באַניצער:ווארצגאנג

באניצער שפראך קעסטלעך

yi	‫דער באַניצער רעדט יידיש אַלס מוטערשפּראַך.

en-2

‪This user is able to contribute with an intermediate level of English.‬

דער באניצער העלפט אויס גערן נייע באניצער.

דער באניצער נעמט א טייל אין דער
איין ארטיקל א טאג איניצאטיוו.

שלום עליכם!

א דאנק פארן באזוכן און אינטערסירן זיך אין מיין באנוצער בלאט.

מיין סטייל דא איז זיך דורכרעדן זייער רואיג און דעטאליש מיט ליבע און רעספעקט, לויטן יסוד פון וויקיפעדיע וואס הייסט קאנסענסוס צוזאמענארבייט. איבערהויפט וואס איך זעה אן אנדער באנוצער נעמט א שטיקעלע אינטערעסע אין דעם. - אזוי ווייט אז זייער אסאך מאל איז מיין עיקר ארבייט אין די רעדן זייטן אדער אין באהאלטענע אי-מעיל עקסטשעינדזשעס, און נישט אין די גוף הארטיקל.

שפירט זיך פריי מיך צו פרעגן איבער יעדן נקודה פון מיין וויקי אקטיוויטעט, איך ענטפער זייער העפליך.

איר קענט מיר אויך שיקן אן אימעיל פריוואט (זעה זייטן מעניו פון דעם בלאט) און איך זאג צו קיינמאל דאס מפרסם זיין נאר נאך רשות.

מיין מאטיוו און ציל

חז"ל לערנען אונז גדול המחטיאו יותר מן ההורגו - דער פשט איז אז זינד זענען טאקע נישט קיין פיזישער טראגעדיע אבער א רוחניות'דיגער מאראלישער טראגעדיע איז א פאטאליטעט וואס קען נישט ערזעצט ווערן. אז מע'הארגעט איינעם אדער אפילו זעקס מיליאן איז די וועלט ווייטער וועלט.

אנדערשט איז אבער אויב מעהארגעט דעם נשמה פון לעבן וואס הייסט וויסענשאפט: שטעלט אייך בלויז פאר אז איך נעם אוועק פון רבינו הקדוש והטהור רבי יואל טייטלבוים זצוק"ל זיין הייליגן געוויסן, אוואו וואלט די וועלט געווען? איך קען זיך נישט פארשטעלן די צער ארימקייט און טויטקייט פון דאס באשעפעניש אן דעם גרויסן טראכטער.

אט דאס פיל איך כלפי דעם וויקיפעדיע פראיעקט. ווייל מיין בעסטער זאך אין לעבן איז דעת, נישט עפעס ווייס איך וואס וויסנשאפט אדער סייענס, נאר בלויז וויסן. אזוי האט מען מיך ערצויגן, מיט די צייט האב איך איינגעזעהן אבער אז דעת אליין'ס ד.ה. נאקעט בלויז דער וויסן פאקטאר איז נישט דער זאך אליין'ס. נאר יעדער געוויסן באשטייט פון אביסל רוחניות'דיגע געפילן וואס מאיז דורך אין לעבן אין האט זיך אקומילירט הנחות קדושות נסיונות און טאבוס וואס העלפן דאס פארעמען מיין היינטיגער דעת.

דעריבער איז גארנישט שייך קיין בעסערער פראיעקט ווי איך זאל האבן א חלק ווי דער וויקיפעדיע אויף מיין מאמע לשון. דא קען איך מיך באלאנצירן מיין דעת און דאס אויספארעמען מיט די געפילן פון אנדערע.

יא מיר האבן א תורה, א תנ"ך, א חז"ל, א חסידיש ספר, א מוסר אדער א חיזוק ווארט פון אונזערע מנהיגים יעדער איינער אין זיין קרייז. - אבער אין לך הגדול אלא שבימיך: מיר מוזן לערנען דעם דעת ה' דעם תורה הקדושה פון רעביס וואס לעבן צווישן אונז. דא אין מיין גאר קורצער דורכשנישט אין וויקיפעדיע האב איך שוין זוכה געווען צו לערנען וועלטן.

מיין רבי דא

באנוצער:גאנגלערי - ער האט שטענדיג געזאגט אז וויקיפעדיע איז גרעסער ווי אים'ן און קען זיך נישט מיט אלעמען אן עצה געבן און רוב פראבלעמן דא וועלן געלייזט ווערן נישט דורך אים נאר דורך די לאנגער משך פון וויקיפעדיע וואס איז גרעסער פון לעבן אליין'ס.

מיינע חברים ניקס

פאלגענד זענען מיינע חברים וואס איך רעספעקטיר און האב ליעב אהבת נפש מער פון אלעם אויף די וועלט.

באנוצער:פוילישער - (נישטא קיין רשות מפרסם וואס דער האט מיך געלערנט אין פריוואטער אימעיל )

באנוצער:רוני - ער האט מיך געלערענט אז מעקען בלעטער [1] פארשפארן בלעטער (זעה ביי סטאנדארט אידיש ארטיקל ווי ער שפארט דאס צו נישט צוצילאזן דער פאקט אז אידיש ווערט היינט צוטאגס גערעדט מייסטענס ביי חרדישע אידן) און בלאקירן באנוצער [2] און אויפדעקן אידענטיטעטן (איך קען נישט ברענגן א מקור, ווייל דאס אליין'ס וועט אויפדעקן דעם אידענטיטעט וואס רוני האט דאן געטאן אויפדעקן, אבער דער פאקט איז גוט באקאנט ער איז גראדע דאן געווארן אויס סיסאפ דורך דעני פאר דעם עבירה) און אנגרייפן אנדערע באנוצער אז זענען זאקען פאפעטס [3] איז אויך נישט קיין פראבלעם ווילאנג די קהילה איז נישט מוחה.

באנוצער:שמאלץ - ער האט מיר געלערנט אז דאס לעבן איז אסאך מער רואיג און געלאסן אז מען איז נישט מוחה אויף אומרעכטן און מע'מעקט דאס פון וויקיפעדיע. און אזוי האט ער טאקע געטאן[4]. [על כל פנים אזא גלות-רעפארמער שטייגער ווי ביים האלאקאסט וואס אפילו די אמעריקאנטשיגע בעסערע שמעקער די מה יפית'דיגע רוצחישע אידן ווי סטיפען ווייז און די ניו יארק טיימס האבן דאס פארשוויגן און פארשטימט.] (איך האב געשמועסט מיט אים אויפן טעלעפאון און טשעט און אין מיטע הונדערטע שעות ווען ער איז נאך געווען דא סיסאפ זינט דאן הערט מען נישט פון אים)

- אבער איך בין מיט זיי טויט מחולק און איך האלט נישט ווי פוילישער אז מע'מעג שווייגן. איך האלט נישט ווי רוני אז ממעג באגיין אומרעכטן צו מעקן בלעטער פארשפארן בלעטער און בלאקירן באנוצער ווען מען וויל געווינען א מחלוקה. איך האלט נישט ווי שמאלץ אז פון נישט זיך מוחה זיין און ח"ו פאשטיקן עוולות איז מען רואיגער און געשמאקער דאס לעבן, איך האלט נישט ווי שלום בערגער נאר איך האלט אז קודם זאל מען שרייבן אביסל, בעסער ווי גארנישט. - איך דאנק זיי אבער אלע פארן מיך לערנען זייערע געפילן און וויסענשאפן. און וויסן וויאזוי זיך צו ספראווען מיט זייערע שטערונגן.

מיין ארבייט דא

וועט איר דאך פרעגן בין איך קלוגער ווי פוילישער אז איין מענטש קען זיך שלאגן מיט א רבים? בין איך דען קלוגער ווי רוני אז איך א באנוצער קען זיך שלאגן מיט א סיסאפ וואס קען מיט איין קוועטש פון א קנעפל מיך בלאקירן און צוניש לייגן הונדערטע שעות פון ארבייט. בין איך קלוגער פון שמאלץ אז פון האבן א גרויס מויל און זיך קריגן כסדר וועל איך האבן איין חבר? בין איך קלוגער פון שלום בערגער אז עם הארצות און שטות איז ערגער פון אלע עבירות. ניין!

אבער מיין רבי גאנגלערי האט מיר געזאגט און געפאדערט: וויקיפעדיע איז גרעסער ווי איין אדער זעקס מיליאן לעבענעס. עס וועט אין די ענדע נעמען אונזערע אלע חסרונות און מעלות צוזאמן מיט אונזערע זינד און קנאות'ער שוואכקייטן און נסיונות און העלפן די לעבן פון אונזערע דורות וואס וועלן אונז שוין נישט קענען און וויסן אבער אונזער ארבייט איז נישט להבל ולריק ווייל זייער עקזיסטענץ איז אונזער מוה און פלאג, אפילו זיי אנערקענען און דערקענען אונז נישט.

בין איך דען משוגע צו ארבייטן פאר יענעם? אן דעם וואס יענער איז מכיר טובה? אבער די אמת איז אז איך האב ליב מיך מער ווי מיינע קינדער און אייניקלעך און דאס שרייבן און לערנען דא מאכט מיר אויכט אן הנאה אז וויסן ווערט אקומילירט און סארטירט און איך בין א באדייטענער חלק דערפון. - על כל פנים א מינימאלער טייל פון דעם ריזיגן פראיעקט.

לעבן זאל וויסן! לעבן זאל דער וויקיפעדיע! לעבן זאל דער דעת ה'! ה' מלך ה' מלך ה' ימלוך לעולם וועד. שמע ישראל ה' אלוקינו ה' אחד! זאלן מיר אלע זוכה זיין צו די גאולה שלימה צו גיין קעגן משיח צדקינו ומלכינו כ"ק אדמו"ר שליט"א (ר' אהרן) בראשינו. אכי"ר.