באד אישל

פֿון װיקיפּעדיע
קפיצה לניווט קפיצה לחיפוש
באד אישל (שטאָט)
AUT Bad Ischl COA.jpg
Ischl from the Katrin.JPG
באד אישל
מדינה / טעריטאריע Flag of Austria.svg עסטרייך
קאארדינאטן 47°43′13″N 13°38′0″E / 47.72028°N 13.63333°E / 47.72028; 13.63333קאארדינאטן: 47°43′13″N 13°38′0″E / 47.72028°N 13.63333°E / 47.72028; 13.63333
בירגערמייסטער האנס היידע
שטח 162.8 קוואדראט ק"מ
הייך 468 מעטער
באפעלקערונג (2017)

 ‑ אין שטאָט

13,995‏

באד אישל (דייטשיש: Bad Ischl), איז א ספא און אפרו שטאט אויפן ברעג פונעם "טראון טייך", אין דעם דרום פון דעם לאנד אויבער עסטרייך, אין עסטרייך. די שטאט געפינט זיך הארט אין דעם ריזיגן קורארט צענטער "זאלצקאמערגוט" (דייטשיש: Salzkammergut). די באפעלקערונג פון דער שטאט באשטייט פון 13,995 איינוואוינערס (יאנואר 2017). באד אישל איז די שטאט וואו די ערשטע וועלט מלחמה איז דערקלערט געווארן.

געאגראפיע[רעדאַקטירן | רעדאקטירן קוואַלטעקסט]

באד אישל געפינט זיך אין א הייך פון 468 מעטער און איז אויסגעצויגן אויף א שטח פון 162.85 קילאמעטער, ווען 71.9% פונעם שטאט'ס שטח, איז ארומגענומען מיט וועלדער און 7.9% ווערט גענוצט פאר לאנדווירטשאפט. די אויסלענג פון דער שטאט פון דעם צפון צום דרום איז 19.6 קילאמעטער, און פון דעם מערב'דיגן טייל צום מזרח'דיגן 17.8 קילאמעטער. די שטאט איז פלאצירט אין דעם גמונדן דיסטריקט, דרום פון דעם טראון טייך און צפון פון די אייז-היילן אין דאכשטיין, אין א אונטערשייד פון 50 קילאמעטער פון דער שטאט פֿעקלאברוק.

די בארימטע פראמענאדע פון באד אישל
די ווילע פונעם קייזער פראנץ יאזעף אין באד אישל

היסטאריע[רעדאַקטירן | רעדאקטירן קוואַלטעקסט]

לויט פארשידענע אויסגעפינסן, מענטשן האבן זיך באזעצט אין באד אישל שוין אין דער בראנדז עפאכע און אין דער אייזן עפאכע. אומגעפער אין די 10-15 יארן פאר דער קריסטלעכער ציילונג, איז די געגנט איינגענומען געווארן דורך די רוימישע לעגיאנען (מיטגלידער פון א ספעציעלער אפטיילונג פון דעם רוימישן מיליטער), און איז געווארן א חלק פונעם רוימישן פראווינץ "נאריקום".

דער קאנגרעס און דער טעאטער פון באד אישל

אין דעם 12טן יאר הונדערט, איז די געגנט געווארן א חלק פון דער ארבעטייל פונעם קייזער היינריך דער צווייטער, וועלכער האט אפגעשטאמט פונעם אריסטאקראטישן באבענבערג הויז. די שטאט איז דערמאנט געווארן צום ערשטן מאל אין א דאקומענט פון יאר 1262 אלס "איזעלען" (דייטשיש: Iselen).

אין יאר 1775, לויטן באפעל פון דער קייזערין מאריא טערעזא, עטליכע הונדערטער איינוואוינערס פון באד אישל זענען אריבערגעפירט געווארן צו איבער די קארפאטן בערג, און אויפגעשטעלט דארט א דייטשן יישוב אונטערן נאמען "נימעצקא מאקרא" (דייטשיש: Nimezka Mokra, רוסיש: Немецкая Мокрая),וועלכער געפונט זיך היינט צוטאגס אין אוקראינישער טעריטאריע.

19 אויגוסט 1853, האט דער קייזער פראנץ יאזעף, געבעטן פון קייזערין עליזאבעט פון בייערן, וועלכע איז געווען זיין שוועסטער-קינד, חתונה צו האבן מיט אים אין דער פראמענאדע פון באד אישל, דארט וואו עס שטייט היינט צוטאגס, און זייט יאר 1989, דער שטאטישער מוזיי. אין 1854, זיין מוטער האט אים אנגעקויפט א ווילע אין באד אישל אלס א חתונה געשאנק. די ווילע איז געווארן דעם זומער'דיגן וואוינונג-ארט פונעם קעניגלעכן פארפאלק. אין דער ווילע האט ער אויכעט דערקלערט קריג מיט סערביע אין 1914, א געשעעניש וואס האט באצייכנט דער אנפאנג פון דער ערשטער וועלט קריג. די ווילע געהערט ביז היינטיגן טאג, צו זייערע אפשטאמלינגען, און עטליכע חלקים פון איר זענען אפן פאר טוריסטן און באזוכער.