עבי שטיין
.jpg) | |
| געבורט |
1 אקטאבער 1991 (אלט 33) ניו יארק, פאראייניקטע שטאטן פון אמעריקע  |
|---|---|
| מדינה |
פאראייניקטע שטאטן פון אמעריקע |
| וואוינארט |
מאנהעטן |
|
www | |
  | |
אביגיל ״עבי״ חוה שטיין (ענגליש: Abby Stein; געבוירן דעם 1טן אקטאבער 1991 מיטן נאמען "ישראל אברהם (שרולי) שטיין") איז אן אמעריקאנער טראנסזשענדער אקטיוויסטן,[1] שרייבערין, רעדנערין, און אפגעפארענער געוועזענער חסיד.
ביאגראפיע
[רעדאַקטירן | רעדאַקטירן קוואַלטעקסט]אביגיל חוה, וועלכע איז מער באקאנט איבעראל אלס "עבי", איז געבוירן געווארן אין 1991 אין וויליאמסבורג, אלס א יונגל מיטן נאמען ישראל אברהם שטיין, צו זיין פאטער רבי מנחם מענדל שטיין דער סאווראנער רב און זון פונעם פאלטיטשאנער רבי, רבי מרדכי שטיין, און צו זיין מוטער מרת חיה שיינדיל, טאכטער פון רבי יוסף משה מייזליש, דער געוועזענער ווייטצענער רב פון ברוקלין. זי איז אויך אן אייניקל פונעם בעל שם טוב דער גרינדער פון חסידות.[2] זי איז דאס זעקסטע קינד פון 13 געשוויסטער. אלס קינד איז זי געגאנגען לערנען אין חסידישע מוסדות. שפעטער אין דער וויזשניצער ישיבה אין דעם וויזשניצער שטעטל אין קייאמישע לעיק ניו יארק.
אין יאר 2010 האט זי געהייראט מרת פריידא הורוויץ וואס קומט אויכעט פון א רעבישער-משפחה, א קורצע צייט נאך דער חתונה איז זיי געבוירן זייער איינציגסטע קינד, דוד. אין יאר 2012 האט שטיין איבערגעלאזט די חרדישע געמיינדע און דעם חסידישן לעבן-שטייגער, און האט זיך גע'גט.
אין יאר 2015 האט שטיין זיך דערקלערט טראנסזשענדער, און צוליב דעם האט איר משפחה אפגעהאקט סיי וועלכער קאנטאקט מיט איר. שטיין'ס געשיכטע איז געווען באשריבן און אלע גרויסע צייטונגען אין אמעריקע, [3] און אין ישראל.[4] דער ערשטער ארטיקל איז געווען אין דער צייטונג פארווערטס אויף דער אידישער שפראך.[5]
אין יאר 2014 איז שטיין געווארן א סטודענט(קע) אין דעם פּרעזסטישפולן קאלומביע אוניווערסיטעט וואו זי האט שטודירט פרויען און מין (אידענטיטעט) שטודיעס, און די וויסנשאפט פון פירערשאפט.
שטיין איז הײַנט אַ באַקאַנטע מעדיע־רעדנער, און מען האָט געשריבן וועגן איר אין דער ניו־יאָרק טײַמס און ניו־יאָרק פּאָסט, און זי איז געוואָרן אַ מעדיע־סענסאַציע.[6]
זעט אויך
[רעדאַקטירן | רעדאַקטירן קוואַלטעקסט]וועבלינקען
[רעדאַקטירן | רעדאַקטירן קוואַלטעקסט]- בלאגספאט בלאג (אויף ענגליש)
- פייסבוק (אויף ענגליש)
- "עבי שטײן" אינטערוויע אין יידיש אויף "װײַבערטײַטש"
רעפערענצן
[רעדאַקטירן | רעדאַקטירן קוואַלטעקסט]- ↑ די רעכטן פון טראנסזשענדער מיט די אקטיוויסט אביגיל שטיין. (ארכיווירט 17.06.2016 ביי דער Wayback Machine) The Gentile and the Jew, 2015.
- ↑ "אייניקל פונעם בעל שם טוב קומט ארויס אלס טראנסזשענדער", JTA, 19טן נאוועמבער, 2015
- ↑ זעה א ליסטע אויף איר בלאג.
- ↑ "שרולי החסיד הפך לבחורה: "שנים חשבתי שאני משוגעת". ידיעות אחרונות.
- ↑ "אויס מאַנצביל", פֿון נח באַרעראַ.
- ↑ "פֿאָרווערטס באַטייליקט זיך אין קאָנפֿערענץ פֿון יונגע פֿרויען", פֿון שׂרה־רחל שעכטער, די פֿאָרװערטס.