שניאור קאטלער

הרב שניאור קאטלער

געבורט	1918 ה'תרע"ח סלוצק
טויט	24 יוני 1982 (אלט 64 בערך) ג' תמוז ה'תשמ"ב באסטאן, פאראייניקטע שטאטן פון אמעריקע
קבורה ארט	הר המנוחות
לערנארט	בית מדרש גבוה חברונער ישיבה
טעטיקייט ארט	לייקוואוד, ניו זשערסי, פאראייניגטע שטאטן
באלאנג	ליטוויש חרדיש
באשעפטיגונג	ראש ישיבה פון בית מדרש גבוה לייקוואוד
אמטן	חבר מועצת גדולי התורה פון אמעריקע, נשיא מכון משנת רבי אהרן
זיינע רביס	הרב אהרן קאטלער הרב יצחק זאב הלוי סאלאווייטשיק רבי איסר זלמן מעלצער
חיבורים	נועם שי"ח ש"יח ערב
פאטער	אהרן קאטלער
צאצאים	אריה מלכיאל קאטלער

הרב יוסף חיים שניאור קאטלער (ה'תרע"ח, 1918 - ג' תמוז ה'תשמ"ב, 1982) איז געווען ראש ישיבה אין לייקוואוד, ניו זשערסי פון תשכ"ב ביז תשמ"ב.

לעבנסגעשיכטע

שניאור קאטלער איז געבוירן געווארן אין סלוצק, ליטע, אין תרע"ח, צו זיין פאטער הרב אהרן קאטלער און זיין מוטער חנה פערל, א טאכטער פון הרב איסר זלמן מעלצער, שטאטס רב און ראש ישיבה. זיין פאטער איז געווען א מגיד שיעור אין דער בישיבה.

ווען ער איז געווען אלט 23 איז ער געווארן א חתן אין קאוונע צו רישל, טאכטער פון הרב אריה מלכיאל פרידמאן. צוליב דער מלחמה וואס איז דעמאלסט אויסגעבראכן איז ער אנטלאפן פון ליטע קיין ארץ ישראל, צו לערנען אין דער חברונער ישיבה. ער איז געבליבן זיבן יאר אין ארץ ישראל. אין יענע יארן האט ער געלערנט מיט זיין זיידן, הרב איסר זלמן מעלצער, וואס איז געווען ראש ישיבה פון דער עץ חיים ישיבה אין ירושלים, און מיטן בריסקער רב. זיין כלה רישל איז אנגעקומען אין שאנכיי. ווען די פליטים אין שאנכיי האבן באקומען וויזעס פאר די פאראייניגטע שטאטן, איז אויך רישל אנגעקומען דארט, וואו זיי האבן חתונה געהאט.

משפחה

רבי שניאור און זיין ווייב רישל (תרפ"ג - ב' אב תשע"ה)‏ האבן געהאט אכט קינדער:

• רבי אריה מלכיאל קאטלער, ראש ישיבה אין בית מדרש גבוה
• רבי אהרן קאטלער, מנהל פון בית מדרש גבוה
• רבי שרגא קאטלער, פון דער הנהלה פון בית מדרש גבוה
• רבי איסר זלמן קאטלער
• מרת שרה יהודית, ווייב פון רבי דוד שוסטאל, ראש ישיבה אין בית מדרש גבוה
• מרת בתשבע קרופעניע
• מרת אסתר רייך
• מרת ביילא הינדא ריבנער