יאשע בער הלוי סאלאווייטשיק

פֿון װיקיפּעדיע
שפּרינג צו: נאַוויגאַציע, זוכן
דער ארטיקל דיסקוטירט דעם "בית הלוי". אויב איר זוכט אן אנדער באדייטונג, זעט יוסף דוב הלוי סאלאווייטשיק (באדייטן).
הרב יוסף דוב הלוי סאלאווייטשיק

הרב יוסף דוב הלוי סאלאווייטשיק (נעשכיז, ה'תק"ף- ד' אייר ה'תרנ"ב, בריסק)[1] באקאנט ווי רבי יאשע בער, איז געווען דער בריסקער רב.

ביאגראפיע[באַאַרבעטן | רעדאקטירן מקור]

רבי יאשע בער איז געבוירן אין יאר ה'תק"ף אין נעשכיז (היינט אין מינסקער וואבלאסט, בעלארוס) צו זיין פאטער רבי יצחק זאב א זון פון רבי יוסף, קאוונער רב, וואס איז געווען א איידעם ביי רבי חיים וואלאזשינער.

ער איז געווען דער צווייטער ראש ישיבה אין וואלאזשין אונטער ר' נפתלי צבי יהודה בערלין דער נצי"ב. צוליב א מחלוקה האט ער פארלאזט די ישיבה און געווארן רב אין סלוצק. אין תרל"ט, אנדערט האלב יאר נאך ווען רבי יהושע לייב דיסקין האט פארלאזט בריסק און געפארן קיין ארץ ישראל, איז ר' יאשע בער אויפגענומען געווארן אויף זיין פלאץ אלס רב פון דער שטאט בריסק.

זיין זון איז געווען הרב חיים סאלאווייטשיק וועלכער האט איבערגענומען זיין פלאץ אין בריסק. ער האט אויך איבערגעלאזט א זון הרב משה סאלאווייטשיק.

תורה[באַאַרבעטן | רעדאקטירן מקור]

ר' יאשע בער איז געווען באוואוסט אלץ א חריף. ער האט פארפאסט דאס ספר "בית הלוי" על התורה, שו"ת "בית הלוי", און "יד הלוי".

פטירה[באַאַרבעטן | רעדאקטירן מקור]

ר' יאשע בער איז נפטר געווארן ד' אייר תקנ"ב אין בריסק.[2][3][4]

רעפערענצן[באַאַרבעטן | רעדאקטירן מקור]

  1. רוסישע יידישע ענציקלאפעדיע
  2. דער בית הלוי
  3. אש.קאם
  4. קארלינסקי, הראשון לשושלת בריסק (תשמ"ד) עמ' 421 "נפטר געווארן ד' אייר תרנ"ב פירע פארטאגס"