גינע

רעפובליק פון גינע République de Guinée
פֿאָן הערב
נאציאנאלע זינגליד: Liberté (פרייהייט)
קאנטינענט	אפריקע
אפיציעלע שפראך	פראנצויזיש
הויפטשטאט	קאנאקרי 9°31′N 13°42′W
רעגירונג	רעפובליק
פרעזידענט פרעמיער מיניסטער	אלפא קאנדע מוכאמאד סאיד פאפאנא
גרינדונג דאטום	2טן אקטאבער 1958 (פון פראנקרייך)
פלאך מאס וועלט גראדונג פלאך פראָצענט וואסער	245,857 קוואדראט ק"מ 78 נישטיק
באפעלקערונג - צאל - וועלט גראדונג - ענגקייט	10,601,009(2011) 79 מענטשן פאר אַ ק"מ
פראדוקט ווערדע	$10.6 ביליאן(2011) (149סט)
וואלוטע	גינעאישער פראנק
צייט זאנע	UTC
אינטערנעט דאמען	gn.
טעלעפאן קאד	224+

גינע (פראנצויזיש: Guinée), אפיציעל די רעפובליק פון גינע, איז א לאנד אין מערב אפריקע. זי גרענעצט גינע-ביסאו אין צפון־מערב, סענעגאל אין צפון, מאלי אין צפון־מזרח, דעם בארטן פון העלפאנדביין אין מזרח, און ליבעריע און סיערע לעאנע אין דרום. אין דרום־מערב האט זי א בארטן אויפן אטלאנטישן אקעאן. זי באדעקט א שטח פון בערך 246,000 קוואדראט ק"מ.

בערך 10 מיליאן מענטשן וואוינען אין גינע. די הויפטשטאט איז קאנאקרי, און די אפיציעלע שפראך איז פראנצויזיש. גינע איז א מיטגליד אין דעם אפריקאנער פארבאנד.

ראיאנען

גינע ווערט צעטיילט אין זיבן ראיאנען.

ראיאנען פון גינע

עקאנאמיע

גינע האט אסאך נאטורלעכע רעסורסן, כולל מער ווי 25% פון דער וועלטס באוואוסטע רעזערוון פון באקסיט. אויך האט גינע דיאמאנטן, גאלד און נאך מעטאלן. אנדערע אינדוסטריעס זענען פאבריקן פאר ביר, פרוכט זאפט, געטראנקען און טאבאק. 80% פון דער ארבעטסקראפט ארבעט אין לאנדווירטשאפט. ווען גינע איז געווען אונטער פראנקרייך האט זי עקספארטירט באנאנען, אנאנאס, קאווע, פיסטאשקעס, און פאלמעס אויל.