משה חדש

פֿון װיקיפּעדיע
קפיצה לניווט קפיצה לחיפוש
משה חדש
קיין פריי בילד
געבורט 14 דעצעמבער 1940
א כסלו ה'תש"א
טויט 3 אויגוסט 2016 (אלט 75)
כ"ח תמוז ה'תשע"ו
קבורה ארט הר המנוחות רעדאקטירן דעם פֿאקט ביי וויקידאטן
טעטיקייט ארט ירושלים
באשעפטיגונג ראש ישיבה
רעדאקטירן אין וויקידאטן וואס פארזארגט טייל פון דער אינפארמאציע אין דעם מוסטער OOjs UI icon info big.svg

רבי משה מרדכי חדש (י"א כסלו ה'תש"א, 14טן דעצעמבער 1940 - כ"ח תמוז ה'תשע"ו, 3טן אויגוסט 2016) איז געווען דער ראש ישיבה פון אור אלחנן אין ירושלים און גרינדער פון אירע פֿיליאלן דורכאויס ארץ ישראל.

ביאגראפיע[רעדאַקטירן | רעדאקטירן קוואַלטעקסט]

הרב חדש איז געבוירן געווארן אין ירושלים צו זיין פאטער רבי מאיר חדש, משגיח פון דער חברונער ישיבה, און זיין מוטער לצביה (הוטנער), א ניכטע פון הרב משה מרדכי עפשטיין (נאך וועמען ער האט געהאט זיין נאמען). אין זיינע יונגע יארן האט ער געלערנט אין חברון. ער האט געהייראט שרה לאפין, טאכטער פון הרב יהושע דוב לאפין (לאפיאנסקי), אן איידעם פון הרב חזקיהו יוסף מישקאווסקי.

אין תשל״ט איז ארויף אין ישראל הרב שמחה וואסערמאן, זון פון הרב אלחנן וואסערמאן, וואס איז געווען ראש ישיבה פון דער אור אלחנן ישיבה אין לאס אנדזשעלעס, און ער האט געוואלט גרינדן א פאראלעלע ישיבה אין ארץ ישראל. ער האט בשטימט הרב משה חדש ראש ישיבה. אין די ערשטע יארן איז די ישיבה געווען אינעם עזרת תורה געגנט אין ירושלים. אין די תש״ן יארן האט הרב חדש אויפגעשטעלט א פרעכטיגע געביידע פאר דער ישיבה אין רוממה געגנט. אויך איז פאראן דארט א כולל וואס הרב חדש האט געגרינדעט, ווי אויך אן אנשטאלט פאר ארויסגעבן ספרים, וואס איז מערסט באשעפטיקט אין דרוקן די ספרים פון הרב אלחנן וואסערמאן.

הרב חדש האט אנטוויקלט די מוסדות פון דער ישיבה און האט געגרינדעט דורכאויסן לאנד פיליאלן ישיבות קטנות - אין גבעת שאול געגנט אין ירושלים, אין טבריה, ראשון לציון און מודיעין עילית. דער שטאב פון מגידי שיעור איז מערסטנס צאמגעשטעלט פון תלמידים פון הרב חדש, און ער איז געווען דער הויפט אויטאריטעט פאר די אלע ישיבות פארבונדן מיט אור אלחנן.

הרב חדש האט געוואוינט אין דער ישיבה געביידע, נאענט צו זיינע תלמידים.

ער איז נפטר געווארן כ"ח תמוז תשע"ו אין הדסה עין כרם שפיטאל נאך א שווערן קרענק.‏[1]

משפחה[רעדאַקטירן | רעדאקטירן קוואַלטעקסט]

  • זיין זון הרב חיים אריה חדש איז אן איידעם ביי הרב ישראל מאיר ווייס, ראש ישיבה פון נחלת הלוויים אין חיפה און אן איידעם פון הרב חיים שמואלעוויטש.
  • זיין איידעם צבי פסח כהן איז א זון פון הרב דוד כהן, ראש ישיבה אין  חברון.
  • זיין איידעם הרב צבי וויינפעלד

זיינע געשוויסטער[רעדאַקטירן | רעדאקטירן קוואַלטעקסט]

  • זיין ברודער רבי אהרן חדש, איידעם פון רבי חיים זאב פינקל, זון פון רבי אליעזר יודל פינקל, איז משגיח פון דער מירער ישיבה אין ירושלים.
  • זיין ברודע רבי נפתלי חדש, איידעם פון הרב פסח קוקיס, רב פון בת ים (אן איידעם פון הרב רפאל קאצנעלבויגן), משגיח פון אור אלחנן.
  • רבי יוסף חדש. איידעם פון רבי נחום קאסטנר, ר"מ אין דער מירער ישיבה.
  • שולמית, ווייב פון רבי ברוך מרדכי אזרחי, ראש ישיבה פון עטרת ישראל

רעפערענצן[רעדאַקטירן | רעדאקטירן קוואַלטעקסט]

  1. חיים צור, ‏ברוך דיין האמת: הרה״ג רבי משה מרדכי חדש הלך לעולמו, ביי לדעת.נט, 3טן אויגוסט 2016 (אויף העברעיש)