באריס זשאנסאן

באריס זשאנסאן
Boris Johnson

געבורט	19 יוני 1964 (אלט 60) ניו יארק, ניו יארק, פאראייניקטע שטאטן פון אמעריקע
מדינה	פאראייניקטע שטאטן פון אמעריקע, פאראייניגטע קעניגרייך
באשעפטיגונג	זשורנאליסט, פאליטיקער
פארטיי	קאנסערוואטיוו
ווייב	מארינא ווילער
האתר הרשמי
פרעמיער מיניסטער פונעם פאראייניגטן קעניגרייך 24 יולי 2019 – 6 סעפטעמבער 2022 (3 יאָרן) מאנארך עליזאבעט די צווייטע → טערעזא מיי ליז טראס ←
אויסערן מיניסטער 13 יולי 2016 – 9 יולי 2018‏ (2 יאָרן) מאנארך עליזאבעט די צווייטע אונטער פרעמיער מיניסטער טערעזא מיי → פיליפ האמאנד דזשערעמי האנט ←
2טער בירגערמייסטער פון לאנדאן 4 מאי 2008 – 9 מאי 2016 (8 יאָרן) → קען ליווינגסטאן סאדיק קאן ←
מיטגליד אין הויז פון קאמאנס 7 מאי 2015 – אמטירט (9 יאָרן)
חתימה

אלעקסאנדער באריס דע פֿעפֿל זשאנסאן (באוואוסט אלס באריס זשאנסאן, געבוירן דעם 19טן יוני 1964, ניו יארק סיטי) איז א בריטישער קאנסערוואטיוו פארטיי פאליטיקער און געווען פרעמיער מיניסטער פונעם פאראייניגטן קעניגרייך פונעם 24סטן יולי 2019 ביזן 6טן סעפטעמבער 2022. ער איז א שטארקער ברעקסיט שטיצער און איז געלאפן אויף א פלאטפארמע זיך אפצוטיילן פונעם אייראפעאישן פאראיין פאר יעדן פרייז. פריער איז ער געווען דער שטאַטס-סעקרעטאר פאר אויסערן און קאמאנוועלט באציאונגען (אויסערן מיניסטער) זינט 2016, און אויך קאמאנס דעפוטאט פאר אקסברידזש און דרום רייזסליפ זייט 2015. ער איז געווען בירגערמייסטער פון לאנדאן פון 2008 ביז 2016.

ער איז אויך א זשורנאליסט און געוועזענער רעדאקטאר פון דער ספעקטאטאר.

ער איז פריער געווען קאמאנס דעפוטאט פאר הענלי פון 2002-2008, און איז געווען אמאל אן אפיציעלער פארשפרעכער אלס שאטן מיניסטער פאר העכערער בילדונג, ביז ער האט זיך געמאלדן צו קאנדידירן פאר בירגערמייסטער פון לאנדאן. זשאנסאן איז געווארן דער קאנסערוואטיוו פארטיי קאנדידאט דעם 27סטן סעפטעמבער 2007.

בירגערמייסטער פון לאנדאן

אום 1טן מיי 2008 איז ער געוויילט געווארן אלס בירגעמייסטער פון לאנדאן אויף א קאדענץ פון 4 יאר. ער האט געווינען די וואלן נאכן ציילן די צווייטע פרעפערענץ שטימען, מיט 1,168,738 קעגן די 1,028,966 שטימען פון זיין קעגנער, דער פריערדיגער בירגערמייסטער קען ליווינגסטאן. באריס האט געמאלדן אז צוליב זיין זיג וועט ער רעזיגנירן אלס מיטגליד פון פארלאמענט. אין 2015 האט מען אים געוויילט א קאמאנס דעפוטאט און ער האט געמאלדן אז ביי די נעקסטע וואלן אין 2016 וועט ער זיך נישט קאנדידירן ווי בירגערמייסטער פון לאנדאן.

פרעמיער מיניסטער פונעם פאראייניגטן קעניגרייך

באריס זשאנסאן איז ערוועלט געווארן אלס דער פירער פונעם קאנסערוואטיוון פארטיי נאך דעם וואס טערעזא מיי האט זיך אפגעזאגט פון אמט צוליב איר דורכפאל מיטן נישט קענען אויספירן דעם ברעקסיט. אלס הויפט פונעם פארטיי האט ער אויטאמאטיש אויך איבער גענומען איר פאזיציע אלס פרעמיער מיניסטער.

2019 אלגעמיינע וואלן

ביי די אלגעמיינע וואלן וועלכע זענען פארגעקומען דעם 12טן דעצעמבער 2019 זענען די קאנסערוואטיוון אונטער די אנפירערשאפט פון באריס זשאנסאן אריינגעקומען מיט א מאסיוון זיג וואס זיי האבן נישט געהאט זייט 1989, געוואונענדיג א איבערוויגנדיגע מערהייט אינעם פארלאמענט מיט דריי הונדערט פינף זעכציג זיצן. דאס האט געגעבן פאר באריס דעם ענדגילטיגן מאנדאט אדורכצופירן ברעקסיט אום יאנואר דעם 31'סטן אויף זיינע טערמינען.

פֿריערדיגער: טערעזא מיי

פרעמיער מיניסטער פונעם פאראייניגטן קעניגרייך 2019 - 2022

נאָכפֿאלגער: ליז טראס

 פרעמיער מיניסטארן פונעם פאראייניגטן קעניגרייך

 בירגערמייסטערס פון לאנדאן