שמואל דוד האלבערשטאם

פֿון װיקיפּעדיע
שפּרינג צו: נאַוויגאַציע, זוך
שמואל דוד האלבערשטאם
צאנז־קלויזענבורגער רבי פון בארא פארק
רבי שמואל דוד האלבערשטאם
רבי שמואל דוד האלבערשטאם
חסידות צאנז-קלויזענבורג
פירערשאפט תשנ"ד -
הויף ארט בארא פארק
נומער אין דינאסטיע 2
פאריגער רבי יקותיאל יהודה האלבערשטאם
פאטער רבי יקותיאל יהודה האלבערשטאם
מוטער חיה נחמה אונגער
ווייב צפורה ווידער

רבי שמואל דוד האלבערשטאם איז דער צאנז־קלויזענבורגער רבי אין ניו יארק.

דער רבי איז דער יונגערער זון פון דעם פריערדיקן צאנז־קלויזענבורגער רבי׳ן זי"ע, רבי יקותיאל יהודה האלבערשטאם. נאך דעם וואס זיין טאטע איז אוועק אום ט' תמוז תשנ"ד האבן די חסידים אים אויפגענומען אלס איינער פון די צאנז-קלויזנבורגער רבי'ס.

ער וואוינט אין בארא פארק, ניו יארק, ווו ער האט זיין גרויסן בית המדרש אין צענטער פון געגנט.

דער רבי איז באוואוסט מיט זיין שטארקער עבודת התפילה, בפרט ביי קריאת שמע, ווי מען קען ממש זען ווי דער רבי איז מקבל עול מלכות שמים מיט מסירת נפש, און מען זעט ווי דער רבי גייט אויס ביים ווארט "א-ח-ד" און ביי די ווערטער פון "ואהבת את ה' אלקיך" "בכל לבבך" אז עס קען דויערן צוויי אדער צוויי א האלב שעה די ערשטע פרשה פון קריאת שמע אליין.

אזוי אויך פירט דער רבי אן א גאר לאנגע עבודה ביי שלוש סעודות ווי די זמירות און תורה ציעט זיך אריין לאנגע שעות אינעם מוצאי שבת, ווי מבקשי השם פון בארא פארק קומען כסדר שואב זיין מיט חיזוק והדרכה.

דער רבי איז אויך שטארק באוואוסט מיט די שטארקע פלפולים יעדע וואך פרייטאג צונאכט, אזוי אויך יעדן יום טוב, בפרט חנוכה זאגט דער רבי אלע אכט נעכט שטארקע פלפולים אויף דער סוגיא פון כבתה זקוק לה. עס איז אויך באקאנט פאר אלע מחברי ספרים אינעם פעלד פון פלפולים, אז מען קומט יעדע געלעגנהייט אריין צום רבי'ן אין הויף צו כאפן א ראיון, חידוש אדער סברה, וואס קען זיין גאר נוצבאר פאר תלמידי חכמים.

דער רבי איז דער נשיא פון דער קהילה און מוסדות צאנז קלויזענבורג אין אמעריקא (בארא פארק, וויליאמסבורג, מאנסי, לייקוואוד און מאנטריאל, קאנאדע) און אויך אין ירושלים, בני ברק און אלעד. אויך איז דער רבי נשיא פון מפעל הש"ס העולמי און נשיא הכבוד פון דעם גאליציאנער כולל צדקת רבי מאיר בעל הנס.

זיין חסידות ציילט הונדערטער משפחות אין אמעריקא, ארץ ישראל, ענגלאנד, בעלגיע, אויסטראליע און איבער דער גארער וועלט.


וועבלינקען[רעדאַקטירן | רעדאקטירן מקור]