יהושע נויווירט
 | |
| רב נויווירט ביי א פארזאמלונג פון געוועזענע תלמידים פון ישיבת קול תורה | |
| געבורט |
16 פעברואר 1927 י"ד אדר א' תרפ"ז דייטשלאנד  |
|---|---|
| טויט |
11 יוני 2013 (אלט 86) ג' תמוז תשע"ג ירושלים |
| מדינה |
ישראל |
| לערנארט |
קול תורה |
| טעטיקייט ארט | ירושלים |
| באלאנג | יהדות חרדית |
| באשעפטיגונג | צדקה וגמ"ח, לערנען, חינוך, הלכה, גמרא |
| זיינע רביס | רבי שלמה זלמן אויערבאך |
| חיבורים |
שמירת שבת כהלכתה
|
  | |
הרב יהושע ישעיה נויווירט (פורים י"ד אדר א' ה'תרפ"ז - ג' תמוז תשע"ג) איז געווען א רב און ראש ישיבה אין ירושלים, און דער מחבר פונעם ספר "שמירת שבת כהלכתה" אויף הלכות שבת און יום טוב. ער איז געווען א תלמיד מובהק פון הרב שלמה זלמן אויערבאך,
ביאגראפיע
[רעדאַקטירן | רעדאַקטירן קוואַלטעקסט]הרב נויווירט איז געבוירן געווארן אין דייטשלאנד. ביי דער צווייטער וועלט מלחמה ער איז אנטרינען מיט זיינע עלטערן, צוויי ברידער און א שוועסטער קיין האלאנד, וואו זיי האבן זיך באהאלטן דריי יאר אין איין שטוב. זיין שוועסטער, יוכבד גאלד, וואוינט אין קיבוץ סעד, און נאך צוויי ברידער האט מען געשיקט אין כינע. אין ה'תש"ו איז ער ארויף אין ארץ ישראל אין א שיף וואס איז ארויסגעפארן פון מארסיי. הרב נויבירט אייניקל פון הרב יעקב עטלינגער הערוך לנר.
ער האט געלערנט אין דער קול תורה ישיבה און איז געווארן א תלמיד מובהק פון הרב שלמה זלמן אויערבאך, מיט וועמען האט זיך באראטן ווען ער האט געשריבן זיין ספר "שמירת שבת כהלכתה", וואס די צווי ערשטע אויסגאבעס פארלאזן זיך אינגאנצן אויף זיינע פסקים. אין תשע"א האט ער פארעפנטלעכט א דריטע אויסגאבע מיט הונדערטע אקטועלע טעמעס.
הרב נויווירט האט געגרינדעט אין בית וגן די ישיבה קטנה פני שמואל און די ישיבה גדולה חכמת שלמה (די ביידע רופט דער עולם אומאפיציעל ״רב נויווירט׳ס ישיבה״), און די ישיבה גדולה נתיבות חכמה צוזאמען מיט הרב דניאל וואלפסאן. הרב נויווירט פלעג אויך זאגן קביעותדיקע שיעורים אין דער קול תורה ישיבה.
הרב נויווירט האט געדינט ווי דער פוסק פון שערי צדק מעדיצין-צענטער (צוזאמען מיט הרב אשר ווייס). הרב נויווירט האט געדינט ווי רב פון דער 'החובש הר נוף' ארגאניזאציע העכער פון 15 יאר. עטלעכע מאל אין יאר פלעג ער קומען זאגן א שיעור אין הלכות שבת, אויך האט ער איינגעפירט אז ס׳זאל זיין א ׳שבת גוי׳.