װיקיפּעדיע:זאקן פאפעט

דער בלאט איז אן אפיציעלער פאליסי בלאט פאר דער יידיש־וויקיפעדיע. ער איז ברייט אנגענומען דורך שרייבער און ס'איז ראטזאם נאכצופאלגן די אנווייזונגען דערינען. אויב ווילט איר ענדערן פאליסיס אין דעם בלאט, מאכט זיכער אז עס איז דא אויף אייערע טוישונגען א קאנצענזוס. אויב האט איר א ספק דאן רעדט עס דורך אויפן רעדן בלאט. און אויב ווילט איר אפשרייבן נייע שכל'דיגע פאליסיס מוז דאס זיין פאסעדיג צו דער הויפט ענגליש־וויקיפעדיע (און\אדער דער העברעיש־וויקיפעדיע) פאליסיס.

פאליסיס פרינציפן פינף זיילן וואס וויקיפעדיע איז נישט ארטיקל סטאנדארטן נייטראל צייגט מקורות ביאגראפיעס פון לעבעדיגע מענטשן נאמען פון ארטיקל צוזאמענארבעט מיט אנדערע זיך אויפפירן העפליך קאנסענסוס קיין פערזענלעכע אטאקעס לייזן מחלוקת'ן

א זאקן־פופע (אזוי ווי א מאריאנעט אויף דער אייגענער האנט פון אונטער א פיראנג, וואס מאכט אויסקוקן ווי צוויי מענטשן רעדן) איז א באנוצער וואס שרייבט אין וויקיפעדיע מיט מערערע באנוצער נעמען. דאס איז נישט ערלויבט. אבער עס איז יא דערלויבט אויב טוט מען דאס נישט צו שאפן פאלטשע קאנסענסוס אויף איין טעמע.

אויך איז פארבאטן פאר עטליכע נייע באנוצער זיך איינשרייבן אויף איין מאל, דורך דעם וואס זיי ווערן גערופן דורך זייער פריינט זיך אנצונעמען פאר אים, זיי הייסן פלייש-פאפעטס.

ווען מען טאר זיך נישט באנוצען מיט מערערע באנוצער נעמען

אויף איין טעמע איז נישט ערלויבט ווייל דעמאלטס איז ער א דיקטאטור וואס שאפט קאנסענסוס פאלשערהייט אויף אן ענין. און צווינגט ארויף זיין דעה אויף אנדערע מיטן אויסנערן אז עס איז דא אסאך באנוצער וועלכע האלטן אזוי.

אבער אפילו עס איז אין באזונדערע ארטיקלן, נאר אויפן זעלבן ענין איז אויך נישט ערלויבט. לדוגמא קנאות, סאטמאר אדער סתם חרדים וואס זענען אלע איין קאטעגאריע וואס אויב מען ליינט זיך אפ די אלע ארטיקלן באקומט מען איין פערספעקטיוו וואס איז אויסגעפארעמט אויבן אויף דורך פארשידענע באנוצער אבער אין אמת'ן איז דאס איינער אליינס.

נייעס מיטן נעמען כסדר א מיינוג פאזיטיוו פאר איינעם און נעגאטיוו פאר א צווייטן איז פארבאטן ווייל עס איז דאך איין טעמע.

אויך זיך אויסצוגעבן אויף איין באנוצער איז נישט ערלויבט, אפילו נישט אויף די זעלבע טעמע, נאר ער שרייט אן די זעלבע באנוצער מיט אפאר פון זיינע באנוצער נעמען, אחוץ די סיבה פארוואס ער רעדט צו יענעם באנוצער איז ווייל ער האט עפעס פערזענליך געטאן לגבי אים אליינס מוז ער דאך רעדן. ווייל דאס מאכט אן אויסקוק ווי דער באטראפענער ווערט גערודפט דורך מערערע באנוצער, און עס פארשעמט שטארק דעם באטראפענעם אומיושרדיג.

אויף וואלן

סיבה: ווייל עס איז נישט קיין יושר צו פעלטשן וואלן.

2 מאל זיין א סיסאפ

סיבה: ווייל סיסאפס האבן א גרעסערן כוח, אויב האט איר אויפגעהערט צו נוצן איין נאמען, דארפט איר נאכאלטס אויפגעבן סיסאפ רעכטן.

באהאלטן אייער עדיט טרעק רעקארד

סיבה: ווייל דעמאלטס צעמישט איר די סיסאפס וואס קען נישט געהעריג נאטשעקן אלע אייערע עדיטס. פארשטייט זיך אז דער כוונה מוז ווערן אויפגעדעקט אז דאס איז עס טאקע די קעיס. אז מען טוט דאס בדווקא צו באהאלטן זיך די עדיטס פון די סיסאפס מען זאל נישט כאפן וואס איר שרייבט.

אויסקראסן פאליסי

סיבה: ווייל דעמאלטס ווילט איר דאך דא אנזייען א חורבן אין וויקיפעדיע, און אויף איין נאמען קען מען זיך אן עצה געבן, אבער אויב מאכט איר פארשידענע נעמען דאס צו טאן קען מען דאך נישט זיך קיין עצה געבן געהעריג. דער איסור עובר צו זיין אויף פאליסי איז חל אויפן מענטש נישט אויף זיין נאמען, דעריבער קען ער ווערן געבלאקט אפילו אויף זיין גוטער און מערסטער באנוצטער נאמען.

גוטע האנט און שלעכטע האנט

סיבה: ווייל די שלעכטער נאמען איז דירעקט א ניק נאמען צו ברעכן פאליסי. די סארט זאקענפאפעט מאכט זיך מער אפט ביי סיסאפס וואס ווילן זיך לעבן בשלום מיטן עולם און מאכן א צווייטער נאמען מיט וואס צו פירן מלחמות דאס איז נישט ערלויבט.

ווען מען מעג זיך יא באנוצן מיט מערערע באנוצער נעמען

פארשידענע נעמען איז יא לעגעטים ווען עס קומט פאר די פאלגענדע סיבות:

צו באהאלטן אידענטיטעט פון שרייבער

1. מאכט זיך אמאל א באנוצער וואס האט אפאר היטן, איין טאג איז ער אין די גיסטע צו שרייבן איבער אידישקייט ענינים, דער אנדער טאג איז ער א גוי, וואס האט פראבלעמען מיט גאט און ער וויל נישט עוסק זיין בדברי תורה, שרייבט ער אפ עפעס וועלטליך. מעג ער האבן אפאר באנוצער נעמען כדי צו שיצן זיין אנאנימעסקייט.
2. פארשידענע קאמפיוטער האט מען געסעיווט אנדערע פעסווארדס. מעג מען טוישן ניק נעמען.
3. דער סיבה מוז מען פארשטיין נאר נאכדעם וואס מען באגרייפט ווער עס שרייבט אויפן אינטערנעט יידיש, רוב מאל איז דאס א קליינער גרופע מענטשן וואס קענען זיך איינער דעם אנדערן און ווערן פארדעכטיגט דורך זייער סטייל שרייבן. מוזן מיר זיי היטן פון נישט צו פארלירן זייער ארבייט ביים בעל הבית ווייל ער וועט געוואר ווערן אז ער זיצט און פארברענגט א גאנצן טאג אויפן אינטערנעט.
4. ביי חסידים איז דאס א ספעציעלע עבירה צו שרייבן אויפן אינטערנעט נאכן איסור פון אלע אידיש רענדעדע רבנים אז מ'מעג דאס בלויז נוצן פאר ביזנעס און נישט פאר סיי וואסערע אנדערע צילן. איז די סדר אז זיי היטן זיך מער ווי סתם פרייע באנוצער צוליב מורא און סאציאלאגישע דרוק.

ראלע שפיל

1. בכלל איז דא פראפעשנל שרייבער וואס זיי האבן ליעב פאר יעדן טעמע אן אנדער נאמען, כדי זיך צו אידענטיפיצירן אינגאנצן און אויסשלוסליך בלויז מיט דעם טעמע, און אזוי ארום בעסער צו באשרייבן יענע טעמע.
2. מען וויל ווייזן אז וויקיפעדיע האט אסאך שרייבער. און דאס איז נאר ערלויבט אויפ פארשידינע טעמעס. כדי צו מאכן אויסזען כאילו וויקעפעדיע לעבט און בליהט, און די נייעס קעסטל איז די זאך וואס ציט אהער פיל באנוצער, און זיי מוזן זעהן אז עס איז פאראן דא אסאך ניקס.
3. עס איז דא געוויסע טעמעס וואס זענען נישט בעטעמט פארן באנוצער זיך צו באנוצען מיט זיין געווענליכער נאמען מעג ער טוישן.

גילוי - אויפדעקן באנוצער וועלכע האבן אומערלויבטע מערערע באנוצער נעמען

אויב זעט איר א באנוצער האט אסאך באנוצער נעמען און ער נוצט דאס אויף א פאל עס איז נישט ערלויבט, שרייבט דאס אריין דא אונטן כדי אים אויפצודעקן, אז עס זאל נישט הערשן א פארנעפלטע אטמאספערע כאילו מערערע באנוצער האלטן ווי אים, ביז א 2 3 סיסאפס וועלן אים בלאקירן די איבעריגע נעמען.

איר דארפט ארויסשרייבן פונקטליך אויף וואס אייערע סברות זענען געבויט אז ער איז א סאקפאפעט.

עס איז נישט ערלויבט צו באשולדיגן א באנוצער נישט דא און נישט אין אנדערע בלעטער אז ער האט פארשידענע באנוצער נעמען, אויב איז עס נישט געבויט אויף קיין שום פארשטענדליכע גרונדען ווי פאלגענד:

• איינער שרייבט די זעלבע סטייל.
• די זעלבער צייט.
• די זעלבער טעמע.

איז גילוי א שטראף?

חס מלהזכיר, דאס קומט בלויז פארבעסערן וויקעפעדיע אז מען זאל וויסן אז דער באנוצער האט מערערע באנוצער נעמען. און אפילו אויב דער באנוצער נעמט זיך שטרענג פאר צו האלטן די פאליסיס, קען אויך זיין אז ער זאל פארגעסן און זיך אריינלאגירן בטעות מיט אנדערע באנוצער נעמען, און בטעות יא עובר זיין אויף די פאליסיס. דעריבער איז דער גילוי גאר א טובה פאר אים אז דאס זאל אים דערמאנען אז עס איז נישט אויסגעהאלטן.

נייע באנוצער דארפן וויסן אז טאמער מען האט אייך מגלה געווען ווערט נישט באליידיגט און פילט אייך נישט געטראפן אדרבה נעמעט איייך אויפצובויען וויקיפעדיע, און אייער רעקארד וועט רעדן פאר זיך.

כאראקטיריסטיקס פון א סאקפאפעט

1. זיי פירן עדיט קריגן.
2. זיי קענען זיך גראד אויס מיט אלע פאליסיס און גיידליינס ווי למשל זיי פילן אויס די קורץ ווארט ביים עדיט און אזוי ווייטער.
3. זיי בעטן גראד אויסמעקן ארטיקלן.
4. זיי ווילן גראד ווערן א סיסאפ.
5. זיי שרייבן מער ווייניגער פון איין אישו.
6. זיי ווערן פלוצלינק נעלם פון דא אויף לאנגע שטרעקעס.
7. זיי נוצען דאס צו מאכן נארישע קריגערייען, מיט 2 נעמען, אז מען זאל מיינען אז זיי זענען 2 באזונדערע באנוצער.