משולם זוסיא טווערסקי
| משולם זוסיא טווערסקי | ||
|---|---|---|
| טשערנאבלער רבי | ||
| געבורט | ר"ח אלול תרע"ז מאזיר, רוסלענדישע אימפעריע | |
| פטירה | י"ז מרחשון תשמ"ח בני ברק | |
| חסידות | טשערנאבל | |
| הויף ארט | בני ברק | |
| נומער אין דינאסטיע | 8 | |
| פאריגער | רבי חיים יצחק טווערסקי פון לאיעוו-טשערנאבל | |
| נאכפאלגער | רבי מנחם נחום טווערסקי, רבי ישעיה טווערסקי | |
| פאטער | רבי חיים יצחק טווערסקי פון לאיעוו-טשערנאבל | |
| מוטער | טאכטער פון רבי יצחק ישעיה האלבערשטאם, דער טשחויווער רבי | |
| ווייב | בלומא טויבא בראנדוויין | |
| קינדער | מנחם נחום, ישעיה, יעקב מרדכי, אברהם יהושע העשיל, חיים יצחק, שרה חנה חיה האגער, ווייב פונעם קרעטשענעווער רבי אין ירושלים | |
רבי משולם זוסיא טווערסקי (ר"ח אלול תרע"ז - י"ז מרחשון תשמ"ח) איז געווען דער טשערנאבלער רבי.
משולם זוסיא איז געבוירן ר"ח אלול ה'תרע"ז אין מאזיר,[1][2] רוסלענדישע אימפעריע (היינט בעלארוס), צו זיין פאטער רבי חיים יצחק טווערסקי, א זון פון רבי אברהם יהושע העשיל טווערסקי, א זון פון רבי מרדכי טווערסקי פון לויעוו-טשערנאביל, א זון פון רבי נחום טווערסקי, א זון פון רבי אהרן טווערסקי פון טשערנאביל, א זון פון דעם טשערנאבלער מגיד, א זון פון רבי מנחם נחום טווערסקי מחבר פון "מאור עינים" און צו זיין מוטער, א טאכטער פון רבי יצחק ישעיה האלבערשטאם, דער טשחויווער רבי, דער יינגסטער זון פונעם צאנזער רב. אין יאר תרצ"ד איז ער אנטלאפן פון דער קאמוניסטישער רעגירונג אין רוסלאנד קיין ארץ ישראל. אין תרצ"ו איז ער געפארן קיין פוילן צו זיין זיידן דעם טשחויווער רבי.
פארן צווייטן וועלט קריג האט ער געזדאנזשעט צוריקצופארן קיין ארץ ישראל, וואו ער האט חתונה געהאט אין תש"א מיט מרת בלומא טויבא, די טאכטער פון רבי יעקב מרדכי בראנדוויין פון סטרעטין אין ירושלים.
אין תשי"ז האט ער זיך געצויגן קיין בני ברק וואו ער האט אויפגעשטעלט זיין הויף.[2] דער בית המדרש געפינט זיך אין ראב"ד גאס.
משפחה
[רעדאַקטירן | רעדאַקטירן קוואַלטעקסט]רבי משולם זוסיא און זיין ווייב מרת בלומא טויבא (י' טבת תרפ"ב - כ' סיון תשע"ב) האבן געהאט פינף זין און צוויי טעכטער:
- רבי מנחם נחום, טשערנאבלער רבי אין בני ברק, איידעם פון הרב אלחנן היילפרין
- רבי ישעיה טווערסקי, טשערנאבלער רבי אין בארא פארק
- רבי יעקב מרדכי, רב פון די טשערנאבלער חסידים אין אלעד, איידעם פון הרב יצחק לייבוש היילפרין (זון פון הרב אלחנן היילפרין)
- רבי חיים יצחק, לאיעווער רבי פון בארא פארק
- רבי אברהם יהושע העשיל, טשארנאבילער רבי אין אשדוד, איידעם פון רבי אהרן מרדכי רוטנער
- מרת שרה חנה חיה, די ווייב פון רבי ישראל האגער (וויזשניצער רבי)
- די ווייב פונעם קרעטשענעווער רבי אין ירושלים
רעפערענצן
[רעדאַקטירן | רעדאַקטירן קוואַלטעקסט]- ↑ יצחק אלפסי, תורת החסידות 368
- ↑ a b שבת בשבתו 764