חיים וואלאזשינער

חיים וואלאזשינער

געבורט	24 מאי 1749 וואלאזשין, פויליש-ליטווישע קאמאנוועלט
טויט	14 יוני 1821 (אלט 72) וואלאזשין, רוסלענדישע אימפעריע
מדינה	רוסלענדישע אימפעריע, פויליש-ליטווישע קאמאנוועלט
פאך	פילאסאף, טעאלאג, רב

רבי חיים וואלאזשינער (ז' סיון ה'תק"ט - י"ד סיון ה'תקפ"ט) איז געווען דער הויפט תלמיד פון דעם ווילנער גאון, און האט אויפגעשטעלט די "מוטער ישיבה" אין וואלאזשין (היינט בעלארוס).

ביאגראפיע

רבי חיים איז געבוירן געווארן ז' סיון תק"ט צו זיין פאטער ר' יצחק בן חיים, פרנס אין דער וואלאזשינער קהילה, און צו זיין מוטער רבקה, א טאכטער פון רבי יוסף ראפאפארט. ער האט געלערנט תורה ביי רבי רפאל הכהן האמבורגער (מחבר פון "תורת יקותיאל"), דער מינסקער רב, און ביי רבי אריה לייב, דער "שאגת אריה", בשעת ער איז געווען רב אין וואלאזשין.

ווען ער איז געווען אלט ניינצן יאר איז ער געווארן מקורב צום ווילנער גאון ביז ער איז געווארן זיין תלמיד מובהק.

אין תקל"ד האט מען אים אויפגענומען ווי שטאטס-רב אין וואלאזשין. נאך פופצן יאר, אין תקמ"ט, איז ער אריבער צו ווערן רב אין ווילקאמיר, אבער ער איז געבליבן דארט נאר איין יאר.

רבי משולם דוד סאלאווייטשיק דערציילט אין נאמען פון זיין פאטער דעם בריסקער רב:‏

אינעם שטעטל וואלאזשין ווען עס פלעג שנייען, האט עס געשנייט א לאנגע צייט ביז אלע וועגן זענען געווען פארדעקט. די ישיבה בחורים האבן באמערקט אז יעדע מאל וואס עס איז געפאלן א שווערער שניי, און אלע וועגן פונעם שטעטעלע זענען געווען פארמאכט צוליבן הויכן שניי, איז אבער דער וועג וואס האט געפירט צו דער ישיבה געווען ריין און לייכט צו גיין.

ווען מען האט נאכגעפארשט וועגן דעם, און אויפגעשטאנען פרי צו דערגיין וואס קומט פאר דא, האט מען געזען ווי רבי חיים וואלאזשינער איז אויפגעשטאנען פארטאגס און האט אליין געארבעט אוועקצוקערן דעם שניי וואס האט זיך פארזאמלט.

זיינע ספרים

• נפש החיים

רעפערענצן

 וואלאזשינער ישיבה

לאקאציע וואלאזשין, בעלארוס ראשי ישיבות נפתלי צבי יהודה בערלין חיים וואלאזשינער יצחק וואלאזשינער אליעזר פריד רפאל שפירא יאשע בער הלוי סאלאווייטשיק חיים סאלאווייטשיק תלמידים שמואל אלעקסאנדראוו חיים נחמן ביאליק זעליג ראובן בענגיס מאיר בר-אילן מיכה יוסף בערדיטשעווסקי נפתלי צבי יהודה בערלין חיים עוזר גראדזענסקי ישראל דוידזאן אלטער אשר דראיאנאוו אברהם הארקאווי שמואל יצחק הילמאן אלחנן וואסערמאן קלמן זאב וויסאצקי יעקב יוסף יאזעף דוד כהן חיים מרדכי כ"ץ משה לאנדינסקי ברוך בער לייבאוויץ אריה לעווין איסר זלמן מעלצער שמואל מאהילעווער חיים סאלאווייטשיק זונדל סאלאנט זלמן סאראצקין ברוך עפשטיין משה מרדכי עפשטיין שלמה פאלאטשעק אברהם יצחק הכהן קוק משה קולבאק יצחק אייזיק הלוי ראבינאוויטש יצחק יעקב ריינעס מנחם ריסיקאוו רפאל שפירא שמעון שקאפ