יצחק ווייס

פֿון װיקיפּעדיע

יצחק ווייס (געבוירן ג' שבט תשל״ו) איז א סאטמארער עסקן און שריפטשטעלער און א רעדנער פון ירושלים מיט א שטארקע איינפלוס אויף אלעס וואס גייט פאר אין סאטמאר.

ביאגראפיע[רעדאַקטירן | רעדאַקטירן קוואַלטעקסט]

ער איז געבוירן ג' שבט תשל״ו צו רבי יוסף אלתר ווייס, א תלמיד פון רבי משה אריה פריינד און דער סאטמארער רבי׳ן, און זיין ווייב שרה.

ער פלעגט נאך אלס בחור שרייבן מאמרים פאר דעם זשורנאל "העדה", אזוי אויך איז ער געווען פון די לייב גארדיסטן פון רבי משה אריה פריינד.

ער איז א איידעם ביי ר' שלמה זלמן פישער פון וויליאמסבורג.

תשנ״ט ביי דער בר מצוה פון אהרן טייטלבוים (א זון פון רבי זלמן לייב) אין ירושלים, ווען ביידע סאטמארער ברידער זענען געווען אונטער איין דאך, האט ער זיכער געמאכט אז מ'גיט נישט עקסטערן כבוד פאר רבי אהרן טייטלבוים, אזוי אויך האט ער קאנפיסקירט די שבת זמירות וואס ר' אהרן'ס מענטשן האבן פרובירט צו טיילן דעמאלט מיט א סטיקער וואס דערמאנט ניטאמאל רבי זלמן לייב טייטלבוים, דאן אב״ד סאטמאר ירושלים.

יצחק ווייס מיט אייזיק דאסקאל גייען דורך די לעצטע דעטאלן פונעם קבלת פנים פארן סאטמארער רבי אין ארץ ישראל - חשון תש״פ

תש״ס ווען די בני ברק'ער אהרונים האבן אנגעהויבן רודפֿ'ן אלע זאליס אין בני ברק האט ער געדינגען סעקיורטי גארדס ארום מלון בני ברק, און געשריבן פאשקעווילן קעגן זיי ארויסשרייבנדיג די נעמען פון די שלעגערס. אזוי אויך אין די יארן שפעטער אין בני ברק, איז ער געווען די פראנט קעגן די אהרונים אין בני ברק.

ער איז געווען אין אמעריקע אין די פייערדיגע ס' יארן הייסנדיג אלס משה גבאי'ס א מענטש און שווער געארבעט פאר רבי זלמן לייב טייטלבוים. ער פלעגט ארויסגעבן גליונות און קונטרסים (ווי המרידה און הבגידה).

ער פלעגט שרייבן אין דער איד אלע קנאי'שע נייעס (היינט שרייבט עס זיין קאזין עזריאל מרדכי יאזשעף).

ער איז שטארק אריינגעמישט אין דער עדה החרדית פאליטישע פירערשאפט. ער האט געגרינדעט תשע״ד א האטליין מיטן נאמען קול חברי העדה החרדית וואו ער האט געלאזט הערן די סאטמארער מיינונג איבער די חפירות אין מתחם גאלאווענציץ און נאך מערכות.

ער פירט די שקל הטהור קאסע פונעם הרב זלמן לייב טייטעלבוים איינער פון די צוויי סאטמארע רבי׳ס, זינט איר גרינדונג תשע״ג.