דזשערעד קושנער

פֿון װיקיפּעדיע
קפיצה לניווט קפיצה לחיפוש
דזשערעד קושנער
Jared Corey Kushner
Jared Kushner 2018.jpg
דזשערעד קושנער, 14טן מאי 2018
געבורט 10 יאנואר 1981 (אלט 39)
ליווינגסטאן, ניו זשערסי, פאראייניקטע שטאטן פון אמעריקע רעדאקטירן דעם פֿאקט ביי וויקידאטן
מדינה Flag of the United States.svg פאַראייניקטע שטאַטן
פעילות בולטת אייגנטומער פון קושנער קאָמפּאַניעס גרונטייגנס פֿירמע
השקפה דתית יידישקייט
בן/בת זוג איוואנקא טראמפ רעדאקטירן דעם פֿאקט ביי וויקידאטן
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער OOjs UI icon info big.svg
קושנער ביים כותל מיט זיין שווער

דזשאַרעד קאָרי קושנער (אידישער נאמען: יואל חיים; ענגליש: Jared Corey Kushner; געבוירן דעם 10טן יאנואר, 1981) איז אַן אמעריקאנער אידישער ביזנעסמאן, אינוועסטירער און ריעל עסטעיט אנטוויקלער און צייטונג ארויסגעבער, וועלכער איז א הויכער ראטגעבער צו זיין שווער, דאנאלד טראמפ, דער פרעזידענט פון די פאראייניגטע שטאטן. קושנער איז דער זון פון דעם געוועזענעם ריעל עסטעיט דעוועלאָפּער טשאַרלס קושנער און איז פארהייראט מיט איוואַנקאַ טראמפ, פרעזידענט טראמפ'ס טאָכטער און קאָלעגע ראטגעבער. עס הייסט אז טראמפ האט צו אים די מערסטע צוטרוי.

ביאגראפיע[רעדאַקטירן | רעדאקטירן קוואַלטעקסט]

קושנער איז דער עלטסטער זון פונעם ביזנעסמאן אמעריקאנער אנטוויקלער, דער ארטאדאקסישער טשארלס קושנער וואס טוט שטיצן מיט זיין רייכטום פילע ישיבות אין ארץ ישראל, און אן אייניקל פון חורבן איבערלעבער וועלכע האבן אימיגרירט אין די פאראײניגטע שטאטן פון נאווארדאק אין בעלארוס אין 1949. ער איז געבוירן געווארן אין ליווינגסטאן, ניו דזשערזי. ער איז אויפגעוואקסן אין אן ארטאדאקסישער פאַמיליע, און האָט געלערנט אין א רעליגיעזער מיטלשול.

ער איז אַ גראַדואנט פון הארווארד אוניווערסיטעט און ניו יארק אוניווערסיטעט.

געשעפט קאַריערע[רעדאַקטירן | רעדאקטירן קוואַלטעקסט]

ער איז דער הויפּט באַזיצער פון דער קושנער פירמע, און פון דער וועכנטליכער אויסגאבע ניו יארק אבזערווער.

אין 2004, האָט זיין פאָטער טשאַרלעס אָנגעהויבן דינען צוויי יאָר טורמע אורטייל, נאכדעם וואס ער איז געווען קאָנוויקטעד פון שטייער אַרויסדריי, אומלעגאלע נדבֿות און גערעכטיקייט. נאָך דעם, האָט קושנער דזשוניער אָנגעהויבן פירן די משפּחה פֿירמע אויף זײַן אָרט.

אין 2006 האט ער געקויפט די ניו יארק אבזערווער פֿאַר 10 מיליאָן דאָללאַרס.

אין 2007 האט ער געפירט דעם קויפן פון אן אפיס געביידע אויף פיפ עוועניו 666 אין ניו יארק פאר $ 1.8 ביליאן. דאָס איז געווען די גרעסטע קויפן ביז אַ טאָג פון אַ בנין אין די פאַרייניקטע שטאַטן. אין 2008 איז ער אָפיציעל באשטימט געוואָרן אלס CEO פון קושנער פֿירמע.

אין 2014 האָבן קושנער און זיין יינגערער ברודער יושע (ענ') אויפגעשטעלט קאדרע (Cadre), אַן אָנליין גרונטייגנס אינוועסטירונג פּלאַטפאָרמע, אין וועלכער דזשארזש סאָראָס האָט אינוועסטירט 250 מיליאָן דאלאר.

אין 2015 האט ער געקויפט 50% פון דעם טיימס סקווער בנין פון אפריקע ישראל, פֿאַר $295 מיליאָן.

עלטער ראטגעבער צו דער טראַמפּ אַדמיניסטראַציע[רעדאַקטירן | רעדאקטירן קוואַלטעקסט]

קושנער האָט זיך אייַנגעשלאָסן אין דאנאלד טראמפ'ס קאמפיין גלייך נאכדעם וואָס עס האָט אָנגעזאָגט דעם 16טן יוני 2015 אז ער וועט לויפן אין 2016 פרעזידענט וואלן פארן רעפובליקאנער פארטיי.

אין יוני 2016, האט טראמפ, אויף קושנער'ס רעקאָמענדאציע, אפגעזאגט קארי לעוואנדאווסקי, זיין קאַמפּיין פאַרוואַלטער. פאל מאנפורט איז געווען באשטימט אין זיין אָרט.

אום 20סטן יאנואר 2017, קושנער, צוזאמען מיט סטיוון מילר, איז געווען געהייסן איינער פון פרעזידענט טראַמפּ'ס צוויי שפּיץ ראטגעבער.

דעם 25 סטן מיי 2017, איז באריכטעט געוואָרן אז קושנער איז געווען אונטער אויספארשונג אלס טייל פון אן אויספארשונג איבער רוסישער אריינמישונג אין די אמעריקאנער פרעזידענט וואלן און מעגליכע פארבינדונגען צווישן טראמפ קאמפיין און די רוסישע רעגירונג.

אין פעברואר 2018, האָט דער ספּעציעלן פּראָקוראָר ראבערט מועלער, וועלכער פאָרשן רוסישע אריינמישונג אין די יו.עס. פּרעזידענט־וואלן אין 2016, אָנגעהויבן אונטערזוכן צי קושנער'ס ביזנעס באציאונגען מיט באאמטע אין טערקיי, דער פערסישער איינגאס, רוסלאנד און נאך, האבן געהאט א השפעה אויף דער אויסערן פּאָליטיק פון דער אדמיניסטראציע.

פערזענלעכע לעבן[רעדאַקטירן | רעדאקטירן קוואַלטעקסט]

אין 2007 איז ער א חתן געווארן מיט איוואנקא (יעל) טראמפ, די טאָכטער פון דאנאלד טראמפ. אין יולי 2009 האט זי זיך מגייר געווען אן ארטאדאקסישן גיור, און אויף 25סטן אקטאבער 2009 האבן זיי געהייראט. די פּאָר האט דריי קינדער.

גאלעריע[רעדאַקטירן | רעדאקטירן קוואַלטעקסט]