מרדכי פרידלענדער
.JPG)
הרב מרדכי פֿרידלענדער (כ"ג חשוון תש"ד - ח' טבת תשע"ז) איז געווען א רב און ראש ישיבה און ראש כולל פון דער קהילה פון שומרי החומות אין רמת שלמה.
ביאגראפיע
[רעדאַקטירן | רעדאַקטירן קוואַלטעקסט]געבוירן אין בודאפעסט, אונגארן, צו רבי שלמה און יוטל פרידלענדער אין מיטן דער צווייטער וועלט מלחמה. אין יענע טעג האָבן די נאַציס אינוואדירט אונגאַרן, און זײן פאָטער איז געשיקט געוואָרן אין אַן אַרבעטס־לאַגער בעת זײן מאַמע איז געשיקט געוואָרן קיין אוישוויץ. אלס קליין קינד איז ער אוועקגעשטעלט געווארן ביי זיין קוזין אין א אונגארישער פאמיליע אין בודאפעסט. איין טאג האט מען באמבארדירט די געביידע וואו זיי זענען געבליבן און דאס הויז איז אינגאנצן פארניכטעט געווארן. א נס זענען די צוויי קינדער געראטעוועט געווארן ווען זיי זענען געפאלן אונטער א טיש וואס האט זיי באשיצט.
צו אכט יאר האט ער עמיגרירט קיין אמעריקע מיט זיין מוטער און ברודער יודא און זיין שוועסטער מרים קאהן און זיך באזעצט אין וויליאמסבורג. אלס בחור איז ער געווארן א חסיד פון רבי יעקב יוסף פון סקווירא און נאך זיין פטירה אויך פון זיין זון דער יעצטיגער סקווירא רבי. ער האט געלערנט אין דערנייטרא ישיבה ביי הרב מיכאל דוב ווייסמאנדל און שפעטער אין ישיבת לעיקוואוד ביי הרב אהרן קאטלער.
אין תשס"ה האט ער חתונה געהאט מיט דער טאכטער פון רבי דוד לובל. ער האט דאן געדינט פערצן יאר אלס רב אין דער ישיבה "באר שמואל" אין בארא פארק. אין דער תקופה האט ער באקומען סמיכה פאר רבנות דורך רבי משה פיינשטיין.
אין ישראל
[רעדאַקטירן | רעדאַקטירן קוואַלטעקסט]אין תשמ"ב האט ער עולה געווען קיין ארץ ישראל און געוואוינט אין ירושלים. ווי ער האָט שפּעטער דערציילט, איז דער תכלית פון זיין עלייה געווען זיך צו ספעציאליזירן אין הלכות סת"ם ביי רבי יוסף שלום אלישיב און ביי רבי שמואל וואזנער. אין דעם פּעריאָד האָט מען אים געבעטן צו פירן דעם אינסטיטוט משמרת סת"ם פון הרב וואזנער. ער איז באזונדער בארימט געװארן מיט זײן עקספערטיז אין די הלכות.
אין ישראל האט ער געדינט אלס ראש ישיבת "אור חדש" א ישיבה פאר עולים פון די פאראייניגטע שטאטן אין טעלז שטיין, ווי אויך פון כולל בני אפרים. ער האט אויך געדינט אלס רב אין דער ישיבה נווה ציון אין טעלז שטיין.
אין תשס"ה איז ער באשטימט געווארן אלס רב פון קרית שומרי החומות אין רמת שלמה. פֿאַר דעם צוועק איז ער אויך באַשטימט געוואָרן אַלס מו"ץ אין נאָמען פון דער עדה החרדית.
ער איז נפטר געווארן מיטאמאל כ''ט בטבת תשע"ז און איז מקבר געווען אין דער חלקת החסידים אויפן הר הזיתים.
אפשטאמיגע: זײן זון רבי שלמה נחום, זײן ממלא מקום אין זײן ישיבה אין טעלז־שטײן; זיין איידעם, הגאון רבי אברהם דוד ליווי, רב און מו"צ אין שכונת מקור ברוך אין ירושלים און איינער פון די רבני חסידות באיאן, זיין ממלא מקום אים אין קהילת שומרי החומות אין רמת שלמה; זיין איידעם, רבי שלמה שטערנבערג, ראש כולל אין ירושלים.