בורקינע פאסא

בורקינע פֿאַסא Burkina Faso
פֿאָן הערב
נאציאנאלע זינגליד:
קאנטינענט	אפריקע
אפיציעלע שפראך	פראנצויזיש
הויפטשטאט	וואגאדוגו 12°20′N 1°40′W
רעגירונג	רעפובליק
פרעזידענט פרעמיער מיניסטער	בלעז קאמפאארע
גרינדונג דאטום	5טן אויגוסט 1960 (פון פראנקרייך)
פלאך מאס וועלט גראדונג פלאך פראָצענט וואסער	274,200 קוואדראט ק"מ 74 0.146%
באפעלקערונג - צאל - וועלט גראדונג - ענגקייט	15,746,232 (2009) 61 57.4 מענטשן פאר אַ ק"מ
פראדוקט ווערדע	$20.06 ביליאן ‏ (123סט)
וואלוטע	מערב אפריקאנער פראנק
צייט זאנע	UTC
אינטערנעט דאמען	bf.
טעלעפאן קאד	226+

בורקינע פֿאַסא (פראנצויזיש: Burkina Faso) איז א לאנד איינגעשלאסן לאנד אין מערב אפריקע. זי גרענעצט מאלי צו צפון, ניזשער צו מזרח, בענין צו דרום־מזרח, טאגא און גהאנע צו דרום, און בארטן פון העלפאנדביין צו דרום־מערב. זי באדעקט א שטח פון 274,200 קוואדראט ק"מ.

בורקינע פֿאַסא האט א באפעלקערונג פון 15.75 מיליאן מענטשן (געשאצט 2009). ביז 1984 האט דאס לאנד געהייסן די רעפובליק פון אויבער וואלטע. די הויפטשטאט איז וואגאדוגו, און די אפיציעלע שפראך איז פראנצויזיש. בורקינע פאס איז א מיטגליד אין דעם אפריקאנער פארבאנד.

היסטאריע

די רעפובליק פון אויבער וואלטע (פראנצויזיש: République de Haute-Volta) איז געגרינדערט געווארן דעם 11טן דעצעמבער, 1958, ווי אן אויטאנאמישע קאלאניע אין דער פראנצויזישער געמיינדע. אום 5טן אויגוסט 1960 איז זי געווארן אינגאנצן אומאפהענגיק. דער ערשטער פרעזידענט איז געווען מאריס יאמעאגא, און ער האט מבטל געווען אלע אנדערע פאליטישע פארטייען. זיין רעגירונג האט געדויערט ביז 1966.

אין 1987 האט מען געהרגעט דעם פרעזידענט סאנקארא, און דער היינטיקער פרעזידענט, בלעז קאמפאארא, האט איבערגענומען די מלוכה.

ראיאנען און שטעט

בורקינע פאסא ווערט צעטיילט אין 13 ראיאנען, און 45 פראווינצן.

עקאנאמיע

בורקינע פאסא איז פון די סאמע ארימסטע לענדער אין דער וועלט, מיט א ברוטא אינלענדישער פראדוקט פער מענטש פון $1,200. לאנדווירטשאפט שאפט 32% פונעם ברוטא אינלענדישן פראדוקט און באשעפטיקט 80% פון דער ארבעטס־קראפט. א גרויסער טייל פון דער עקאנאמיע אין לאנד איז געשטיצט דורך אינטענאציאנאלגער הילף.

בורקינע פאסא איז א מיטגליד אין דעם מערב אפריקע מאנעטארישן אין עקאנאמישן פארבאנד (UMEOA) און האט דערפאר אדאפטירט דעם CFA פראנק.

מען גראבט קופער, אייזן, מאנגאן און גאלד.