דורכגאס
פֿון װיקיפּעדיע
א דורכגאָס איז א שמאלער נאטירלעכער וואסער קאנאל וואס באהעפט צוויי גרעסערע קערפער פון וואסער, און ליגט צווישן צוויי יבשות.
לויטן אינטערנאציאנאלן געזעץ,[1] האבן די שיפן פון אלע פעלקער די רעכט אדורכצופארן א דורכגאס.
אינהאַלט |
[באַאַרבעטן] באוואוסטע דורכגאסן
[באַאַרבעטן] צווישן קאנטינענטן
- בערינג דורכגאס, צווישן צפון אמעריקע (אלאסקע) און אזיע (צפון-מזרח סיביר), וואס באהעפט דעם בערינג ים אין צפון מיטן פאציפישן אקעאן און דעם ארקטישן אקעאן.
- דורכגאס פון גיבראלטאר, צווישן אייראפע (שפאניע) און אפריקע (מאראקא), וואס באהעפט דעם אטלאנטישן אקעאן מיטן מיטלענדישן ים.
- דער באספארוס און די דארדאנעלן, אין טערקיי, צווישן אזיע און אייראפע, וואס באהעפט דעם שווארצן ים — דורך דעם ים פון מארמארא — מיטן מיטלענדישן ים.
- באב על מאנדעב, צווישן אזיע (תימן) און אפריקע (דזשיבוטי), וואס באהעפט דעם אינדיאנער אקעאן מיטן ים סוף.
[באַאַרבעטן] אויסטראליע און אקעאניע
- באס דורכגאס , צווישן אויסטראליע און דעם אינזל טאסמאניע.
- קוק דורכגאס צווישן דעם צפון אינזל און דעם דרום אינזל פון ניי זילאנד
[באַאַרבעטן] אייראפע
- דורכגאס פון דאווער, צווישן אייראפע (פראנקרייך) און דעם אינזל גרויסבריטאניע, וואס באהעפט דעם צפון ים מיטן אטלאנטישן אקעאן.
- מעסינע דורכגאס, אין איטאליע, צווישן אייראפע (קאלאבריע) און דעם אינזל סיציליע.
[באַאַרבעטן] אמעריקע
- מאגעלאן דורכגאס, צווישן דרום אמעריקע און דעם לאנד פון פייער, וואס באהעפט דעם אטלאנטישן אקעאן מיטן פאציפֿישן אקעאן.
[באַאַרבעטן] אזיע
- מאלאקע דורכגאסן, צווישן דעם מאלאישער האלבאינזל און דעם אינזל סומאטרע אין אינדאנעזיע, וואס באהעפט דעם אינדיאנער אקעאן מיטן דרום כינעזער ים.
- הארמוז דורכגאס, צווישןאיראן און דער עקסקלאווע צפון אמאן, וואס באהעפט דעם אמאן איינגאס מיטן פערזישן איינגאס.
- טיראן דורכגאס, צווישן סאודי אראביע און דעם סיני האלבאינזל, וואס באהעפט דעם ים סוף מיטן אילת איינגאס.
[באַאַרבעטן] אפריקע
- מאזאמביק דורכגאס, צווישן דעם אינזל מאדאגאסקאר און מאזאמביק.
[באַאַרבעטן] רעפערענצן
- ↑ אינטערנאציאנאלע קאנווענץ וועגן שיפעריי אין דורכגאסן, באתר האו"ם
