אביגדור ליבערמאן

אביגדור ליבערמאן
אביגדור ליברמן

געבורט	5 יולי 1958 (אלט 61) י"ז תמוז ה'תשי"ח קעשענעוו, סאוועטן פארבאנד
פארטיי	ישראל ביתנו
18טער פארטיידיגונגס-מיניסטער 30 מאי 2016 – 17 נאוועמבער 2018 (2 יאר און 24 וואכן) אונטער פרעמיער מיניסטער בנימין נתניהו → משה יעלון בנימין נתניהו ←

אֲבִיגְדוֹר "איוועט" ליבערמאַן (געבוירן י"ז תמוז ה'תשי"ח, 5טן יולי 1958 אין קעשענעוו) איז א כנסת-דעפּוטאט און א געוועזענער פארטיידיקונגס מיניסטער פון ישראל. ער איז געווען א מיניסטער און א וויצע פּרעמיער-מיניסטער אין דער קאָאליציע-רעגירונג פונעם פרעמיער מיניסטער אהוד אלמערט. ער איז געווען דער הויפט פון דער קאנצעלאריע אין דער פריערדיקער רעגירונג פון בנימין נתניהו.

ער פירט אן און האט געגרינדעט די דריטע לויט דער גרייס פארטיי אין דער איצטיקער ישראלדיקער כנסת ישראל ביתינו (היינט א טייל פון דער ליכוד-ישראל ביתנו גרופע).

ער ווערט פארעכענט פאר א רעכטן פאליטיקער, זייער שארף עקסטרעם קעגן די פאליסטינער אין דעם מיטל מזרח קאנפליקט.‏‏

יונגע יארן

ליבערמאן איז געבוירן געווארן צו זיינע עלטערן לעוו און אסתר פורה פון קעשענעוו. ער איז ארויף קיין ישראל פונעם סאוועטן פארבאנד פון מאלדאווע.

אין זיינע יונגע יארן איז ער געווען א מיטגליד אין דער גרופע כ"ך.‏‏‏‏‏‏

פאליטיק

סוף חודש מיי 2016 האט ליבערמאן געפירט א קאאליצישע פארהאנדלונג מיטן ליכוד און האט דערגרייכט אן איינשטימונג וועגן איינשליסן זיין כנסת פראקציע אין דער קאאליציע, וואו ער איז געווארן פארטיידיגונגס מיניסטער. אלס רעאקציע האט ארלי לוי-אבעקאסיס פארלאזט "ישראל ביתנו", און צוויי מיניסטארן האבן פארלאזט די רעגירונג, משה יעלון און אבי גבאי.

משפחה

ליבערמאן מיט זיין ווייב, א לייַטיש פרוי אלה ציפקין האט ער דריי קינדער, יעקב, עמוס און מיכל.

וועבלינקן

• אפיצעלע וועבזייטל פון ישראל ביתינו

רעפערענצן

 פארטיידיגונג מיניסטארן אין ישראל