ברעזנא

פֿון װיקיפּעדיע
שפּרינג צו: נאַוויגאַציע, זוך

קאארדינאטן: 48°49′N 19°39′E / 48.817, 19.65

ברעזנא אדער ברעזנע (סלאוואקיש: Brezno; אונגאריש: Breznóbánya; דייטשיש: Bries) איז א שטאט אין צענטראלער סלאוואקיי מיט א באפעלקערונג פון 22,279 (2005). פאר דער ערשטער וועלט מלחמה איז דאס געווען אין אונגארן און נאכדעם ביז צווישן די צוויי וועלט מלחמות איז דאס געוועזן אין טשעכאסלאוואקיי, און זייט 1993 איז דאס אין סלאוואקיי.

עס איז שוין פאר יארן באקאנט אלס אן אידישע ארט וואס ווערט שוין געברענגט אין עלטערע ספרים, ווי אויך איז דארטן געוועזן א דרוקעריי, וואס האט העכסט ווארשיינליך היבש צוגעגעבן צו דעם אידישן לעבן דארטן.

אידן האבן לכאורה זיך באזעצט אין דער שטאט אין סוף פונעם 18'טן יארהונדערט. אין 1880 האבן געוואוינט אין ברעזנא 236 אידן (פון א טאטאל פון 1,104 איינוואוינער), און אין 1921, אונטער די טשעכעסלאוואקן, האט די פאפולאציע זיך געהויבן צו 369 אידן. אלע ביזנעסער אין שטאט זענען געווען אנגעפירט דורך אידן. די יוגנט גרופעס האבן באלאנגט צו ציוניסטישע און צו ארטאדאקסישע ארגאניזאציעס.

אום 1941 האט די אידישע פאפולאציע זיך געהויבן צו 376, אין יענער צייט זענען עטליכע אידישע פאמיליעס וואס האבן נישט פארמאגט קיין אונגערישע בירגערשאפט, ארויסגעווארפן געווארן פון לאנד, און פארטריבן געווארן קיין אוקריינע וואס איז געווען אונטער נאצישע אקופאציע, און זענען דארט ליידער ערמארדעט געווארן.

די איבערגעבליבענע אידן זענען דעפארטירט געווארן קיין אוישוויץ אום מעי 19 1944 ווי א גרויס טייל זענען ליידער ערמארדעט געווארן, און די איבריג טייל האט זיך דערנאך באזעצט אין פארשידנארטיגע לענדער אין דער וועלט. עס זענען ליידער ניט געבליבן קיינע אידן דארט היינט צוטאגס.

וועבלינקען[רעדאַקטירן | רעדאקטירן קוואַלטעקסט]

http://kehilalinks.jewishgen.org/Berezovo/