תרנ"ח - ד' אדר ה'תשמ"ב), די ווייב פון הרב מרדכי שלום יוסף פרידמאן (י"ז כסלו ה'תרנ"ז - כ"ט ניסן ה'תשל"ט), פון סאדיגורא-תל אביב.

• מרת לאה רחל הי"ד, די ווייב פון הרב שמואל פיינער פון קראקא.

• מרת חיה מרים סימא.

זעט אויך

• מעזשביזש (הויף)
• רוזשין (הויף)

רעפערענצן

• אנציקלופדיה לחכמי גליציה, מאיר וונדר