אלטער אליעזר הורוויץ

רבי אלטר אליעזר הורוויץ זצ"ל (ה'תר"ל - כ"ט חשוון ה'תש"ג), רב אין ריגליץ.

אפשטאם

רבי אלטר איז געבוירן אין יאר ה'תר"ל (אומגעפער), צו זיין פאטער הרב אברהם שמחה הורוויץ, רב אין בארניוו, א זון פון הרב ישראל הורוויץ, רב אין בארניוו, א זון פון הרב אליעזר הורוויץ, רב אין דזשיקאוו, באקאנט אלס רבי אליעזר'ל דזשיקאווער, א זון פון הרב נפתלי צבי הורוויץ, דער ראפשיצער רב. און צו זיין מוטער א טאכטער פון הרב מרדכי צבי הירש וויינבערגער פון דוקלא.

רבנות

אין יאר ה'תרס"ט ווען זיין פאטער איז ארויף געפארן קיין ארץ ישראל האט זיך אויסגעבראכן א קריגעריי אויף דעם בארניווער רבנות, צווישן רבי אלטר און זיין ברודער רבי איטשעלע, אין דער ענדע האבן זיי זיך פארגלייכט און דער ברודער האט באצאלט פאר רבי אלטר זיבן קראנען א מאנאט ער זאל זיך ציען קיין ריגליץ, און איבערנעמען דאס רבנות אין ריגליץ. שפעטער איז רבי אלטר געווארן רב אין סטאשאוו.

הסתלקות

רבי אלטר איז אומגעקומען אויף קידוש השם, זיין יארצייט ווערט געהאלטען כ"ט חשוון ה'תש"ג.

פאמיליע

רבי אלטר האט געהייראט מרת מרים א טאכטער פון הרב משה עפשטיין, א זון פון הרב קלונימס קלמן עפשטיין, א זון פון דער גוטער יוד פון ניישטאט. זייערע קינדער:

• הרב ישראל יוסף הורוויץ (ה'תר"ן (אומגעפער) - י"ז מנחם אב ה'תשכ"ח), ריגליצער רב, ער האט געהייראט מרת רבקה א טאכטער פון הרב יצחק הורוויץ, דער סטוטשינער רב.

• הרב רפאל הורוויץ (ה'תרנ"ו - י' כסלו ה'תשל"א), קאלאמייער רבי פון בורו פארק, ער האט געהייראט מרת חיה א טאכטער פון הרב אליעזר ניסן הורוויץ פון צפת.

• די ווייב פון הרב שלום רוקח, פון סקאהל.

• מרת יוכבד הי"ד, די ווייב פון הרב ירוחם דאכנער, פון בריגעל.

די ווייב פון הרב משה הורוויץ פון פשעצלאוו א אייניקל פון הרב אברהם חיים הורוויץ, רב אין פלאנטש.

• מרת פעלא, די ווייב פן הרב יואל הערשבערג פון קראקא.

• מרת ביילא די ווייב פון הרב משה ריינמאן א זון פון הרב חיים ריינמאן פון נאראל.

רעפערענצן

• אנציקלופדיה לחכמי גליציה, מאיר וונדר