שרגא געשטעטנער
| ||
| געבורט |
1986 מאנטרעאל, קאנאדע  | |
|---|---|---|
| טויט |
30 אפריל 2021 (אלט 35 בערך) ישראל | |
| מדינה |
קאנאדע | |
| קבורה ארט |
הר המנוחות | |
| פאך |
זינגער, קאמפאזיטאר | |
  | ||
שרגא אליהו ״שראַגי״ געשטעטנער (ענגליש: Shragee Gestetner; ה'תשמ"ו, 1986 — י"ח אייר ה'תשפ"א, 30 אפריל 2021) איז געווען א באקאנטער היימישער זינגער.
שרגי איז געבוירן אין מאנטריאל, קאנאדע, צו זיין פאטער חיים א סקווערער חסיד, און מוטער א אייניקל פון הרב שרגא סיני, גרונדער פונעם בית חינוך 'יסודי התורה' אין תל אביב, און פון די פירער פון חינוך עצמאי אין ארץ ישראל.
שרגי האט חתונה געהאט און געוואוינט אין מאנסי, ניו יארק, און זיך פארנומען מיט זינגען אויף חתונות און שמחות, וואו ער האט זיך ערווארבען א גוטע נאמען אלץ ווארעמער הארציגער זינגער.
ער איז נפטר געווארן פלוצלינג, ווען ער איז צעדרוקט געווארן פון מאסן מענטשן, ביים מירון טראגעדיע תשפ"א, און איז געקומען לקבורה אויף הר המנוחות.