בנציון דייטש

רבי בנציון דייטש (ה׳תרפ״ה – כ"ח אב ה'תש"ף) איז געווען דער בוקארעשטער רבי. ער האט געוואוינט אין בארא פארק, אויף דער 9טער עוועניו און 51סטער סטריט אין בארא פארק, ניו יארק. ווען ער איז נאך געווען א אכצן יעריגער בחור און האט געלערנט דעמאלטס אין דער אראדער ישיבה אין אראד ביים ארעדער רב, האט מען אים אויפגענומען אלס שטאט׳ס רב אין שטאט ראדעוויץ, רומעניע.

אפשטאם

רבי בנציון דייטש איז געבוירן צו זיין פאטער רבי שמואל דייטש, דער פריערדיגער בוקארעשטער רבי, א זון פון הרב משה דייטש הי"ד, וואס איז געווען ממלא מקום פון זיין טאטן הרב דוד נתן דייטש, דער צווייטער קרעטשענעווער רבי אין שטעטל קרעטשענעוו, לעבן סיגוט, און דער בעל מחבר ספר נפש דוד על התורה. הרב דוד נתן דייטש איז געווען א זון פון הרב יוסף יואל דייטש, מו"ץ אין טארנאפאל אינאיינעם מיטן מנחת חינוך און דערנאך רב אין מאניסטרישץ און דערנאך אין חאדאראוו און דערנאך קרעטשענעוו. הרב יוסף יואל דייטש איז געווען אן איידעם דורך זיווג שני ביים טאלטשעווער רב, הרב משה דוד אשכנזי, און איז געווען א שוואגער מיטן ייטב לב.

ביאגראפיע

הרב בנציון איז געווען א תלמיד מובהק פון דעם טשעקער רב און דעם אראדער רב, הרב בנציון דייטש. ער איז געווען רב אין ראדעוויץ, ראמעניע, נאך אלס בחור, בשליחות פון זיין רבין דער ארעדער רב און זיין טאטע, און דער נאך אין בארא פארק.

ער איז נפטר געווארן כ"ח אב, תש"ף, אין עלטער פון 85 יאר, און איז געקומען לקבורה אויף הר המנוחות.

דרויסנדע וועבלינקען

• א באריכט איבער זיין פטירה אויף בארא פארק 24
• א שמועס אויף אידישער וועלט
• באריכט אויף בחדרי חרדים