ישראל משה פרידמאן

פֿון װיקיפּעדיע
קפיצה לניווט קפיצה לחיפוש
רבי ישראל משה פרידמן מסאדיגורה.jpg

רבי ישראל משה פרידמאן (געב' ד' אב תשט"ו, 23סטן יולי 1955) איז דער היינטיקער סאדיגורער רבי. ער פירט זיין הויף אין בני ברק.

ביאגראפיע[רעדאַקטירן | רעדאקטירן קוואַלטעקסט]

רבי ישראל משה איז געבוירן געווארן אין ניו יארק, פאראייניקטע שטאטן פון אמעריקע, צו זיי פאטער רבי אברהם יעקב פרידמאן און זיין מוטער ציפורה פייגא (פעלדמאן). מען האט אים געגעבן דעם נאמען ישראל נאכן מייסד פונעם רוזשינער חסידות, רבי ישראל פון רוזשין און משה נאך דעם באיאנער רבי'ן רבי משה פרידמאן.

ווען איז געווען א בחור איז די משפחה געצויגן קיין ארץ ישראל. ער האט געלערנט אין דער רוזשינער ישיבה אין בני ברק און אין דער פאנאוועזשער ישיבה.

ער האט געהייראט א טאכטער פון זיין משפחה חיים משה פעלדמאן, פון די חשובע וויזשניצער חסידים און פון די פירער פון דער חרדישער קהילה אין לאנדאן. נאך דער חתונה איז ער אריבער וואוינען אין לאנדאן. זיי האבן זעקס קינדער. אין תשל"ט האט זיין פארטער איבערגענומען די רביסטעווע אין סאדיגורא.

אין תש"ן (בערך) האט ער אויפגעשטעלט דעם בית מדרש "אור ישראל" אין דעם גאלדערס גרין געגנט פון לאנדאן. אויך האט מען אים באשטימט רב פון די סאדיגורער חסידים ארום דער וועלט. ער האט ממשיך געווען אין די אמטן ביז דער פטירה פון זיין פאטער.

י"ט טבת תשע"ג איז זיין פאטער נפטר געווארן, און זיינעדיק דער איינציגער זון, האט מען אים באשטימט סאדיגורער רבי. צוליב דעם האט ער זיך אריבערגעצויגן קיין בני ברק.

משפחה[רעדאַקטירן | רעדאקטירן קוואַלטעקסט]

זיינע קינדער זענען:

  • די ווייב פון הרב יהושע מאיר פרישוואסער, ר"מ אין לאנדאן, זון פון הרב שלמה ישראל פרישוואסער, רב פונעם סאסאווער בית המדרש און א ראש ישיבה פון חיי עולם ישיבה אין גאלדערס גרין, לאנדאן.
  • הרב מרדכי שלום יוסף, איידעם ביי רבי נפתלי יהודה הורוויץ, באסטאנער רבי.
  • די ווייב פון הרב צבי הירש אייכנשטיין, א ראש כולל אין ירושלים, זון פון רבי משה מרדכי אייכנשטיין, טריסקער רבי.
  • די ווייב פון הרב מנחם מנדל מרגליות, ראש ישיבה פון שערי בינה אין לייקוואוד, זון פון הרב ליפא מרגליות, ראש ישיבה פון תורה תמימה.
  • הרב אפרים פישל, איידעם ביים ראפשיצער רבי פון אמעריקע
  • הרב אהרן דב בער, רב פון די סאדיגורער חסידים אין לאנדאן
  • הרב אליהו אליקים געציל, איידעם ביי הרב שלמה האלבערשטאם, רב פון דער פאשקוויצער קהילה אין לייקוואוד.
  • הרב יצחק יהושע העשיל, האט געהייראט מרת מלכה, טאכטער פון הרב אשר חיים שטערנבוך פון אנטווערפן
  • בריינדל, ווייב פון הרב יוחנן מאיר שפירא, זון פון רבי קלמן מנחם שפירא, פיאסעצענער רבי