אהרן מילער

אהרן מילער

פאך	רב

ר' אהרן מילער איז דער רב אין באדען, שווייץ.

ער איז געבוירן אין שווייץ צו זיין פאטער פאטער אברהם מילער און זיין מוטער חוה שטערנבערג. ער שטאמט פון א רבנישער משפחה פון וועלכע זענען דא עד היום אסאך רבנים ומרביצי תורה. זיין מוטערליכער זיידע ר' שמואל שטערנבערג איז געווען פון די "יושבים" אין בעלז.

ער האט גולה געווען למקומות תורה אין ארץ ישראל, צו ת"ת עץ חיים אין ירושלים און בעלז אין בני ברק און נאכדעם אין די ישיבות קול תורה און פאנאוועזש און כולל ש"ס צאנז.

ער איז א ברודער פונעם וועלט בארימטן חזן ר' בנימין מילער.

גאר א שטארקער "תלמיד חכם" און גאון אין אלע חכמות. ער איז שולט אין זיבן שפראכן און איז א שטארק געלערנטער פילאסאף.

ער איז א תלמיד פון הרב גדליה נאדל ז"ל דער תלמיד חביב פון חזון איש און גיוועזענער ראש ישיבת וויזשניץ, וואס ער איז אויך געווען שטארק קאנטערוועריסאל. הרב מילר גייט אין זיינע דרכים ויש אומרים בתוספת נופך. זיינע צוויי ערשטע זין זענען איידעמער ביי צוויי זין פון ר' גדליה ז"ל, אויסגיוועלט דורך ר"ג בחיים חיותו.

זיין קאנטערווערסיאלע השקפה און צוגאנג צו אידישקייט האבען געמאכט רב מילער'ן אלס א נרדף נאכדעם וואס פרומע קנאים האבן אנגעדרייט רבנים וואס האבן געדרוקט אויף הרב אהרן לייב שטיינמאן אים צו צווינגען צו פארלאזן זיין הרבצת התורה אין אשדוד וואו ער איז געווען ראש הכולל ביי רב פינטו'ס כולל. מיט דעם תנאי האבן זיך טאקע די רדיפות קעגן אים אויפגעהערט. די גדולים ובראשם הרב שטיינמאן האבן בשום אופן נישט גילאזט אז מען זאל שרייבען פאשקווילען, מפני כבודו של ת"ח. נאכדעם האט ער במשך צוויי יאר גיגעבען שיעורים אין אמעריקע און אייראפע און שפעטער איז ער גיווארן דער רב פון ק"ק באדען אין דער שווייץ לעבן ציריך ובתמיכת הרבנים דשם. זייט דאמאלס איז דווקא הרב שטיינמאן גיווארען זיין הויפט שטיצער סיי בענייני רבנות און סיי בענייני שידוכים, קעגן די קנאים. דער נייער מחותן פון הרב מילער, פון די גרויסע טוהערס בקירוב פון דעם אפגיגלייזטען יוגענד פון חרדים להשיבם אל מקור מחצבתם, איז פון דיא גרויסע חסידים פון ר' חיים קאניעווסקי, וואס רירט זיך נישט אן שואל עצה צו זיין ביי ר' חיימען [1].

תלמידים פון הרב מילר ובראשם ווטו1, האבן געגרינדעט דעם אינטערנעט פארום עצור כאן חושבים. דארט ווערט גיברענגט פון זיין תורה בעיקר דורך ווטו1 און יהוסף. זי באשטייט אין דעם דאס דיא גאנצע פילאזאפיע, פסיכאלאגיע און דת אויף די וועלט, באזירט זיך ביסודו אויף איין אידעע פון דעם רצון צו איינהייט און צוזאמען-פאסיגהייט (אחדות הויה והתאמה) ואידך זיל גמור.