מילך

פֿון װיקיפּעדיע
שפּרינג צו: נאַוויגאַציע, זוכן
א גלאז מילך.

מילך ווערט גערופן א ווייסע פליסיגקייט, וואס געווענליך ווערט דאס ארויסגעמאלקן פון א זויג חיה א נקיבה (למשל א קו) אדער א מענטש. עס זענען פארהאנען עטליכע ערליי מילך ווי צום ביישפיל עס איז דא וואס האט מער וואסער עס איז דא וואס זענען פעטער א. א. וו. מילך אנטהאלט פראטעין, קאלציום און וויטאמין C. דער עיקר צוועק פון מילך איז צו שפייזן די ניי-געבוירענע קינדער.

נאר מענטשן טרינקען מילך אפילו ווען זיי זענען שוין דערוואקסן, און דעמאלסט טרינקען זיי מילך פון בהמות, צום ביישפיל קי און ציגן.

מען קען אויך מאכן א סארט מילך פון מאנדלען, סאי, קאקוסניס און פארשידענע ניסלעך. אפילו פון באנאנען מאכט מען מילך.

געזונט[באַאַרבעטן | רעדאקטירן מקור]

דאס מילך פון א בהמה אנטהאלט נאטורליך פארשידענע הארמאנען וואס לויט טייל שטודיעס זענען שעדליך פאר מענטשן. דערפאר זענען פיל מענטשן אלערגיש דערצו.

מאראליש[באַאַרבעטן | רעדאקטירן מקור]

וויבאלד כדי צו טרינקען מילך פון א באשעפעניש ברויך מען זי כסדר פארשוואנגערן און צונעמען איהר קאלב תיכף נאכן געבורט, האלטן אסאך אז עס איז אוממאראליש. אזוי אויך דעם וועג וואס מ'באהאנדלט די קי אויף די גרויסע פארמס איז זייער גרויזאם און אוממענטשליך.

מילך פראדוקטן[באַאַרבעטן | רעדאקטירן מקור]

מען מאכט דערפון יאגורט, פוטער און קעז.

אידישקייט[באַאַרבעטן | רעדאקטירן מקור]

מן התורה איז פאראן אן איסור צו קאכן מילך מיט פלייש, און מדרבנן איז אויכעט אסור אפילו צו מישן מילכיקס מיט פליישיקס.

לויט דער הלכה דארף זיין א איד בשעת'ן מעלקן, אנדערשט טאר א ייד נישט טרינקען צוליב א גזירה פון חז"ל. מילך וואס א ייד איז נישט געווען דערביי ביים מעלקן ווערט גערופן חלב עכו"ם. רבי משה פיינשטיין איז מתיר דאס אלגעמיינע מילך אין אמעריקע היינט ווען די רעגירונג פירט אדורך די געזעצן, און די OU פארלאזט זיך אויף זיין פסק.‏[1]


וועבלינקען[באַאַרבעטן | רעדאקטירן מקור]

רעפערענצן[באַאַרבעטן | רעדאקטירן מקור]

  1. אזוי אויך האט דער פרי חדש מתיר געווען דאס מילך אין עגיפטן אין זיין צייט.